عشق دليمي للكاتب عصام الدليمي
البارت التاسع
قصص نور قلبي
طبعا اخذت الفون واتصلت علئ تيم وكلتله
تيم انسحب وبدون اي نقاش ولتسألي عن السبب
تيم ما مقبل واتخبل كال وينه الحب وين الكلام الي صار وين الوعود
اني كلش متاذيه ومااريد احجيله عن الي صار
ولا اريد ااذي قبلت اخسر حبي بس في سبيل هو ميتأذه ابد
تيم! !!
لمن انقكعت عني رسل بقيت انتظرها
ومره فجاة اتصلت اني جاوبتها بلهفه
هلو عمري شلونج وينج ليش هيج تسوين كالت
مو كيفي واسمع تيم انسحب من حياتي بدون اي نقاش ولتسألي عن السبب
الصراحه اني زاد جنوني كل عقلها تحجي
شنو الي تغير كلت الها ماشي بس وين الوعود وين الحب والكلام يعني كله طلع كلام عابر زين ومشاعري ليش بهاي السهوله عندج تأذيني
شنو الي سويته كالت افهمني والله الي گعد اسوي من مصلحتك انت وخلص حاول تشوف حياتك
كلت الها شلون من مصلحتي انتي قتلتيني
وين بقت مصلحه شوفي رسل راح احجي كلام وسمعي عدل والله اذا ما عرفت السبب وحق الله مراح اسامحج ابد و راح ابقئ ادعي عليج
طول عمري
هاي سكتت واني سكتت بس احس بيها تبچي
گالت ليش ماعندم ثقه بكلامي ولك افهم امي هددتني اذا مااوافق علئ ابن عمي راح تنطي عنوانك لأهلي ولتكول مراح يأذوك والله همه واصلين بالدوله وعدهم علاقات وراح ينهون حياتك باتصال واحد
كلت الها ماشي مو مشكله خليهم اذا همه فعلا كد هذا الكلام يصلون اليه وليقصرون
افهمي شي واحد اني مو بحالهم لان ممسوي اي شي غلط و الحب من نخلقت الدنيا موجود واذا هاي الحجه مالتج كولي للوالده لتقصر خلي توصلها للوزير مو بس لاهلج
كالت يعني انت متخاف يصير عليك شي كلت الها لا مااخاف ولا اهتم واذا انتي تحبين صدك
كوليلها هذا الكلام وابقي ثابته علئ هذا الموقف
كالت بس اني خايفه عليك كلت الها لتخافين والله مراح يصير شي مستحيل امج تسوي هيج شي لأن انتي تحبيني يعني مراح تكول متجاوز او مأذي بنتي وهم امج مو غبيه تفكر بكلام الناس بس كالت هذا الكلام علمود تخافين
فكري شويه
