عشق دليمي للكاتب عصام الدليمي
البارت العاشر
قصص نور قلبي
رسل!!!
من حجيت لتيم وطلبت منه ينسحب كال سمعي هذا الكلام والله اذا مراح تكولين شنو السبب مراح اسامحج ابد و راح ابقئ ادعي عليج طول عمري لأن انتي قتلتيني بشنو اذيتج او قصرت وياج
من سمعت كلامه اني من صدك اخس نار بصدري وبچي هو بقئ ساكت اني كلاله تيم افهم والله من مصلحتك واني مااريدك تتأذه
ولك ماما هددتني تمول اذا مراح توافقين علئ ابن عمج راح انطي عنوان الولد لاهلج وهمه يتصرفون ولتكول ميأذوك والله ينهون حياتك بأتصال واحد
كال هو هذا السبب كلتله اي
كال لعد ليقصرون واني مو بحالهم واذا امج كد هذا الكلام خلي تنطيهم عنواني واني خاضر ولا بحالهم خووش اني ممسوي شي غلط حبيتج والحب مو عيب
الخب موحود من انخلقت الدنيا
وهم لتخافين امج مو غبيه مراح تكدر تحجي لأن انتي تحبين يعني اني مو متجاوز عليج او مأذيج حتئ تكدر تكول لاحد من اهلج
لا عمري العقوبه علينا اثنينا وهم امج تخاف من كلام الناس فكري بها عدل
صفنت علي شنو من بشر هذا شلون تفكير مال واحد مو قليل
اقتنعت بكلامه كلش وصارت عندي ثقه بروحي
سديته منه ورحت علئ ماما كلت الها شوفي
والله لو مو تكرلين لبابا واخواني لو تروحين لرئيس الحكومه مااترك تيم واذا حاولتي تأذين تيم وحق الله اكول كدام العالم كله اني احبه ومااتركه
ماما بقت صافنه عليه كالت مو كيفج متاخذي لو يبثئ اخر شخص بالعالم واذا ابن عمج مصار الي ابن عمتج يصير وهذا الكلام خلي كدام عينج
كلت الها مشا نشوف منو يمشي كلامه كالت شنو قصدج كلت الها هاي حياتي واني من حقي اختار الشخص الي اريده وانتي مراخ تبقين دائمه الي وبعدين اني الي راح ادفع الثمن لذلك
خليج بعيده افضل لأن راح تشوقين رسل الحقيقيه
كالت سوده بوجهج ولج هذا لاعب بعقلج ومعيشج بالكذب وللسوالف الفارغه حسي علئ روحج
اني ترمتها ودخلت للغرفه قفلت الباب
ورجعت اتصلت بـ تيم وكلتله بالصار گال اوك
ابقي علئ هذا القرار ولتخافين اني يمج
كلتله اوك
سديته منه وماما دكت الباب فتحته الها گالت والله راح اسوي شي يصدمج گلت الها شتريدين تسوين سوي اخذت الفون من ايدي وطلعت
اني عادي مهتميت ابد
حبيت هالمغامره وگلت لو اخسرهم كلهم لو اخذ تيم خلص قرار نهائي
