عشق دليمي للكاتب عصام الدليمي
البارت الرابع عشر
قصص نور قلبي
كالت انت منين طلعت النئ بابا البنت اهلها رايديها ابن عمها منا وابن عمتها منا يعني مستحيل تكدر تاخذها افهم
كلت الها: ادري اني اخذت قلبها وراح اخذها هي ومع الايام نشوف كالت ولك انت ليش واثق من روحك هيج كلت الها الدليل صار يمج دزيتي ابن عمها وشوفي خطيه شصار بي المره الجايه وعد اذا سويتي شي مو زين راح تكونين انتي الي بالصوره وانتي الي تخسرين مو احنا
گالت ولك بس فهمني شي واحد انت من تجي تنام متفكر انو انت ظالم كلت الها لا الله شاهد اني انام ظالم ولا انام مظلوم كالت عزه بعينك وعين بنتي 😂 الكلام وياك خساره ومبين شايف روحك هوايه بس خليها ابالك رسل مو الك كلت الها ولا لغيري وهم خليها ابالج رسل لو اني اخذها لو محد ياخذها والايام تحكم
سديته منها طبعا بعد ساعه او اكثر رجعت اتصلت رسل وكالت ابن عمي مستحيل بعد يتقدم لأن اخويه كال الموت اقرب اله من رسل
وماما كلش خايفه منك تكول هذا مو كاعد راحه ابد وتكول سوئ كل هاي الفره وشوفي ولا مهتم
ودمه بارد ويحچي بأستفزاز
ورجعت كالت
حبيبي هم صح كلامك ماما متكدر تحجي شي
وانت حاول تكسبها ويانه لتبقئ بهذا الاسلوب الجاف حاول تغير تصرفاتك وياهئ
رسل! !!
طبعا ماما من حجت ويه تيم خافت كان كلامه حاد وياهئ من سدته بينت عليها علامات القلق
وكالت رسل تركي والله ميفيدج هذا ابد ما يفكر بس بروحه وشوفي كل سالفه يكول معندي شي اخسره وبده يهددني لج بنتي ابتعدي عنه
اني كلت الها لا ماما فدوه والله روحي يمه
مااكدر اباوع لغيره لج ماما رجل بمعنئ الكلمه
ومستعد يقدم كلشي في سبيل اصير اله
شوفي شسوئ كله علمود كالت عزه بعينج الي سوااا هم تحسبي شي حلو كلت الها
فدوه ماما بس اوكفي ويانه والله راح ابقئ ممنونه الج للموت كالت انتي تعبتيني حيل
وماكعد تفهمين شي لچ هذا شراني وظالم و تركتني وطلعت اني بقيت صافنه بكلامهم بس صدك تيم مجنون
وعنده تصرفات مو طبيعية شلون كدر يتغلب علئ ماما وابن عمي بهاي السهوله
اويلي فديته رجعت اتصلت بي وكلتله يغير اسلوبه مع ماما ويحاول يكسبها واني اعرف اذا ماما وافقت علئ تيم اني اصير اله لأن كلشي يصير بموافقتها هي بابا مااله اي دور
كال تيم خليني شويه ضاغط عليها وهي راح
تقتنع مع الايام
و ماما صارت تشوفني احجي ويا بس متحجي شي وهم كالت لابن عمي انسحب افضل وخلته يبتعد وابن عمتي كالتله ماالك نصيب شوف حياتك وتحججت انو اذا واحد منهم اخذني راح تصير مشاكل بالعائله الصراحه خايفه من تيم لان نطاهم درس مراح ينسوو ابد
بس الي فهمته هي وافقت مبدئيا علئ تيم بس
اعتقد تنتظره يغير تعامله وياها او اكو شي براسها
