مراسلكم من قلب الحدث😎😎 واقفه منتظره المواصلات الساعه تلاته الناس دي زي النمل😪😪 و لا حافله بالغلط ماف 😿💔 السواقين تقول كتبنهم عن فكي كتابه الواحد يجي يعاين بث و يعشمنا علشان نجر عليهو فييوو يمش 😤😤 و السخانه تشوي شوي والله بقينا زرووووق زي الفحمه يحليل جلخه العيد الجبتها من نونا راحت في الوقوف والمعافره 😂💔 بعد طالع روح حتي جات حافله يلا النمل دا كلو شنه هجوم علي قطعه السكر الواحده دي (الحافله)😂😂 والله كاتحين كتح نضيييف 😂😂عارفين المنظر دا انتو ما محتاجين اوصفو ليكم 😂😂 المهم بندفر و بنعافر علشان نركب بث تعال انت يا الحرامي العامل لي فيها مفتح و عايز توريني الطفي النور منو😎😎 اسحب الجوال من الشنطه و افصل السماعه براحه بث هو ما عارف بيان بت لذينه اول ما الغنيه فصلت عاينت تحت بث شفتو ليك مسكتو سريع من يدو😏😏 هو الحمار اتلفت علي و نفض لي يدي وقام جاري مفتكرني ح اسيبك يا وسخ والله كن جوالي ربيكا ما بسيبك قايلني خليتو وقعدت اصرخ و اكورك زي بنات 😂😂 زولتكم محمد ولد بث و محمد زاتو متبري منها😂😂 يلا ولا شفت الشارع فيهو منو ولا شنو رفعت ليك الاسكيرت فووووق و شفتو الجري في جامعه الخرطوم لمن تكتم مظاهره و يفكو البومبان بث ياهو 😂😂 كتح نضييييف هو جاري و انا جاريه وراهو واشيل و اشتم ما خليت شي ما قلتو فيهو لساني صليت عاد اعمل شنو 😂😂الساعه القربت احصلو كدا جات عربيه خبطتني رقدتني سلطه زي الخروف الضبحوهو جخخخ 😂😂 احي يا غلبي ما مسكتو ود الحرام 😿💔تاني ما وعيت علي شي الا وانا في المستشفي 😳فتحت عيوني حبه حبه وانا مخلوعه بقيت بتلفت زي سواق الركشه 😂😂 لقيت واحد واااي انا منو اول ما شفتو قلبي عمل شحح 🤤😻 طويل قمحي 😻😻وازن دقنو كدا وزنه وااي انا من دقنو دا احييا من جمبو كيفن امش😻😻 و شعرو ناعم لي درجه مبااالغه و طويل لي درجه مرجعو ورا و رابطو بي لستق ولا بانده المهم حاجه 😍😍 ولابس ليك قميس اسود و ااي مع لونو يسو كدي 👋 و بنطلون رمادي وديك يا الجزمه الكلاسك السودا والله اللمع من عيوني😻😻 و مكفكف يدين القميص للكوع😻😻 و ديك يا الساعه وخاتم الفضه😻😻 احييي انا و احيي انا فلان دا واقف قنا 😻😻ولا العضلات اموت انا في العضلات قعدت اتنح فيهو ساعه 😻😻 وهو شغال بتكلم بالتلفون و بقول اسراء اسمعني انتي بث اديني فرصه اتكلم 😕😟انا والله ما قصه موزعك لاكن البت دي جات طايره لي من ماف اي انا عارف انها نصابه و الحركات دي كترت في السودان واي شي لاكن بالجد هي اتعوقت ما من ناحيه انسانيه اخليها 😪😪 حقك علي عارف كان لازم اكون معاك هسي بث الظروف😪😪 بعوضك ان شاء الله ما تزعلي حقك علي انا في سزي قلت مششششم عضلات و وشنب و لحيه واخر الليل اسراء ردي علي ما قارد اتنفس😪💔.... بعد خلص قال لي الحساب مدفوع اذا احتجتي اي حاجه ممكن تكلمي المومرضه او الرسبشن😑😑 طبعا وااي انا من بحه صوتو التقول فنان 😻😻قلت ليهو دقيقه هو حصل شنو وانا هنا كيف😥😥 قال لي ما حصل شي كل الموضوع انو انا كنت سايق بي مزاج ومستعجل لانو عندي موعد مهم تجيني بت طايره زي القدر و تقع قدام عربيتي😊😊وااي انا ما استفزاز😤😤 قلت ليهو يعني قصدك اني قاصده اقع قدامك حبا فيك مثلا وليه ما تكون انت الظهرت لي زي القدر😑😑 قال لي الظلط دا للعربات انتي عربيه ولا مرخصه؟؟! وريني علشان لو مرخصه ركبي لينا لوحه علشان نخاد حزر 😊😊 قلت ليهو انت تطلع منو علشان اركب ليك لوحه؟؟!😒😒 قال لي انا الضاب لي بهيمه وعملت لي زوق وجبتها المستشفي و ضيعت مواعيدي 😊😊 قلت ليهو بهيمه؟؟!😑😑قال لي اي لانو الغنم زاتو ما بتصرفو التصرف دا تجي خاشه في الشارع زي البهيمه تبقي بهيمه😊😊 قلت ليهو لا واخلي جوالي يتسرق انت عارف لو ما عرببتك يا سيد كان هسي رجعت جوالي عارف انو جوالي في السوق بي كم وعشرين مليون و هو جديد ما تمه اسبوع هسي بي سببك ضاع😿💔قال لي ما بي سببي بي سبب تخلفك قلت ليهو تخلف؟؟! واعمل شنو يعني اقعد اعين زي ناس الشارع 😑😑 قال لي تعايني ليه وفي حاجه اسمها شرطه وفي حاجه اسمها قسم😕😕قلت ليهو جخخخخ قسم قال 😂😂 ياهو الما رجع 😑✋قال لي منو القال ليك ما ح يرجع وبعدين انتي هسي ايه ضمنك انو الحرامي الكنتي ساكاهو دا ما يكون شايل ليهو مطوه ولا اي نصيبه زمان وعلي فكره ما بعيد تكون انتي اصلا متفقه معاهو اصلا االنصابين في االبلد دي كترو😊😊( يلا انا االحارقني انو هو بقول كلامو دا وشغال بي جوالو يعني ولا مكلف نفسو يعاين لي 😤😤 )قلت ليها لا دقيقه انت مفتكر اني رميت نفسي قاصده علشان اخد منك قروش ولا حاجه 😱😱 قال لي وليه لا 😊😊 قلت ليهو انت ما بتعرفني ولا شنو انا بت اكبر رجال الاعمال في البلد 😑😑 رفع لي حاجب وهو لسه مدنقر في جوالو وقال لي ولا بتشرف😊😊قلت ليهو دفعت كم علشان اديك قروشك دي و تقطع وشك مني و شلت شنطتي وبقيت بفتش علي المطبقه حقتي😪😪 قال لي انا ما محتاج لي قروش منك 😊😊قلت ليهو وانا كمان قروشك ما بتلزمني 😑😑قال لي اممم طيب ميتين حقات الدرب زايد الفحص اممم الغرفه يعني حوالي خمسميه بث في اولاد يتامه تحت ممكن ديهم ليها بدلا عني 😊😊 قلت ليهو فرحان لي بالخمسميه دي لا يا روح امك تشيل قروشك دي و تمش تتصرف فيها بي طريقتك وبقيت بقلب في الشنطه وااي مطقتي ما لقيتها قلت ليهو مطبقتي وين 😑😑 قال لي نعم؟؟!😊😊 قلت ليهو ما تعمل لي فيها ما عارف مطبقتي وين؟؟!😑😑😑 قال لي هي مطبقتك تساليني منها انا ليه دا لو عندك مطبقه اصلا😊😊 قلت ليهو شت شكلها وقعت او اتسرقت اسمع هنا انا تعريفه منك ما عايزاها حتي حساب المستشفي ما تدفعو و كتر خيرك انك جبتني لحد هنا لانو ما انا البتهمني القروش 😒😒 قال لي واضح و العفو 😊😊 ياخ وقام طلع اتخيرو البرود الفيهو حيوان مع انو سمح بث كرهتو شااااديد نرفزني غياظ قرض بث حيوان 😤😤 المهم نزلت لي ناس الرسبشن و طلبت منهم جوال واتصلت علي امي قلت ليها تجيني في المستشفي و تجيب لي معاها قروش علشان نحاسب طبعا قعدت تكورك و تجوط وليه جوالك مغلق و اتاخرتي وين و الوداك المستشفي شنو حركات الامهات😪😪المهم بعد مسافه حتي اقتنعت اني كويسه وما عندي مشكله غير خبطه صغيره في الراس وعلي بال ما امي تجي تعالو اقعدو جاي اقول ليكم انا منو طبعا كلكم عرفتو انو اسمي بيان😎😎 اي بيان مالكم عاجبني و ح اعمل ليكم وجع وش كل مره 😎😎 وزاتو بعدين بيان لي بيان بفرق 😌✋ يلا ابوي اسمو وجدي و امي اسمها جوري ابوي سوداني و امي لبنانيه اي مهجنه زي الكلب اللولو مالكم ما تضحكو جاده انا 😂😂 عمري 18 بقرا اعلام😻😻 و عندي اخوي الصغنوني بصير😻😻 ياداب عمرو سته سنين بتاع شغب و جوطه وخلط خالط بنات الروضه كلهم 😂😂و عايشه معانا خالتي روجي (رتاج) هي اكبر مني بي سنتين بتقرا محاسبه احلا زول ياخ بريدها ريده بتجيب لي الجكس النضيييف والناس الطبيه 😍😍كنا عايشين في كندا حياه رفاهيه و راحه و حريه 😻😻لحد ما جا وقت ادخل الجامعه وابوي حلف ستين يمين ما اقرا جامعه كفر😹💔 المهم نقل اعمالو كلها السوان وجينا السودان لينا سنه كدا😭😭اي لغتي السودانيه كويسه لانو في البيت ابوي وامي كانو بتكلمو معانا عربي وغير كدا اهل ابوي حنونييييين شديد و بحبونا و تعاملهم معانا حلو حتي امي بقت بتتكلم سوداني كانها هي اصلا سودانيه 😂😂 طبعا زولتكم سنفوره ما تضحكو ياخ خلوني اضحك براي😂😂 اي ما طويله بث ما قصيره شديد و ما طويله حاجه كدا في النص مربوعه لوني خليط بين بياض اللبنانيين و سمار السوانين 😻😻المهم لون حلو كدا شعري بني😻😻 و عيوني عسليه فاتحه وقوامي حلو لانو بلعب زومبا وبرقص طوالي اصلا جني رقيص حتي مرات كدا ساي بتهف لي عندي صحبتي كتش زومبا في نادي بمش بقفل بدلها 😂😂 اصحابي في الجامعه بقولو لي لولو علشان مهجنه و كدا خاصه اني بشبه اهل امي شديد و لغتي لغه اهل ابوي فعامله مكس حلو 😂😂 ايوه هندا ابوي كتم اقصد وصل 😂😂 و امي زاتها جات معاهو طبعا امي فرجت علينا خلق الله دا كلو شي كواريك وما ادراك و الحصل وكيف حديث و الجوال يطير انتي المجريك ورا الحامي شنو وهسي الضربه دي لو جابت ليك ارتجاج في المخ ولا تخلف عقلي 😱😱 بصير قال ليها امي اهدي هي اصلا متخلفه يعني ما ح تفرق 😂😂طبعا اخوي لسانو سلييط شديد 😂😂 المهم ابوي مشي يدفع الحساب و جاني قال لي دا مش جوالك الكنتي ساكه الحرامي علشانو و دي بطاقتك الجامعيه 😳😳قلت ليهو سجمي لقيتهم وين ديل 😱😱 قال لي الرسبشن قال لي انو الحساب مدفوع و اداني الحاجات دي😕😕 قلت ليهم كيف مدفوع وانا محفطتي ما لقيتها و البطاقه دي اصلا كانت قاعده في جراب الجوال والجوال دا الجابو منو وكيف وصل هنا وانا ما قدرت اقبض الحرامي😱😱قال لي والله ما عارف الرسبشن قالت لي كدا و ادتني الحاجات دي انتي الجابك هنا منو😒😒قلت ليهو ما بعرف كدي دقيقه شلتهم و مشيت للرسبشن و وراي روجي 😪😪 قلت للرسبشن لو سمحتي انا بيان وجدي كيف يعني الحساب مدفوع الجوال دا كيف جا هنا ومنو دفع الحساب اذا انا ما دفعتو 😑😑 قال لي واحد كدا سايق ليهو نيسان باترو 😻😻قلت ليها شجمي قاتي شنوو😱😱....... يا ربي دا منو كمان ابو نيسان دا 😻😻و داير شنو من بيان ح نعرف البارت الجاي ان شاء الله يلا زي ما متعودين اقول ليكم 😂😂😂💔
استمخووو... 😎✋
