قلت ليهو ف... ف.. ف.. ف.. فهه فه فهد😱😱 عاين لي و دنقر شال الكوره وقام مشي كلمه ماقالها لي دخل جوه ريتا جات ومعاها الشفع لقوني قاعده متربعه في االنجيله جو فعدو معاي شكل دايره و ريتا قعدت جمبي شايله معاها لدن و يزن شلت منها لدن و بقيت بلعب فيها و بتونس معاهم قلت ليهم انتو كلكم ساكنين هنا😅😅 قالو لي اااي😂😂 قلت ليهم طيب قاعدين تلعبو في الميدان البرا دا؟! ما حصل شفتكم الميدان دا طبيعي فاضي😅😅 واحد قال لي هئه عمو فهد ما بخلينا 😪😪قلت ليهم فهد راجلي دا ما غيرو😹😹قال لي اي ياهو قلت ليهو كلام والله وليه يمنعكم تلعبو في الشارع عملو هو نحن ما عارفين ولا كيف😹😹 مازن قال لي مره كانو في اولاد كبار بلعبو بالكوره و قامو ضربو ليهو بيها قزاز عربيتو ومن وقتها هو منع الشفع و الكبار يلعبو برا😭😭قلت ليهو اجش حكومه والناس مظلومه اتاريك يا فهد ما هيبه ساي😂😂 طيب هسي انا لو مشيت اجيب منو الكوره بديني ليها 😅😅اي واحد عاين للتاني وسكت مسكت ريتا لدن و مشيت دخلت جوه لقيتو جاي علي المطبخ قلت ليهو فهد ممكن تسمعني ما اداني فرصه زاتو اتم كلامي طوالي رجع غرفتو وقفل الباب طااخ في وشي😪😪 مشيت دخلت المظبخ عملت ليهم عصير و جيت ريتا قالت لي بابا قال ليك شنو😂😂 قلت ليها بري اصلا ما كنت ماشه ليهو وبعدين بشتري ليهم كوره جديده ما مشكله يلا تعالو اشربو العصييير 😹😹المهم بقيت و بونس في لدن وبلعب معاها و بصفق ليها بي يديها و هي تضحك و عندها غمزه تقول تقرميها و الجضوم مبالغه ياخ😻😻وانا بلعب معاها عندي خصله من راسي بقت بتتحرك لي في عيوني فلفت راسي علشان ترجع لورا😪😪 لمحت فهد وهو قاعد في السطوح و بتكلم بالجوال و مندمج اخر ونسه قعدت اعاين ليهو و سرحت فيهو ياخ تفاصيلو تهبل ياخ😻😻فجاءه انتبهت انو هو قبضني بعاين ليهو ومن اللبشه ما قدرت انزل عيوني منو بقينا نعين لي بعض مسافه بث شويه كدا احس لي بي عضه في اصبعي اتلفت لقي ليك دي لدن وااي يدي خدرت حيوانه خلاص خربت لينا ام اللحظه زاتو ياخ😭😭 لمن رجعت عاينت للسطوح تاني لقيتو ماف قلت بكون دخل جوه😪😪الشفع قعدو معاي لحد قريب المغرب بعدك جو طالعين قلت ليهم استنو ما ديرين كورتكم 😅😅قالو لي عمو فهد بكون شرطها زماان 😪😪قلت ليهم كيف يعني😱😱 واحد قال لي عمو فهد كل ما يشيل من ناس كوره تاني ما بترجع لانو بشرطها 😂😂قلت ليهم واااي حقير لاكن😭😭 بث اسمع ليكم زول وراي قال لي احم منو الحقير دا لو سمحتي 😒😒 اتلفت لقيتو فهد كان طالع للصلاه و لابس ليهو جلابيه و طاقيه واااي قرض كيف اول شي سرحته فيهو تاني قلت ليهو هو اااا كااان ب ب بصيرر بصير اخوي هو الحقير😹😹 قال لي وانتي بتصرخي مالك هسي😏😏 قلت ليها هاااا😸😸 قال لي ما علينا اولاد انتباه قالا بي صوت عالي لمن انا اتهجمت اتلفت لقيت ليك الاولد ديل كلهم في الوضعيه العسكريه و داقين التحيه عجبتني شديد بدون ما احس لقيت روحي بضحك و بقول ليهو تمام مافي كلام قفل و احتفل 😹😹 حمر لي طولي سكته 😹😹قال ليهم استريح👮👮 الاولد اخدو وضعيه تانيه برضو تبع الجيش قال ليهم الكوره دي حقت منو سكتو كررها ليهم بي صوت اعلا الكوره دي حقت منو 😠😠مازن قال ليهو انا بي صوت واطي و برجف 😭😭فهد قال ليهو لمن الزول يتكلم يرفع راسو يتكلم بي صوت عالي مش انت راجل يلا وريني صوت الرجال يا بطل 😊😊 قال ليهو حاضر عمو فهد جدعها ليهو وقال ليهو ممكن تاني تلعبو بيها في الشارع بعيد عن عربات الناس هسي اجرو دخلوها البيت و اجي القاكم في الصف الاول للصلاه مفهم الاولد قالو ليهو مفهم و جرو زي الساكيهم كلب 😂😂 قلت ليهو فهد معليش ما تقسي عليهم في الكلام كدا هم لسه صغار و كدا ح يخافو منك😅😅 قال لي و ما يخافو وين المشكله و بعدين الاسد ترويضو وهو صغير اسهل ميه مره من ترويضو وهو كبير😊😊قلت ليهو خلاص استمخ ما تفور فيني راي بث ما اكتر بعدين اسفه ما كنته قاصده قال لي اتمسخ ولا شنو 😂😂وقعد يضحك وااي انا دايره اطير ياخ اول مره في حياتي يضحك لي كدا ضحكه طالعه من قلبو شعور حلو شديد بقيت سرحانه في ضحكتو 😻😻 اول ما انتبه لي رجع لي وضعيه كومار اب شلخه قال لي خشي جوه😒😒 قلت ليهو اصلا داخله ماف داعي تفرض علي رايك اوكي😊😊 و دخلت خليتو تميت ليلي كلو اتبسم و اتزكر فيهو 😻😻ومن هنا علاقتي مع فهد اتصلحت و اكتر شي خلاهو يكبر في عيني انو وقع علي اوراق المحامي مع انو الشروط كانت صعبه ومستفزه و كان ملتزم حدو معاي شديد و راجل قدر كلمتو ابدا ما خجلني في مناسبه لي اهلي او عزومه او حتي زياره عاديه بالعكس بعاملني قدام االناس احسن معامله حتي عرفني بي اصحابو وناس الحي و سرو و ريناد دايما بجونا و رتاج دي ساكنه معانا عديل 😂😂مرت علينا شهرين و طبعا فهد بصحي و بطلع بدري و انا قدر ما حاولت اني اصحي قبالو اسوي ليهو الشاي بلقاهو فات😂😂 فيأست المهم يوم العصر كدا شيفاهو قاشر اخر قشره و طالع كان لابس ليهو بنطلون اسود و جزمه كلاسك اسود و قميص لبني و ديك يا الساعه و خاتم الفضه يهبل😻😻 قلت ليهو فهد انت طالع 😅😅قال لي لالا عايز اجرب شعور القشره بث شيفاني شنو انتي هنا دا سؤال ليك 😒😒 قلت ليهو لا انا قصدي عندي امانه عايزاك توصلها لي زول لو ما عندك مانع 😪😪 قال لي امانه شنو وزول منو😒😒 قلت ليهو تتزكر زميلي الكان جاب ليك الدفتر داك😅😅قال لي ما بتزكرو بث مالو😕😕 قلت ليهو اصلا انا يوم لاقيتو كنت عايزه منو يجيب لي لابتوبو علشان عندي بعض الشيتات عايزه انسخهم في فلاش و هسي هو قال عايزو علشان كدا قلت ليهو ح اديك ليهو يجيك محل ما تحب ياخدو منك😅😅 قال لي وليه ما جيتي طلبتي حقي ليه مشيتي طلبتي من زول غريب😤😤قلت ليهو علي اساس انك قريب لي ياخ انا دا الشهر الرابع لي معاك في بيت واحد وانت كن لاقيتني بالكتير بتسلم علي و كن ما لاقبتني ما بتسال مني و اربعه وعشرين ساعه مشكر في وشي بعد دا داير يكون عندي نفس اطلب منك حاجه 😑😑 سكت ما اتكلم قال لي دا هو قلت ليهو اي شالو وطلع ما اتكلم معاي حرف زياده😪😪 اليوم داك انا كان عندي فليم رعب في امبيسي تو بخلص الساعه 2 فقعدت في الهول لحد الساعه اتناشر ومعاي ريتا ناكل في المكسرات و نصرخ والله الجابرنا شنو ما عارفين وحلات مطفين الانور 😹😹بث شويه كدا نشوف ليك شي جاي و عاكس علي وشو نور و وشو ملان شعر بس بقينا نصرخ و زاتو اتخلع معانا طبعا دا فهد داخل و شغال بي جوالو و ضو الجوال عاكس علي لحيتو😂😂 قال لينا في شنو مالكم😳😳 قلت ليهو فهد ؟؟! 😲😲قال لي لالا شيطان احمر مالكم بتكوركو وبعدين مطفين الانوار ليه 😒😒و شغل الانور جا وقف قدامنا و بقي بتكلم كلام كتير و نحن ولا مركزين فيهو مركزين مع الفليم فجاءه بقينا نصرخ كتلو اكلو لا ليه كدا دا كان اسمح واحد ليه اكلتو 😭😭 قال لينا يا ربي صبرني علي المجانين ديل ومشي فصل التلفزيون حتي نحن يا دوب استوعبنا فكره انو هو كان بتكلم معانا😂😂ريتا قلت ليهو بابا معليش ماما كان خايف علشان كدا ما قدر يسمعك😂😂 قلت ليها ريتا علي اساي انك ما كنت خايفه معاي ريتا الحيوانه فصلت طوالي قالت ليهو بابا انت جاي تعبان في عصير امش اجيب ليك و تنقش تنقش مشت خلتني براي الحيوانه رمه خلاص 😂😂فهد قعد في الكرسي انا طوالي قمت منو مسكني من يدي قال لي بيان اقعدي عايزك في موضوع😊😊 قلت ليهو اللي هو😒😒 قال لي قولي خير اول مالك منفعله كدا😕😕 قلت ليهو خير ان شاء الله😪😪قال لي بيان شوفي اي انا عارف انو انا ما بحق لي افرض عليك شي وكمان عارف انو زواجنا علي ورق و عندو زمن ويخلص بث رجاء خاص طول ما انتي تحت عصمتي اذا احتجتي لي اي شي اطلبي مني انا كونو انو يكون زواجنا علي ورق دا ما بمنع انو ما انفق عليك وما البي احتياجاتك بالعكس لمن مرتي تطلب حاجه من زول برا البيت و انا موجود اقسم بالله ماف داعي لي دقني دا 😪💔طبعا انا نسيت كل كلامو وبقيت مركزه مع مرتي دي تاني قال شنو اقسم بالله ما فارزه حياتي كلها وقفت في كلمه مرتي دي 😻😻 في النهايه قال لي بتمني انو يكون كلامي وضح وعاين لي لقاني سرحانه فيهو ابتسم و حكه حاجبو و قال لي انتي بتسرحي في كل زول بتكلم معاك ولا شنو😂😂 بدون ما احس قلت ليهو لالا فيك انت بث😻😻 فجأءه حسيت علي روحي وقمت جاريه غرفتي و الجخل كتلني 🙈🙈 تاني يوم صحيت مبسوطه نزلت لقيت ريتا بتكوي في كاكي زيتي بي بني قلت ليها دا شنو😕😕 قالت لي دا طلعو لي بابا قال اكويهو ليهو😅😅 قلت ليها اممممم غريبه من جيت البيت دا عمري ما شفتو لابس الكاكي دايما بمش الشغل باللبس المدني العادي دا المهم هسي هو طلع ولا قاعد 😊😊 قالت لي قاعد عاينت للساعه لقيتها عامله 8 وحاجه استقربت قلت لي نفسي بما انو هو امس كان لطيف معاك رايك شنو تسوي ليهو الشاي و كدا مشيت المطبخ ظبط ليهو شاي لبن بالبهارات ختيت ليهو قطع كيك و شلتو في طينيه لقيت ريتا خلصت مكوي و ودت ليهو لبسو مشيت دقيت ليهو باب الغرفه قال لي اتفضل دخلت هو كان مقبل علي المرايه ولابس البلطون معهو بوت بني كدا و فنيله داخليه سودا و بظبت في شعرو وااي انا قرض ياخ اقسم بالله سمح سماحه و العجب جسمو متناسق فظيييع😻😻 ختيت ليهو الشاي في الطربيزه و حيت طالعه هو اتلفت قال لي بيان؟؟!😐😐 قلت ليهو ااا جبت ليك الشاي مع الكيك قلت احسن من تطلع و بطنك فاضيه😅😅 قال لي انمممممم شكرا😊😊 قلت ليهو العفو ولو بث صحي😅😅 قال لي ايوه و مشي شال القميص من السرير و بدا يلبس فيهو قلت ليهو غربيه اول مره اشوفك لابس الكاكي 😅😅 قال لي انممممم لانو من جيتي دا يادوب اول معسكر لي تبع الجيش😊😊 قلت ليهو طيب مع انو ما فهمت قصدك بث ما مشكل ما اعطلك 😊😊قال لي طيب تعالي اقعدي اشرح ليك عليبال ما اشرب الشاي😅😅 جيت قعدت قلت ليهو اها احكي قال لي يا ستي انا اصلا قاري هندسه مكنيكنا يعني انا المفروض مجالي ما يكون ليهو اي علاقه بالجيش بث كمان انا قريت في جامعه عسكريه يبقي التدريب العسكري عندهم اجباري مهما كان نوع مجالك وبي كدا بتاخرج ملازم اول و بعد داك انت بتشتغل في مجالك عادي بث كل فتره بتحتاج ترفع رتبتك فعلشان كدا انا ايام شغلي العادي بكون لابس ملابس عاديه بث لمن يجي زمن انو ااترقي و ارفع رتبتي ف بلبس لبس الجيش 😊😊 قلت ليهو اممم طيب و انت المعسكر دا مفتوح يعني ولا كيف😅😅 قال لي هو مقفول بث انا اخدت تصريح الايام الاوائل ديل ح امش الصباح و ح ارجع المساء دوامي ح يكون من 9 لي 9 اما بعد فتره تاني ما ح اجي الا خميس و ارجع الجمعه😊😊 قلت ليهو اممم و كم فتره المعسكر دا 😅😅قال لي شهرين قلت ليهو انممممم ربنا يوفق ان شاء الله قال لي امين يا رب😊😊 قلت ليهو يلا انا امش علشان اخليك تجهز😅😅 قال لي تمام اوكي😊😊 جاني احساس انو دا ما فهد الانا عرستو دا واحد تاني ياخ ما بصدق فهد بتعامل معاي باللطف دا فهد فجعه اتغير ميه و تمنين درجه😻😻 مشيت المطبخ لقيت ريتا بتسوي في القهوه قلت ليها قهوه من الصباح يا ريتا بتموتي😹😹 قالت لي دي ما لي دي لي بابا 😅😅قلت لي ابوكي اممم انا وديت ليهو الشاي يا حب😉😉 قالت لي شنو شااي😳😳 قلت ليها اي 😅😅قالت لي بابا ما بشرب شاي 😱😱 قلت ليها كيف يعني ما بشرب شاي 😳😳قالت لي بابا ما بهب الشاي😨😨 قلت ليها اصلو لا😳😳 قالت لي بابا عندو هموضه الشاي ما بتفع معاهو 😱😱قلت ليها شت ياخ و جريت علي غرفته لقيتو في قعر الكبايه قلت ليهو فهد 😳😳قال لي مالك 😒😒قلت ليهو انت ليه ما كلمتني انو انت ما بتشرب شاي😠😠 قال لي كل الموضوع انا ما حبيت احرجك وانتي معذبه روحك و جيبه لي لحد غرفتي كمان و عاملاهو بي يدك😊😊 و مشي الدرج طلع ساعتو و بقي بلبس فيها جيت لفتو من كتفو قلت ليهو علشان صحتك عادي تحرجني وما تجامل 😤😤عاين لي و ابتسم قال لي و دا كلو خوف علي ولا شنو 😉😉 قلت ليهو ش ش شنو خووف شنو هههه انت ما جادي و اخاف عليك لشنو هههه😸😸 مسكني من خصري وشداني عليهو و باسني في راسي انا وشي من الخجل لمن اتقلب وردي بعد داركت الموقف دفرتو قلت ليهو بالنسبه لي انك بقيت تستقل براءتي 😤😤 قال لي شنو هو انا عملت شنو😊😊 قلت ليهو تقرب مني ليه😒😒 قال لي انتي عزبتي نفسك و عملتي لي شاي و انا شكرتك يعني عادي طول ما النفوس صافيه اما اذا في البال حاجه يبقي دا شي تاني😉😉قلت ليهو بلاي عادي يعني انت بتشكر كل البنات كدا 😑😑قال لي اممم لالا دا شكر خاص بي مرتي لمن تعمل لي حاجه 😊😊 قلت ليهو مرارتك بالفقعه ما تقول لي مرتي فاهم 😤😤 قال لي طيب اقول لي شنو حبيبتي مثلا 😂😂قلت ليهو فهد شيفاك بقيت تجيب خارجيات و انا بنصحك انو تاني ما تقرب علي فاهم😑😑 قال لي عولم سعادتك 😂😂قلت ليهو يعلموك بي سيف شبر شبرقلبك الميت دا😒😒 مات ضحك قال لي البسمع دعاويك بقول البت دي من طرف حبوبتها ما بتزح 😂😂ما ركزت معاهو شلت صينيه الكيك و طلعت خليتو وانا مفروسه فرسه كان نفسي افضي فيهو سلاح عديل كدا😂😂........ نقيف هنا و نشوف الباقي في البارت الجي ان شاء الله 😊😊
استمخووو..... 😎😎
