قفلت منها و ضربت لي ضياء لحد اخر جرس ما رده اديتو عشره دقايق كدا و تاني رجعت ليهو رده لي قلت ليهو الو ضيووو😻😻 قال لي يا هلا بيك 😊😊 قلت ليهو كيف حالك ياخ ان شاء الله بخير😊😊 قال لي والله تمام التمام وانتي كيف صحتك😊😊 قلت ليهو الا الشوق ياخ 😻😻 قال لي بالاكتر بث معليش ما عرفتك😅😅 قلت ليهو تصدق انك حيوان بحكي معاك ساعه وما عرفتني 😹😹قال لي ايوووا ومن قبيل مالك بتتمسكني والله يادوب نبره الصوت وضحت من حيوان دي عرفتك يا عروس 😂😂 قلت ليهو عروس في عينك يا متخلف هسي انت في زمتك الشوق عندك سبيل ولا شنو بتشتاق للغاشي والماشي😹😹 قال لي ناسي كتااار وما بخب اخسرهم 😂😂 قلت ليهو واضحه جدا ما بتحمب تخسر ناسك لي درجه شاكلت مزن قدام خلق الله 😒😒سكت مسافه و تاني ضحك قال لي هو الخبر وصلك😂😂 قلت ليهو شينه منك بعد الحب دا كلو تفترقو😒😒 قال لي كيفو سعادتك خبرو شنوو 😅😅 قلت ليهو ضياء ما تتهرب مني و ما تنسي انا كنت ليك اخت قبل ما اكون صحبه و حافظاك و عارفه طبعك و عارفك بتحب مزن قدر شنو 😒😒 قال لي بيان انا ما ناكر اني كنت بحبها وجادي و وصلت بيتها واتكلمت مع اهلها و كنت منتظر اخلص اجراءت التخريج و طواالي جاي اتقدم ليها بث هي خربت كل شي بي يدها بيان انا مستحيل اكمل مع واحده ما عندها و لا زره ثقه فيني و مستعده تسمع كلام الف زول عني في حين انا ما برضي فيها ولا كلمه😪😪 اساس كل علاقه الثقه واذا ماف ثقه ماف داعي ليها اصلا😪😪 قلت ليهو ضياء هي اكيد عرفت غلظها وصدقني تاني ما ح تكريرو😿💔 قال لي وهي جات اشتكت ليك يعني علشان عرفاك قريبه مني ههههههه و في نفس الوقت اكتر زول كنت بتحقد عليك و كانت مفتكرانا مربطين من وراها بيان انا شغله الشكوك والغيره الكتيره و الكلام دا ما بنفع معاي و الموضوع دا انتهي😪😪قلت ليهو والله هي ما اتكلمت معاي لاكن السمعتو انو حالتها النفسيه ادهورت و ما رضيتو ليها ياخ انتو كنتو مضرب مثل في الجامعه فجاءه كدا كل شي بيناتكم يخرب 😭😭قال لي بيان ما تشيلي هم الزمن كافي انو ينسينا وانا اصلا خلاص نفسي اتسدت😊😊قلت ليهو معقوله دا انت يا ضياء الكل ما نقعد مع بعض ما عندك سيره غير مزن معقوله الكلام دا طالع منك انت😿💔 قال لي بيان انا الكلام دا قفلتو و بقي ما بفرق معاي انتي قاعده تضيعي وقتك معاي ساي😊😊 قلت ليهو لا يا ضياء ما بضيع في وقتي انت لازم تعيد النظر في الموضوع دا فاهمني انت لازم ترجع تفكر تاني ضياء انت سامعني الوووو ضياء الووووو عاينت لقيتو قفل في وشي😤😤بث اسمعك ليك زول بقول لي ومين يبقي ضياء دا 😊😊رفعت راسي لقيتو دا فهد متكي في باب الغرفه قلت ليهو وانت دخلك شنو دقيقه دقيقه هو انت السمح ليك تخش غرفتي بدون ازني زاتو😑😑 قال لي اذا قاعد ساعه بدق في باب الغرفه و بتصل عليك بجيني مشغول اعمل شنو و بعدين ما تنسي انو البيت دا بيت منو😊😊 قلت طيب بعد كلامك الكتير دا ممكن افهم داير شنو 😒😒قال لي جارنا ياسين اتصل علي وقال مرتو و جارتها جاين يسلمو عليك فجيت اكلمك 😒😒قلت ليهو كان تقول ليهو نايمه ولا اي دهيه 😤😤قال لي ما جيت علشان اشوف رايك لاكن لقيتك ما فاضيه لي فقلت الفي راسي 😊😊قلت ليهو خلاص ما حنك بنزل ليهم اول ما يصلو 😊😊قال لي ما تتاخري و مشي خلاني دخلت قروب الشله و شلت منو رقم مزن و اتصلت عليها ردت قلت ليها الوو مزن كيف حالك😊😊 قالت لي بخير الحمد لله وانتي😊😊 قلت ليها بصحه وعافيه عرفتيني؟؟! 😊😊قالت لي لا والله ما عرفتك 😅😅قلت ليها معاك بيان😊😊 قالت لي بيان ؟؟!😕😕 قلت ليها بيان وجدي نسيتيني😅😅 قالت لي ما عرفتك وقفلت الخط قلت اكيد دي بتستهل اتصلت عليها تاني قفلت الخط في وشي تاني رجعت اتصلت عليها ردت علي وقالت لي شوفي هنا الكنتي بتتمنيهو من زمان حصل ماف داعي تجي تشمتي فيني وكن ضياء رسلك لي قولي ليهو لو انت راجل بالجد تعال قول لي كلامك في وشي دا لو هو اصلا في كلام لسه ح يتقال وحركات الخباثه دي ما بتنفع معاي 😡😡و قفلت الخط في وشي وما ادتني فرصه زاتو ابرر موقفي اتمغصت منها شديد طبعا دي تستاهل الحصلليها كلو قمت رسلت ليها واتس رساله كتبت ليها فيها شوفي هنا يا السمحه انا لا جايه اشمت فيك ولا جايه اشفق عليك انا كنت حابه اصلح بيناتكم لانو كنت عارفه انو البينكم ما لعب و كنتو جادين لاكن للاسف شكلو معلوماتي خانتني و الكان جادي للايف طلع ضياء براهو قبل ما تقولي اي شي كان ممكن تعرفيني انا اتصلت عليك زاتو لشنو بث يا خساره الكنت دايره اكسب فيك اجر و معليش علي الازعاج يا ست هانم 😊💜 ومشيت وصلت ليك الجوال في الشاحن و نزلت لاقيت فهد في السليم قال لي الجماعه ديل وصلو انا ح اطلع اقعد فوق واخليكم علي راحتكم لحد ما انتو تخلصو اوكي 😊😊قلت ليهو حريقه فيك ما بهمني 😑😑بث ايااك تعتب باب غرفتي و مشيت خليتو طبعا لابسه لي انطلون فنايلي اسود و معاهو تيشرت اوفلتيني مكتوب عليهو بالاسود و عندو كتف مايل و رافعه شعري فوق نزلت لقيت واحده صغيره كدا في العمر بتكون عشرينيه كدا لابسه توب بني ساااده و هي لونها حلبيه مع لون التوب مبالغه ياخ مزه قاااطعه قربت ادرق ليها 😍😍 سلمت عليها ياخ سلامها رااااقي راااقي لي درجه دخلت قلبي حبيتها شديد ياخ قالت لي ماشاء الله تبارك الله عروس الهناء و السرور 😍😍 قلت ليها ماشاء الله حالك😊😊قعدت اتونست معاها و عرفتني عليها قالت لي يلا انا رنو رونق مرت ياسين صاحب فهد😅😅قلت ليها تشرفنا ياخ😻😻 قالت لي الشرف لي حبي😊😊 بث اسمع وحده جاي من وراي وبتقول زحي لي كدا يا رونق النشوف الخطفت فهد مننا دي منو 😒😒 طبعا انا استغربت اتلفت لقيتها جايه من المطبخ لابسه ليها توب انناسي خفيييف لي درجه الفستان التحتو ظاهر و اريتو كن طويل الفستان التحت لحد الركبه و فوق سير لاعرفتها جايه زياره ولا رقيص عروس 😳😳 قالت لينا وينا العروس سؤالها اصلا استنكاري يعني الهول فيهو اتنين وحده جات معاها التانيه ح تكون منو يعني😪😪 وقفت اسلم عليها عاينت لي و اتشرطت ضحك قالت لي انتي العروس السرقتي فهد مننا معليش يعني ما تاخذيني دخلت مطبخك بدون ازنك يا العروس 😏😏 قلت ليها عادي ولا يهمك و انا زاتي اتاخرت وما ضيفتكم ثواني بث و برجع ليكم😊😊 رونق قالت لي النبي ما تجيبي شي غير مويه قلت ليها كيف الكلام دا ياخ انتو اول ضيوف يزورني لازم تشربو معاي شي 😊😊 ام لبانه قالت ليها خليها تعمل لينا شاي اصلا نحن ما مستعجلين😊😊 مع انها برضو صغيره بث ما هضمتها نهائي المرا دي😪😪 مشيت المطبخ فتحت الضلفه وانا طبعا ما عارفه حاجه في المطبخ دا ولا عارفه اضيفهم كيف المهم لقيت لي كراتين حق كيك بتي كروكر البعملوها بالمايكر ويف دي اصلا ما بتاخد خمسه دقايق في المايكر ويف بس فتشت لي كوره وما لقيت و بقيت بكركب وما لاقيه حاجه جاتني رنو قالت لي روقي روقي بتفتشي عن شنو 😅😅 قلت ليها ولا شي😊😊 قالت لي شكلك لسه ما اتعودتي علي المطبخ هنا قولي لي بساعدك اصلا انا الرتبت ليك المطبخ مع البت الشغاله 😅😅قلت ليها بالجد ماف داعي تتعبي معاي😊😊 عاينت للمصطبه لقت حاجات الكيك قلت لي شكلك عايزه كوره ثواني فتحت درج كده طلعت لي كوره اخلط فيها الكيك ومضرب و من الدرج الجمبو طلعت لي طاوله الكيك قلت ليها تسلمي عزبتك معاي قالت لي يا بت انتي هبله اعتبريني اختك الكبيره ياخ انا ما صدقت انو اخيرا ح القي لي جاره زي الناس و اتحلي نن ام وشي ديك بث قلت ليك 😅😅 قلت ليها احكي 😊😊قالت ما تشتغلي بي هاجر دي اصلا هي كدا ماف زول بقدر يتحملها حتي انا ما طيقاها 😪😪 قلت ليها لالا عادي اصلا انا ما زعلت منها وما خايتها في بالي قلت لي عثل ياخ انتي 😂😂 قلت ليها تسلمي😊😊 قالت ليتسلم حبوبتك خلاص كفايع رسميات قلت ليهو اوكي يا ستي 😂😂 قالت لي قلبي قال لي ما اطلع لي ام وش ديك رايك شنو ح اعمل ليك الشاي علي بال ما تعملي الكيك و بي كدا ندردش سوا بث الله يحمينا ما تجي تعكر لنا مزاجنا هنا😂😂قلت ليها ماف داعي تعزبي روحك ياخ انتو ضيوفي 😅😅قالت لي هو هه انتي اخوي فهد دا ما حصل حكي ليك عننا ولا شنو قال ضيوفك قال وبعدين هو انتي العروس المفروض ندللك و علي فكره بكره ح اجي افطر معاك انا براي علشان نرتاح في الونسه وح اجيب ليك فطور زي الفطو البشوفو بقول فطور عريس 😂😂قلت ليها طوالي تنوري في اي وقت انتي ياخ 😻😻بعد جهزنا الشاي و الكيك طلعنا بره قعدنا مع هاجر قالت لي اها ورينا كيف اتلاقيتو انتي وفهد لمن عرسك سرعه كدا و نحن نظره ما بدينا ليها😕😕رونق قالت ليها وانتي الحارقك شنو ولا عادل مامالي عينك😊😊 ام لبانه دي عاينت ليها و بطرف عينه و بقت تطقطق في لبانتها غمزت لي رنو نظام دي ملا دي😹😹 رفعت لي حواجبها نظام بري ما بعرف😂😂 المهم قعدنا اتونسنا و بعد داك هم طلعو و انا جيت ضايرت الهول ووديت كل الحاجات المطبخ و لملمت المطبخ و جيت طالعه شايفه فهد طالع قلت ليهو علي وين يا المبروك😒😒 قال لي ما دخلك و طلع ما اشتغلت بيهو مشيت غرفتي و قعدت في سريري قلت اقوم اشتغل بي جوالي شويه قمت شلتو لقيت 15 مكالمه من مزن و عشرين رساله قمت رجعت ليها فتحت لي الخط وهي قاعده تبكي😭😭 قلت ليها في شنو مالك بتبكييا بت قطعتي قلبي كدي روقي و استعدي بالله و فهميني الحصل 😳😳 قالت لي بحبو يا بيان والنعمه بحبو😭😭قلت ليها خلاص روقي يا هنايه كل شي بتحلي بالرواقه لوقعدتو مع بعض بتتحلي😿💔 قالت لي بيان هو ما راضي يشوف وشي ولا عايز يسمع سيرتي 😭😭 قلت ليها مزن روقي اي هو ليهو حق بث انتي كمان اصبري علي رد فعلو بث كل نشكله مصيرها تتحله😊😊قالت لي بيان اصبر كيف بيان ضياء ضاع مني بالجد بقي بكرهني 😭😭قلت ليها مزن البحب ما بكره و بعدين المشاكل دي موجوده في كل علاقه بث البخلي العلاقه تستمر هو التفاهم 😊😊قالت لي بيان والله انا ما قادره ما قادره عارفه هو بقي ما بجي الجامعه ولمن يجي و يشوفني بتجاهلني كاني ما موجوده ما لاقيه لي طريقه اقول ليهو الجواي حتي بقيت ما قادره اركز علي دراستي 😭😭قلت ليها طيب انتي هسب روقي و وقفي بيكي و انا بحلها شوفي بكره الساعه 4 شارع النيل كيف معاك😊😊قلت لي ليه قلت ليها المرضوع دا ما بتحله في الجوال بكره لمن الاقيك بوريك البيك و العليك بث انتي هسي روقي بكره نتلاقي بعد تخلصي دوامك 😊😊 قالت لي كويس تسلمي ومعليش لانو فهمتك غلط و ما اديتك فرصه يا بيان قلت ليها ولو دا الواجب😊😊 قفلت منها و مشيت وقفت في بلكونه غرفتي شايفه فهد قاعد في الحديقه و بتونس بالجوال و بضحك قلت ليهو جواي تضحك في النار كريه دا اي فالح تضحك مع خلق الله ديل كلهم الا انا تكشر لي وشك القبيح دا😒😒شويه كدا ضحك ضحكه واااي انا لمن سرحت فيهو عديل واااي انا قرض بي شكل مبالغه قلبي قال لي اجري احضنيهو والله موت ملامحو و عيونو حواجبو ولا دقنو احييي انا انفي اقرم ليهو اضانو 😻😻خليكم منو اي خلوني اتدردق براي ما تتدردقو معاي لو سمحتو 😌✋ اااي غيره و روح شريره انتو مالكم😹😹المهم و اثناء ما انا سرحانه فيهو لقيتو بعاين لي ولسه بتكلم طوالي رفعت عيني منو بقيت بعاين في البيوت الجمبنا يلا نحن ساكنين في مدينه مقفوله خاصه ظباط الجيش بيوتها كلها زي بعض شكل فيلل نفس التشكله كلهم ونفس المساحه😻😻 و علي حسب الوصف رنو فيلتهم الالعلي يمينا اما هاجر الفاتحه فينا بعد داك دخلت جوه رقدت نومت تالني يوم صحيت الساعه تمنيه نزلت تحت لقيت في بت بتنضف في البيت قلت السلام عليكم قالت لي و عليكم السلام قلت ليها انتي جيتي متين قالت لي قبيل بابا جابني هنا 😊😊 من كلامها المشقلب دا عرفتها حبشيه 😂😂 قلت ليها و ين فهد 😊😊 قلت لي بابا مشي شغل 😊😊قلت ليها ايوا تمام وانتي اسمك منو 😅😅قالت لي ريتا قلت ليهو انننننننم تمام😊😊قالت لي وانت ماما اسمك منو قلت ليها بيان😊😊 قالت لي اسمك هلو ماما😅😅 قلت ليها يا روح امك انتي😹😹 قلت لي شنو😅😅 قلت ليها ولا شي اشتغلي حبيبه اشتغلي😹😹 و مشيت دخلت المطبخ شربت شايي و طلعت قعدت في الهول لحد الساعه 9 اتصلت علي رنو قالت لي امس نست تشيل مني رقمي و اتطرت تتصل علي راجلها علشان يشيل الرقم من فهد قعدت اتونست معاها و قالت لي انها ما ح تقدر تجي تفطر معاي لانو ماشه بيت اهلها امها تعبت قلت لها اجر وعافيه ان شاء الله 😊😊قالت لي تسلمي و قفلت علي كدا اما انا قعدت حايمه في البين نصو اكل و نصو انوم ونصو اساعد الحبشيه لحد الساعه 2و نص بعد داك مشيت اخدت لي دوش و جبت لبست لي اسكرت اوفلتيني و فميص ابيض مخنصر و رفعت البوف و عملت الباقي دونت و نزلت لي خصل قدام و لبست لي طرحه مورده ابيض بي اوفلتيني بي زيتي و جزمه عامله زي الاسبورت وما اسبورت وفيها كوره فرو كبيره كدا قدام لونها افلتيني و عملت مك اب حلو و بسيط و اكسيسوار ناعم و شلت شنطتي و نزلت تحت بتاع الترحال قال لي انا جمب البيت بث ما عرفتو قلت ليهو كويس طالعه ليك هسي و ماشه علي الباب كدا ريتا قالت لي ماما علي وين😅😅قلت ليها عندي مشوار ما بتاخر خلي بالك من البيت تمام وما تدخلي زول غريب😊😊قالت لي حاضر ماما😊😊 يلا طلعت وقفت برا شيفه بتاع المضلعه في بدايه الشارع رفعت ليهو يدي جا وركبت و اتحرك😊😊......نقيف هنا و نشوف الباقي في البارت الجاي ان شاء الله😊😊
استمخوو......😎😎
