ركبنا الطياره انا قعدت جمب الشباك و فهد بالجهه التانيه 😒😒و اي واحد فينا طبعا متجاوز التاني لحد ما وصلنا دبي اخدنا فيها 5 ساعات بث كانت احلي ساعات خاصه انو اتعرفت لي علي كم بت معانا و لفينا الاسواق الحره الهناك و لقيت لي كذا حاجه كدا عجبتني و اشتريتهم فيهم ملابس رياضيه علشان ارقص بيهم زومبا وفي منهم بجامات بيت حلويين شديد و في منهم بنطلين المهم كل العجبني اشتريتو😍😍و رجعنا تاني المطار لحد ما الزمن انتهي ومن هناك اتحركنا بي طياره اكبر و احلا ياخ مبالغه كانت وصلنا لندن و الزمن كان عندهم مبادر الصباح😻😻الواطه بين مضلمه وما مضلمه و الجو بارد والتلج نازل 😻😻و المطار زاتو تحفه و البلد خراااافيه يلا انا طلعت قبل فهد و بقت واقفه منتظراهو برا وهو واحد عيوان خلاص قعد قريب ساعتين وانا البرد كتلني الساعه الاشوفو ليك جاي لابس ليهو بنطلون اسود و جزمه تمبر زيتي و سيوتر تقيييل زيتي وداك يا الفريم الاسود وانا الشكيه لي الله ولا طرحه اتلفح بيها ساي ما شيلاها😭😭 قال لي تركبي ؟؟! ولا برضو ح تعملي لي فيها بتعرفي تتصرفي و طبعا انا من البرد لمن اسناني بقت تتطاقش في بعض😹😹 قلت ليهو انت واحد حيوان انا عرستك ليه يا ربي 😭😭قال لي وانتي واحده شدده ما خارقه في الزكاء جايه لندن بي لبس البشوفك بقول ماشاء جزر الهملايا الساحليه و بعدين انا ما عندي زمن للكلام الكتير والعربيه دي منتظرانا ليها ساعه و اشر علي عربيه كبيره كدا بتاعت منظمات لونها سودا و مظلله دستوري وفي راجل كدا لابس ليهو بدله سودا و سماعه بلوتث واقف جمبها و بتلفت يمين وشمال انا من البرد لقيت نفسط ما قادره اتكلم 😭😭 هو مشي وانا ماشه وراهو اول ما وصلنا العربيه الراجل فتح لينا الباب ركبنا و هو ركب و العربيه اتحركت الحمد لله العربيه كانت مشغلين فيها الدفايه لانو انا خلاص اطرافي بقيت ما حاسه بيهم بقيت متكرفسه في مقعدي لحد ما نومت ما صحت الا و انا في حته مظلمه ما شايفه شي بقيت بفرفر😱😱 لقيت دي بطانيه لونها سودا و تقيله كانو مغطني بيها 😹😹عينت لقيت نفسي في غرفه كدا مهما قلت ليكم حاجه خياليه ما ح تصدقو شكلو بيت خشبي لاكن مبالغه دااافي و فرشو بسيط و حلو وراقي شاااديد😻😻 نزلت براحه من السرير ومشيت حومت في الغرفه وشفت حمامها ما كان فاضي الزمن كان عصر كدا 😪😪 نزلت براحه تحت الصاله وااو واااو واااو😻😻 والمطبخ مبالغه بث بث ما لقيت فيهم زول😑😑 رجعت فوق دخلت الغرفه حسيتها مختلفه شويه قلت يا ربي الغرفه زي كل ما الزول يدخل و يطلع بتتغير ولا شنو😂😂بث اشوف ليك فهد طالع من الحمام بي شورت صغير كدا و خاتي البشكير في رقبتو شيييت🙊🙊 من دون ما احس صرخته و غمضت عيوني بي يدي و بقيت برجع لي ورا لحد ما اتلصقت في الحيطه وهو بضحك سامعه صوت ضحكتو😒😒بعد شويه سمعت لي صوت باب فتح و قفل قلت بكون رجع حمامو تاني و بقيت بفتح حبه حبه بث القي ليك الدقن فوق راسي بث عايزه اصرخ قفل لي خشمي و رفع لي حاجبو قال لي مالك شايفه جني؟؟! 😊😊 والمشكله لسه هو بنفس حالتو ديك ولا فكر زاتو يحرك البشكير من مكانو رجعت غمدت عيوني طوالي قال لي بتخجلي من راجلك ولا حكايتك شنو 😉😉 قلت ليهو لو سمحت نحن اتفاهمنا من السودان في الموضوع دا😑😑 قرب لي اكتر لمن دقات قلبي زادت قال لي بث نحن في شهر العسل ولا نسيتي وبعدين انتي جيتيني في غرفتي بي رجليك😊😊 دفرتو وقلت ليهو قليل ادب 😤😤 و طلعت من الغرفه و مشيت غرفتي و بقيت ماشه و جايه وانا متلخبطه اتزكرت نفسي اني اصلا ما غيرت لبسي بتاع السفر لقيت شنطتي قاعده جمب الباب شلتها و فختيتها في السرير و كانت الصدمه هنا الشنطه كلها استغفر الله العظيم 😱😱 الحيوان دا بدل يشيل الشنطه المستفاها الكنت خاتاها في السرير شال شنطه تانيه الجمب الدولاب 😭😭😭 نزلت تحت وانا بنبز فيهو قلت ليهو فهد يا زفت جاني برفع في شعرو بالمشط و كان لابس ليهو بنطلون صاقعه زيتي بي اسود و قميص اسود و ديك يا الساعه اتنحت فيهو ساعه لمن نسيت كلامي الدايره اقولو😹😹 والاه رقدت فيهو عديل 😂😂طقطق لي قال لي عايزه شنو😒😒 قلت ليهو ااااا احم دي شنو الشنطه الجايبه لي دي 😤😤 قال لي دي الاول ما فتحت باب غرفتك لقيتها في وشي جمب الباب شلتها 😊😊 قلت ليهو لانك حيوان دي شنطه ارواب النوم حقت الشيله شنطتي كانت في السرير 😤😤 عاين لي وقعد يضحك قال لي ومالو ما هو انتي اصلا في شهر العثل احتمال تحتاجي ليهم 😉😉قلت ليهو تصدق انك واحد زباله وانا متاكده انك قاصد تعمل كدا😤😤 قال لي ههههه واقصد ليه يعني علي اساس اني ح اعاين ليك اذا لبستي منهن او غيرهم😊😊 واي انا من حيونتو في قلبي قربت امسكو اخنقو قصف ام جبهتي زاتو 😭😭قلت ليهو تبقي ما قصرت و طلعت غرفتي فتشت الاكياس الكنت جبتهم من دبي طلعت لي منهم ترينق لحد نص الساق كدا لونو عنابي و معاهو تيشرت عنابي بي اسود و اسبورت نايك لونو اسود بي عنابي كنت اشترتهم للزومبا المهم شلتهم و دخلت الحمام اخدت لي دوش و جيت طالعه لميت شعري فوق وقفلت شنطه استغفر الله العظيم ديك و ختيتها طرف و جيت رصيت حاجاتي الفي الاكياس ديك في للدولاب و لقيت لي سيوتر جديد معلق في الدولاب لونو اسود شكلو جابو لي الزقق دا المهم لبست الاسبورت لانو شبشبي حق البيت قاعد في الشنطه الما جات و الهنا ديل كلهم حقات الريش ديلك 😪😪 يلا حسيت روحي جيعانه شديد نزلت تحت و بقيت بنده علي اللتخه دا بث ماف زول برد فتشت البيت لقيتو فاضي حتي غرفتو فاضيه لمحت ورقه معلقه في باب غرفتو بي بره مكتوب فيها انا ح اطلع مشوار وانتي من تطلعي من البيت لانو البيت دا ريفي و بعيد من المدينه كل شي بتحتاجيهو ح تلقيهو موجود داخل البيت واذا حصل معاك شي مهم حاولي تشغلي عقلك براك و تتصرفي وما تتصلي علي جوالي مغلق وما تطلعي من البيت الجمله دي افهميها و عمل لي تحتها خط احمر 😪😪 ما ركزت فيهو كتير لانو كنت مهنقره مشيت دخلت المطبخ فتحت التلاجه لقيت فيها كل شي منكن اشتهيهو عملت لي ساندوتش برقل بالكاتشب وشلت لي قاروره كولا و طلعت الصاله😻😻 بقيت لافه في البيت بستكشف و باكل و بشرب يلا هو كلمه حلو عليهو بسيطه حاجه كدا في قمه الجمال و دافي و و بسيط وحلو😍😍بعد اكلت شغلت التلفزيون و قعدت احضر كدا لحد ما نومت في محلي😴😴صحيت تاني يوم لقيت روحي بنفس الوضعيه و البيت زي ماهو شكلو لا في زول دخل ولا طلع مشيت اتسوكت و اتوضيت صليت و جيت عملت لي شاي و لقيت كب كيك و كوكيز في التلاجه شلت منهم 😻😻و مشيت جمب الشباك في زي طربيزه مدوره فيها كرسين و المنظر مبالغه تلج نازل في الشجر حاجه فظيعه و مع الشاي احساس من الموووت 😻😻بعد خلصت قعدت كدا لحد قريب الضهر ماف اي حركه في البيت بقيت بنده علي فهد برضو ماف حركه قلت يا ربي يكون بايت برا نطووو ما ظنيت 😪😪 مشيت غرفتو اترددت في البدايه لاكن دخلت لقيتها فاضيه😪😪مشيت غرفتي لبست السيوتر البني داك و جيت نازله قلت اشوف البيت من برا عامل كيف طلعت و قفلت الباب و بقيت حايمه حول البيت طبعا البيت من برا فظيع شي كدا كيوت معطي بالتلج و شجر حلولو بث ماف بيت غيرو 😪😪اخدت لفحه حولو ولمن الجو بقي لي بارد شديد قلت ادخل جوه جيت دايره ادخل الباب ابا يفتح شيت ياخ🙆🙆الباب من برا ما بفتح من دون مفتاح و انا نسيت مفتاحي و جوالي و كل شي جوه😭😭بقيت بدقدق في الباب من دون فايده وهن اصلا ماف زول في البيت😭😭 بعد داك قلت اقعد تحت جمب عتبه الباب قعدت مسافه و جعت والجو بارد شديد جاني اساس السكريم و هو بتجمد في الفريزر 😭😭قلت لي نفسي فهد دا شكلو ما حيجي قريب وانا لو قعدت هنا اكتر شكلي ح اموت علشان كدا احسن امش علي اي اتجاه احتمال القي بيت او بقاله اي دهيه اقعد فيها و اتصل عليها منو 😪😪 (اقصد عليهو منها طبعا البرد جايط ابو عقلي زاتو 😹😹) االمهم لقيت الشارع الظلت و ركبتو اتلفت يمين و اتلفت شمال شفت اثر العربيه و تبعتو و بقيت ماشه و ماشه وماشه قريب الساعه و شويه لمن رجلي انتهو من البرد خلاص قلت شكلي ح اموت و بقيت بتخيلي في ناس طايرين في السماء قلت بث ديل الملائكه جاين يشيلو روحي😭😭و بديت ابكي و انا ماشه بعد تعب حتي لمحت لي محل كدا فيهو انوار احمر و اصفر وللافته التلج نزل مغطيها المهم جريت دخلت المحل داك انصدم بي انو كلو ملان رجال و قعدين بسكرو😱😱 قلت لي نفسي سجم امك الربتك اخر زمن تمشي فيهو لندن علشان تخشي بار النبي فيك كان تسكري معاهم 😭😭 كلهم عاينو لي طوالي غطيت راسي بي طاقيه السيوتر قلت اطلع بث الجو هنا شويه دافي اخر لي من بره اول كرسي قدامي قعدت فيهو طرف براي بتاع المحل جا قال لي عايزه حاجه ؟؟!😊😊قلت ليهو مويه دافيه بث اتحسسها بي يدي لانو من البرد بقيت ما حاسه بيهم😭😭 قال لي شكلك ما من هنا 😊😊 قلت ليهو اي انا ما من هنا 😭😭قال لي طيب ممكن تنتظريني جاب لي قطعه كدا طالع منها بخار بث و لفه لي بيها يدي هو ولد شاب كدا حلووو مبالغه بث عامل زي البنات شدده ما سمح 😹😹 عاين للحنه الفي يدي قال لي وشمك سمح😊😊 قلت ليهو دا ما وشم دي حنه عندنا بعملوها لل.... وسكته 😪😪قال لي لي شنو كملي😊😊 قلت لهو للعروس 😞😞عاين لي بستغراب قال لي يعني انتي هسي متزوجه😅😅 قلت للاسف 😭😭قال لي شكلك صغيره و بشرتك سمرا شويه من وين انتي 😊😊 قلت ليهو من السودان😭😭 قال لي وااو مرحبا بك في لندن😊😊 (هوي هه اي انتو يا البتقرو 😹😹ما تعاينو لي اي اكيد كنا بنتكلم انجليزي بث ما ح ارطن ليكم هنا علشان كدا اقرو ساي 😹😹) قلت ليهو تسلم😊😊 قال لي انا ساني😊😊 قلت ليهو وانا بيان😊😊 في واحد من الرجال ناداهو قال لي معليش لازم ارجع لي شغلي بعد دا😊😊 قلت ليهو اوكي لا يهمك ابتسم لي و مشى و انا بقت بفكر اوصل لي فهد كيف وانا رقمو ما حفظهو 😭😭 شويه كدا احس لي بي حركه جمب شعري اتلفت لقيتو دا واحد من السكرانين ديل بهبش لي في شعري زحت ليهو يدو وقلت ليهو هيييي خليك في حالك😤😤مسكني من يدي و جراني عليهو و قال لي مالك لي حلوه معصبه خلنا نتسلي معاك شويه 😉😉 دفرتو ولصقت ليهو كف قلت ليهو تافه حقير😡😡 رفعت راسي لقيت خمسه رجال في البار وقفو اول ما اديتو داك كف واي واحد بعاين لي بي نظره بتخوف اكتر من التاني شكلو دا تابع ليهم 😭😭براحه اتجهت علي الباب لقيتهم كلهم قربو علي مع ابو كف دا بقو سته 😭😭قلت لي نفسي امممك الليله يا بيان العمالقه ديل كن لمو فيك بقلبوك كفته شلت رجلي و قلت واحد و ستين و ميه و تمنين كتحته كتح نضيف 😹😹وهم قال وقفو وين جارين وراي جري بث السكاره معليش ما عندهم حيل كلهم بتخبطو في بعض😂😂و انا مهبطه من الخوف بث بعافر المهم لمن ضيعتهم وفرحت لقيت نفسي وسط غابه 😱😱 هه يا الله الزول يطلع من دا يدخل في دا كيفن الكلام دا😭😭 بقيت بفتش لي في الشي اليمرقني من هنا و دموعي ديل رقرقو و بقيت ماشه وماشه فجاءه حسيت بي صوت وراي قمت جاريه خبطه لي في شجره وجيت واقعه راسي لافي وما قادره اتحرك اتكرفست مكاني و بقيت ببكي لخد ما نومت 😭😭صحيت علي انوار كتير موجه في وشي و واطه ضلام😭😭😭...... نقيف هنا و نشوف الباقي في البارت الجاي ان شاء الله😊😊
استمخوووو.......😎😎
