قالت لي مش جابك واحد كدا سايق بيسان 😻😻 بث هو الدفع ليك الحساب😊😊 قلت ليها يا زوله رجعي ليهو قروشو انا ما طلبت منو يدفع لي😑😑 قالت لي والله انا ما عارفه غيتو هنا عندنا حسابك اندفع و اتقفل الا هو يجي و تتفاهمي معاهو😊😊 قلت ليها يعني هو شغال هنا😒😒 قال لي لا والله اول مره نشوفو 😻😻 انتي ما بتعرفيهو يعني😅😅قلت ليها لا ما بعرفو ضربني بي عربيتو وجابني هنا😪😪 قالت لي اريتو حالي 😻😻 قلتليها قلتي شنو؟؟!😕😕 قالت لي قلت ليك والله انا ما سألتو وقلت بكون من اهلك بث...😹😹 قلت ليها يا زوله بي طريقتكم و ناديت علي ابوي قلت ليهو جيب القروش 😪😪 الرسبشن حلفت ما تشيلها مننا وانا حالفه نديها القروش 😹💔 المهم بعد جوطه ونقه شالتها مننا ك تبرعات للمستشفي و طلعنا😂😂 روجي اليوم كلو مشغاله لي البرادو القلبي رادو 💃👏قلت ليها هي نيسان ما برادو اول شي 😑😑قالت لي المهم عربيه فخمه 😻😻قلت ليها تفكيرك مادي كدا مالك انتي 😒😒قالت لي مش سمح وعندو قروش؟؟! قلت ليها نوووهائي شين زي الحضل 😪😪قالت لي الحنضل اليبلعك ما شفتي بت الرسبشن كان متكبكبه كيف😂😂قلت ليها روجي خليني انوم النبي😒😒 قالت لي ظابط نومي نوم اهل الكهف ان شاء الله😪😪 قلت ليها حيوانه لانك😑😑 قالت لي ثمح وطلعت يلا بي قصه اني عامله حادث و كدا فما مشيت الجامعه اليوم التاني رمتله بث 😛😛 ماما شغاله مع ابوي في الشركه فطلعت من الصباح هي و الحاج😎😎 بصير مشي مدرستو😉😉و روجي مشت جامعتها😘😘 قعدت انا في البيت براي💃💃 صحيت الساعه حداشر علي صوت الحبشيه قالت لي بيان ماما قال ليك اصحه😅😯 قلت ليها زهره هسي امي لقيتها وين عليك الله خلني انوم و بطلي كلام😴😴 قالت لي والله ماما ضرب تلفون قال ليك تصحه 😂😂قلت ليها كويس كويس شويه بث😴😴 قالت لي يا بت قوم ماما كن جا لقاك لسه نايم اييك بعمل مشكله 😂😂 قلت ليها مشكله شنو يا زوزو 😂😂قالت لي يا بت قوم انا عارف ماما بكورك قوم😂😂 قلت ليها ظريف خلاص قومت😊😊 زهره مشت بي جاي وانا رجعت كملت نومي بي جاي😂😂 المهم بعد ململه قمت خشيت الحمام و خدت دوش و طلعت نزلت تحت دخلت المطبخ ظبطه لي فطور و ناديت زهره قالت لي هي فطرت المهم اكلت ولميت العفش و وديتو المطبخ و ظبطه لي كوب قهوه ومشيت شلت جوالي و جيت قعدت في الهول بقيت بحضر وشغاله بي جوالي وبشرب في قهوتي😪😪لحد الساعه 1 جرس الباب دقه لميت شعري المنكوش كعكه لي فوق و سبتو بي قلم و مشيت فتحت الباب طبعا بالبجامه وحلات بنطلون البجامعه تلت اربع مع الركبه و التيشرت كت هيفا وهبي بث خلع شاااديده 😂😂واي اريتني ما فتحت الباب 😭😭😭 اريتو قعد مقفول كدا😱😱 يا بيان ما استخرتي في منظرك يوم التهف ليك و تفتحي الباب يطلع دا سيف ولد جيرانا😭😭 معقوله يا بيان ما لقيتي زول تفتحي ليهو الباب بي منظرك دا الا الكرش 😭😭 نعمل تعرف سريع علي سيف ونرجع للبكي 😭😭 يلا سيف دا ود فريقنا بث يعني ما قريب شديد مننا بث مكثر بنات اركويت كلهم 😻😻واااي انا دايره امووت ما عرفت اقبل وين😭😭بقيت بجرجر في البجامه لانها قصيره طبعا هو ود زي قطعه السكر اخداني خدره نااايره كدا والشعر دا اسكت خلي بث ولا الزوق واللبس و الكلام و العطر عندو عطر بالنسبه لي زي المخدارت😻😻 احييي انا يا قلبي خريج صيدله و😻😻بنات الحي كلهم مكرشات فيهو😭😭 سلم علي وهو عينو في الارض عرفني خجلانه من منظري😹😹 وقال لي كيف حالك😊😊 قلت ليهو بخير بعد شوفتك😻😻 قال لي هااا؟!!😳😳 قلت ليهو قصدي تمام الحمد لله وانت كيفك 😅😻قاال لي فل الحمد لله😊😊 قلت ليهو ان شاء الله دايما 😻😻قال لي امين يا رب جمعا كدا😊😊(طبعا انا عيوني بقو بطلعو قلوب في الوقت داك 😹😹) بصير قال لينا ح نقيف هنا كتير😑😑 طبعا انا سيف دا لمن اشوفو خلاص بتعمي تاني ما بشوف حاجه غيرو 😻😻 قلت ليهو انت جيت متين و دقيقه مالك قال عامل كدا😕😕 قال لي ما بخصك و دفرني ومدخل😑😑 سيف ضحك (واي انا من سيف وضحكه سيف و شعر سيف اريتني شنطتو الشايلا اريتني جزمتو الابسا 😻😻) قال لي انا استازن😊😊 قلت ليهو لالا اتفضل حلفتك تشرب شي 😻😻قال لي لالا والله عندي تسليم ماشي احصلو😅😅 قلت ليهو والله ما حلوه منك تجي حد بيتنا وما تشرب شي 😿😿 قال لي والله انا جيت اوصل بصير بث بجيكم ان شاء الله 😊😊قلت ليهو شفت هسي لو ما بصير ما كان جيت 😪😪قال لي والله ما كدا لاكن خلاص تمام بدخل بث ما ح اقعد ربع ساعه بالكتير علشان ح تكوني عصرتي علي في زمني😊😊 قلت في جواي ياريت لو ما اتظارفته هسي ادخلو كيف بي لبسي دا وب علي ح يقول عايزه اتحرش بيهو سجم امي 😹🙆 طبعا هو ما قادر يرفع عينو من الارض وانا حالتي متضاريه بالباب المهم هو عايز يخش و انا ما قادره افتح الباب لانو تيشيرت حق البجامه من الضهر فاتحه😹😹 عاد يا بيان حالتك بالبلا😂😂 المهم هو عرف اني خجلانه وعايز يطلع من الموقف بي ظرافه قال لي طيب انا عندي مكالمه اعملا و بحصلك وعليك الله ما تتعبي نفسك بث كوبايه مويه وتكوني ما قصرتي😅😅 واااااي انا من الزوق😻😻 قلت ليهو كويس دخلت وخليت ليهو الباب متكه وجريت قلت للحبشيه تجهز كوبايه عصير سريع و مشيت شلت لي توب كاااااابيييير من غرفه امي😂😂 و جايه طالعه لقيت بصير قال لي انا مش قلت ليك ما تلبسي لينا لبسك العريان دا 😑😑 قلت هوي يا شبر شايفه بقي عندك صوت زح كدا لمن افضي ليك😂😂 دخلتالهول وانا متخمخمه بالتوب لقيت سيف قعد في الهول و الحبشيه ضيفتو اول ما شافني قرب يموت من الضحك بث كتم الضحكه وانتو عارفن منظر الزول وهو كاتم الضحكه كيف الوش كلو ببقي جضوم😹😹 قال لي ليه التعب دا ما كان في داعي😅😅قلت ليهو ماف تعب والله 😊😊بصير جا وقعد في نصنا زي القراده 😒😒سيف قال ليهو اها قلت لي الكلب لعب معاك ضاغط😂😂بصير قال ليهو يا زول ما تزكرني 😖😖 قلت ليهم ليه في شنو😹😹 سيف قال لي الزول دا عامل فيها شفت و مشي قدم صحبتو وصلها البيت ولمن جاي راجع لاقاهو كلب خيري البوليسي واخوك جرا وطبعا الكلاب لمن تجري قدامها طوالي بتجري وراك فما بالك كلب بوليسي😹😹 بث لعبو ليك تون اند جيري في الحي الشارع كلو بقي كواريك اخوك ونبيح الكلب😂😂 و مع الجري اخوك وقع في التراب و اتمرمر يحليلو 😹😹 المهم وانا طلع سمعت صوت الكواريك طلعت لقيتهم برا مسكت اخوك 😂😂 و خيري جا هدي كلبو وحسيت علي اخوك خايف قلت احسن اوصلو البيت😅😅 قلت لي بصير ما عجبني ليك يا ود امي 😹😹بصير قال لي شامي ريحه شماته انا 😑😑قلت ليهو لا نوووهائي و انا ميته من الضحك 😹😹 قال لي و طيب بتضحكي مالك 😒😒قلت ليهو علشان في زول قبل فتره مهددني انو يحرش لي الكلب الفي شارع طلع هو زاتو البخاف من الكلاب😹😹 قال لي اضحكي سمح😒😒 قلت ليهو خلاث ثكته😹😹وما شاء الله بقي عندك دريبات و بتوصل صحبات 😉😹 قال لي اضحكي لسه قلت ليهو كويث 😹😹وبقيت اضحك واتعولق و اتخولق و انا ما قادره اوقف ضحك عاد نقص العقل مشكله😹😹 المهم بعد موته و شبعت موت اتزكرت اني قاعده اتهابل قدام سيف طوالي فصلت و رجعت البت الرزينه ديك 😹😹 سيف بعد خلص عصيرو استازن قمت اقدمو بصير اللزقه قام معانا وطبعا هو عايز يصور كل شي علشان ينقل لي امي بالحرف و انا حاسه بيهو قاعد لي في حلقي عديل 😪😪و سيف نوع الود التقيل يعني ما بتكلم الا تفتحي الموضوع انتي 😪😪 المهم وصلتو للباب ومدي لي يدو و ودعني وحسيتو عايز يقول لي حاجه بث ما قادر علشان بصير و.كدا 😪😪قال لي يلا انا امش😊😊 قلت ليهو اوكي ربنا يعدلها عليك😿💔 قال لي لاكن بجيكم ان شاء الله لمن الوالد يكون موجود😊😊 قلت ليهو اي لازم تجي ياخ😻😻 قال اي والله عمو وجدي لي زمن منو بث لو خلصت موضوع الفاينل دا تاني ما عندي مشكله وانتو زاتكم اظهرو علينا 😊😊قلت ليهو يعني انت خريج يا ما شاء الله ربنا يوفقك ان شاء الله😍😍 قال لي و عقبالك كدا😊😊 قلت ليهو اللهم امين طبعا بصير قعاد تحت في نصنا يعاين يمين و يعاين شمال زي كميرا المراغبه كلمه ما بفوتها 😂😂 بث حسن صاحب بصير جا طالع و كورك لي بصير و بصير شافو قال لي بيان انا ماشي لي حسن دا وجاي 😑😑 قلت ليهو طوالي امش بث ما تتاخروفي قلبي قلت ليهو ما تجي تاني بركه الله😂😂 بصير جرا علي صحبو حتي نحن اتنفسنا سيف قال لي يلا😊✋قلت ليهو طيب رجع خطوتين حركه ورا و دنقر و حكه راسو 🙈🙈 وانا كنت واقفه في باب نظام منتظره بصير 😹😹سيف قال لي بيان😅😅قلت ليهو اهلا و في قلبي قلت ليهو عيون بيان نبض بيان قلب بيان انت😻😻 قال لي بالمناسبه انا ما عندي رقمك😹😹 قلت ليهو جد (طبعا قربت ارقص قدامو بث مسكت نفسي😂😂)قال لي لو ما فيها ازعاج يعني وكدا😅😅 قلت ليهو لالا ياخ ازعاج شنو طوالي تشيلو ما عندك مشكله (وفي قلبي قلت ليهو هو انا لاقيه )😻😻قال لي تسلمي ياخ😊😊قالت ليهو ولو طيب اكتب عندك ******096 😉😉 قال لي يلا نتلاقي في ساعه خير ان شاء الله ويناتنا شبكه😊😊 قلت ليهو امين يا رب 😻😻هو مشي وانا تكيت باب الشارع و بقيت برقص في الحوش وبغني (جانا بالصدفه ما خلاص انا قلبي رفااا💃💃💃💃👏👏) الساعه اتلفت القاهو بدق في الباب وميت من الضحك طبعا خجلت خجله قربت اتلفلف بي توبي كفن و ادخل في الارض والله دخلت في ضفوري 😭😭قال لي نسيت ملفي في الكنبه الفي الهول😅😅 قلت ليهو اااا طيب ثواني اجيبو ليك و جريت جوه جري رجليني براها كتحت حته قربت ادخل تحت الكرسي من الخجل 😭😭والله منظري كان بيش شااااديييد المهم من التوتر شربت باقي مويتو وحسيت روحي مهبطه تميت العصير 😂😂 و شلت الملف و وديتو ليهو و هو فات و انا دخلت جوه وقعت في سريري وانا ميته من الفرح فتحت صوت تلفوني لانو طبيعي صامت اول مره افتح الصوت وعليتو للنهايه و رقدت حاضانو😻😻 لمن نومت وبقيت بحلم بي عرسي انا وسيف صحيت علي صوت شغال لي بيان قومي الغدا 😑😑 قلت ليها سيف بضرب لي هسي خليني بتغدا بعدين😪😪قالت لي يا مرض قومي نحن راجينك😡😡 قلت ليها سيف حبيبي ارح ننوم هسي حمودي ولدي بصحه😴😴 قالت لي حيوانه انتي سيف شنو وحمودي منو كمان متزوجه من ورانا انتي الليله وووب😱😱 قمت ناطه قلت ليها سيف مين قالت لي انتي قلتي كدا 😑😑 قلت ليها انا لالا الا يكون عندك حول في الاضان 😅😅 قالت لي اجيييي انا البقي عندي حول في الاضان😒😒 قلت ليها روجي بطلي ياخ و زحي لي كدا ولا كدا زحت لي و نزلت خلتها مشيت الحمام سمعاها بتكورك لي وقالت لي ما تتاخر علشان الغدا سيف بنتظر بث نحن ما بنتظر😂😂 المهم طلعت شلت جوالي ما لقيت ولا مكالمه ولا مسج بالغلط ما لقيتو واااي انا من تقلتو 😤😤 لو التقله دي في بت بتبور عديل كدا😂💔ختيت جوالي في الشاحن و نزلت ليهم تحت قعدنا نتونس ابوي قال لينا بالمناسبه نسيت اكلمكم 😅😅..... نقيف هنا و نشوف المره الجايه عمو وجدي داير يقول شنو 😂😂
استمخووو...😎😎
