جات اسراء جرتي نص الساحه و الناس دي ترقص وانا عايشه ليك دور العروس الرزينه😹🙈 و ببشر واسراء تشيل و تعرف فيني في اهلها لدرجه ما حفظتهم زاتو والفنان دا يهيص بالناس لمن بهناك لحد الساعه حداشر💃💃 وانا خلاص راسي صدع و الكعب وجع لي رجولي بث متحمله بعد الساعه حداشر الحفله انتهت و خلاص الناس دي لمت فيني دا فلان و دا علان و دا مستكان 😭😭لاكن بالجد اولاد النصري زي قطعه السكر 😻😻 و العجب اسراء قرض لمن بهناك قواام يحير و لون يسوي كدي و الشعر و العيون ماشاء الله تبارك الله😻😻ولا خلتو تيجان الرجلين تقول صبه تشهيك الحنه ماشاء الله واللون يسوي كدي👋👋 اسراء عرفتني علي اولاد عمو فؤاد يلا رياض كان لاقيتو قبل كدا و جهاد دا الكبير واياس دا متخرج و شغال 💝و ميار دي المتفلسفه ديك و اما اسراء عندها اختها متزوجه اسمها هناء بث عايشه برا السودان مع راجله 😻😻و في خيري دا اخوها الكبير ابو ريناد😻😻 و معتد اكبر من اسراء بي شويه😻😻 المهم بعد الحفله خلصت رجعنا البيت منتهين خالص خالص انا دي غيتو رقدت ولا اتفاهمت مع زول 😪😪صحيت تاني يوم العصر عامله زي الزومبي 😹😹قمت من سريري و مشيت الحمام اخدت دوش و اتوضيت جيت صليت صلواتي الفاتتني جاني شد عضلي من قوم و اقعد😹😹 بث الحمد لله تمتهم كلهم😌😌✋و بعد داك ربعت رجليني في السرير و جبت الحاجات الجابوهم لي وقعدت اشوف فيهم 😻😻 جابو لي قفه فرح مكياج كامك من هدي بيوتي 😍😍 و قفه تانيه فيها كريمات و مرطبات و عطور😍😍 وقفه شوكلت مشكله من جلكسي لي كت كات و فلك في النص خاتين لي دبدوب و ساعه 😻😻زايد سد دهب و مزغرف بي قروش و سته غوايش و ختم و وهدايه و جوال جديد ايفوون 😍😍 شلتو فرتقتو من اكساسو شكبو جديد لنج من الشركه دايره اموت من الفرح و لقيت معاهو شريحه كلاس 😻😻 ركبتها و وصلتو في الشاحن و جيت نزلت تحت لقيت امي قاعده قالت لي بيان تعالي عايزاك😊😊 قلت ليها ايوه يمه 😊😊قالت لي شوفي يا بتي عارفه ابوك استعجل في مرضوع العقد وما رجع ليك و المفروض قبل يعمل كدا يسالك من رايك بث علشان هو واثق انو فهد بستاهل علشان كدا وفهد والله ولد زي الورد ان شاء ولدي 😍😍 قلت ليها بث امي انا ما شفتو ولا قعدت معاهو وانو قررتو حاجه مصيريه من غير ما ترجعو لي 😑😑 قالت لي هو زاتو قال لي ابوهو كدا انو انتي ما شفتيهو و قبل اتصل علينا و طلب يتكلم معاك ويعتزر بسبب استعجال ابوهو بس والله يا بتي نحن ما عايزين غير نصلحتك و الود دا كلو ادب و اخلاق ومحترم😔😔 قلت ليها وانتي هسي بتواسيني ولا بتحمسيني 😹😹 قالت لي بيان انا ما عارفه انتي مالك بقيتي غربيه 😧😧قلت ليها من اي ناحيه 😊😊قالت لي يا بت دا عرس دا مشرار عمر وانتي قاعده لي هنا بتستهبلي 😑😑 قلت ليها حجه انتي و ابوي قبل حفله امس دي قعدتو معاي كم مره؟؟!😊😊 قالت لي يمكن تلاته مرات 😅😅قلت ليها لا خمسه مرات طيب ردي كان شنو😊😊 قالت لي قلتي موافقه😅😅 قلت ليها طيب شنو يا حجه ماهو اذا امس او بعدو كنا ح نعقد و بعدين انا العقد و الخطوبه عندي واحد اذا لقيت فيهو عيب بخلعو زي العجب اصلو ما فات شي😎😎قالت لي بيان انتي مستهتره بالموضوع دا كدا ليه كأنو شي ساهل😊😊 قلت ليها يمه ما قصه ساهل او صعب بث في شي اسمو قسمه و نصيب و لو انا ما نصيبو صديقني يا امي ما ح اكون ليهو😊😊 قالت لي وانا واثقه تماما انو لو هو ما بستاهلك ما ح تكوني ليهو لانو ربنا قال الطيبون للطيبات و انتي يا بتي طول عمرك كنت طيبه و بتتمني الخير للكل 😊😊 قلت ليها وعلشان كدا انا متاكده يا امي الله ما بظلم عبدو 😻😻قالت لي والنعمه بالله 😊😊رتاج جاتني جاريه قالت لي بيان شت ايفون 7 بلص قلبي الصغير لا يتحمل 😍😍 قلت ليها ما شاء الله ما خليتي شي ما فرقلتي صح 😂😂 قالت لي اشييي في مكلامات مستلمه من فهد 😻😻قلت ليها انتي جاده😳😳 قالت شوفي بعينك 😉😉قلت ليها جبيب الجوال 😅😅قالت لي حصليني و شيلي و قامت جاريه وانا و راها دخلت الغرفه بث مسكتها هناك وشلت منها الجوال قلت ليها هسي ارجع ليهو ولا ح يقول علي خفيفه 🙈🙈 قالت يا مزه خفه شنو انتي التانيه قالو ليك جكسيهو ولا اخلطيهو😂😂يا بت الود بقي راجلك اتصلي طوالي😂😂 قلت ليها قلتي كدا😅😅 قالت لي ولا تتلفتي😂😂 فتحت السجل رجعت للرقم لقيتو خارج النطاق لولوت خشمي وقعدت في السرير بقيت بتصفح في الجوال فتحت الاستديو لقيت صوره واحد لابس فيها الكاكي حسيت بي قرصه في قلبي 😻😻واااي ثم وااي ثم رااي من جوااي اللهم الثبااات 😍😍وااي انا من شعروو لحيتو حواجبيهو الغزيره ولابس ليهو فريم شمسي عدساتو لونها سماوي احي انا من الدبابير الفي كتفو ولا لونو القمحي دا براهو حكايه بقيت سرحانه في الصوره ساعه عديل قلبي قال لي دا فهد احي انا منك يا فهد واحلا حاجه ملامحو كلها رجوليه 😍😍 رتاج قالت لي بيان ي بت 😑😑 قلت ليها هاااا😳😳 قالت لي سرحانه وين انتي 😉😉 قلت ليها ولا في مكان 😅😅قالت لي اها ما رده عليك😉😉 قلت ليها جوللو مغلق او يمكن من الشبكه 😅😅قالت لي لاكن صراحه يا بيان عزوك اذا في قوله الخير جابو ليك دا كلو في الشيله ح يجيبو ليك شنو 😂😂 قلت ليها روجي انا اخر همي ح يجبو شنو بث انا كل همي ح يتعاملو معاي كيف 😿💔 قالت لي من دي اطمني الله ادك نسيبه زي العثل خالتو تيجان ثكره عديل😍😍 قلت ليها و دا المريح قلبي اسراء و اخوانها كلهم تعاملهم حلو معاي حتي عمو النصري و اخوانو ظرفين وكيوت 😻😻 ياهو بنات اهلهم بث الماعجبني😪😪قالت لي اصلا دا شي مضمون انك تعاني منهم خاصه انو اولاد النصري ديل شكل و اخلاق و قروش يعني كل البنات بحلمو بيهم فاكيد بنات اعماعمو يكون عينهم عليهم و ح يعادو اي واحده جايه من بره و ح يحقدو عليها في البدايه بث مع الزمن كل شي ح يتصلح 😊😊قلت ليها طمنتيني الله يطمنك 😂😂عدي يومي و البعدو و اتصلت علي هناء باركت لي شكلها ظريفه شديد و بتحب الناس روحها حلوه 😍😍قالت لي زعلت شديد انها ما قدرت تحضر الحفله بث قلت ليها بتتعوضي ان شاء الله ونستي و ضحكتني و بعد داك قفلت و اخوها الرخم دا لحد هسي ما جاب خبري راجلي علي شنو ما عارفه يرجيهو في قاروره ببسي😂😂 خلني اقعد اتامل في صورتو بث دي الشلبرها و دخلت في حاله نفسيه او خطيبها مات😹😹 يوم الخميس كنت نايمه جات رتاج قومتني قالت لي يا بطيخه قومي بلا يخمك😑😑قلت ليها في شنو😤😤 قالت لي عندنا مشوار ضروري علشان كدا قومي😒😒 قلت ليها ما عندي حيل والله 😪😪قالت لي شنو ما عندك حيل وانتي اليوم كلو نايمه قومي بلا نقه😂😂قلت ليها ماشين وين😅😅 قالت لي ماشين نلاقي مزز زي المزز وناكل و نجي يلا قومي قلت ليها يا بت مزز شنو وانا خلاص اعتبر متزوجه😂😂 قالت لي وانتي منو القال ليك اخلطيهم 😂😂 قلن ليها اها وسيقاني معاك ليه قالت لي علشان تكشفي وتمتعي نظرك و تكلي بث ما اكتر يلا قومي 😂😂 قلت ليها اووف يلا قمت😒😒مشيت دخلت اخدت لي دوش وجيت طالعه لبست لي بنطلون كحلي داكن بي بره وفاتح من جوه و كفيتو من تحت حبه و معاهو تنك كارهات مسترضه بي كحلي بي ابيض طويل تحت للركبه بي مسافه بث فيهو خطوتين بالجمبات بتبدي من فوق للركبه و لي تحت 🙊🙊 و اسبورت ابيض و طرحه مسترضه و رفعت ليك البوف دا 😍😍 و عملت لي مك اب راقي و حلو و بسيط 😍😍و شلت جوالي و اتعطرت من العطر الجابوهو لي في قوله الخير و طلعنا قلت ليها اها ماشين وين قالت لي ارح وانتي ساكته😪😪 قلت ليها ما بسكت ما بسكت 😑😑قالت لي ماشين برج الامراء😍😍قلت ليها هسي بعد قشرتي دي ماشه تاكليني اسكريم من مولر 😒😒قالت لي ما انا الماشه اكلك بث سرو عزمانا😂😂قلت ليها سرو منو 😒😒قالت لي اجي اسراء النصري نكرتيها خلاص 😂😂قلت ليها حماتي😻😻 قالت لي بث ياها😂😂 قلت ليها انا زاتي اشتقت ليها والله🙈🙈 قالت لي شوق الحمير للقش شنو اشتقتي ليها و اليوم كلو بتتونسو سوا 😂😂 قلت ليها ما تعملي لي قيها دور غيره ما ناقصاك انا 😌✋قالت لي شنو و اغير علي منو يا بت اصحي عروس علي نفسك ما علي😂😂 قلت ليها ظابط😏😏ظابط ولا شرطي 😂😂 قلت ليها سمح الكاكي بالكابو وسمحه كلمه جنابو👏👏👏 والما عندها ظابط ما تقابض 😌✋قلت لي وجعع علشان راجلك عندو رتبه في الجيش دايره تفتحي لينا و ترفعي قزازك😂😂 قلت ليها اصلا و ارفعو مظلل كمان 😹😹قالت لي مجنونه ياخ 😂😂 يلا بعد و صلنا بركنا العربيه و نزلنا طبعا ما وريتكم سرقين عربيه الحجه😂😂رتاج اتصلت علي اسراء وقالت ليها نحن وصلتا اسراء قالت لينا طيب ادخلو تاني طاوله بتلاقيكم نحن فيها 😊😊 دخلنا و ومع الدخله جوالي رنه وانا مدنقره جوالي ما ركزت 😅😅 رتاج انتبهت ليهم رفعت ليهم يدها و مشيت اتجاهم وانا وراها 😂😂 رفعه عيني بث عيني وقعت غليهم انا قلبي طااار بقيت بعاين عشره عشره ماشاء الله ما اسحرو بث بالجد مبالغه 😳😳اسراء قالت لينا دا اخوي فهد 😉😉 رتاج قالت ليهو اهلين انا رتاج خاله مرتك 😂😂 قال ليها يا هلا فيك😊😊اما انا خلاص عشت في دنيا تانيه كميه من اللخبطه ما عارفه جات من وين حاجه كدا هزت كياني كلو 😻😻 مدا لي يدو سلمت عليهو وانا يدي بترجف وهو ما نزل عيونو مني 🙈🙈اسراء قالت ليهو فهد دي.... قال ليها ما محتاجه تعرفيها لانو اصلا عرفتها😊😊احي انا من بحه صوتو تعيش الزول في جنه طبعا انا الخجل كاتلني 🙈🙈اسراء قالت لرتاج رايك شنو نطلع بره شويه 😉😉 قلت ليهم ماشين وين 😳😳رتاج قالت لي ما تخافي ما بياكلك وبعدين لازم تتعودو تقعدي انتي و راجلك براكم من هسي😉😉 قلت ليها بت😒😒 قالت لي نتلاقي بعدين و طلعو خلونا المخولقات المعولقات شكيتهن لي الله انا براي متوتره و زادو لي التوتر زياده 😭😭 ...... نقيف هنا و نشوف الباقي في البارت الجاي ان شاء الله 😎😎
ماتخافو ما بشحتفكم لانو انا زاتي نفسي اعرف الحيحصل في البارت الجاي شنو علشان كدا ح اكتب ليكم تاني واحد الليله لحد الساعه 12 بليل بكون نزل بث ادعو لي ما يحصل لي شي عارض يمنعني من الكتابه يلا 😹😹💔
استمخووو.......😉😉
