رتاج قالت لي و كل الحب الشييين داااك بتعرفيهو صح بث داك ليك😂💔 قلت ليهو هوي يا لبناني يا عفن انت صدقت قال حب قال غور كدا ولا كدا 😹😹قالت لي حيوانه انتي ؟؟!😒قلت ليها ما ح ارد عليك الفاظك دي ما بتلق بي عروس😌😌 قالت لي اها بتليق بي شنو حبيبه قلبي 😏😏قلت ليها بي بايره منفسنه زيك😝😝 رمتني بالمخده قالت لي انا بايره منفسنه ؟؟!😑😑قلت ليها وحاقده كمان 😹😹و رجعت ليها المخده في وشها ويلا حرب المخدات قامت و الشكله دورت👊 امي جات داخله ليقت كراع دي في وش دي و يد دي ماعطه شعر دي 😹😹 امي قالت لينا دا شنو كبار قدر حالكم دا و بتتشاكلو زي الاولد 😑😑 عاينت لرتاج بي خباثه رمت لي المخده قلت ليها الفي راسي في راسك؟؟!😏 رتاج قالت لي ياهو زاتو بث وقمنا جاريت علي امي لاكن فهمتنا وقفلت الباب قبل نحصلها ويحلينا نحن ما عندنا فرامل دخلنا في الباب وقلبنا ميت بعد داك اي واحده بتعاين للتانيه و بتضحك😂😂 ياخ كان يوم لزييييز تاني يوم كان جري شديد الفستان ياداب استلمناهو كنت موصيه عمتي تجيبو لي من كندا و المك اب مشيت ليها في المركز عديل اصلا كنت متابعه معاها لي زمن علشان الحبوب و اثارها يلا ظبطتني ظبطه لمن بهناااك😻😻و برضو كنت بمش الزومبا علشان انسق جسمي اكتر مع انو هو اصلا منسق يا زوول بقيت حاجه كدا بسم الله ماشاء الله لمن قربت احب روحي اليوم كلو بشاغل في نفسي و اضحك زي المجنونه🙈🙈وطبعا عارفينني هامله عامله جغجميه حفله حنه شي حبشيه وشي لبنانيه وما ادرااك اركويت دي كل يوم مهيصه بي حفله عندنا 😂😂 يوم الخميس كان اصعب يوم يمر علي هو عموما اخر يوم وبكره العرس بكون صعب و طويل وممل بث دايما العريس بي ونستو وحركاتو بخفف عن العروس بث انا تتخيلو ولا مسج ما رسلو لي ولا فكر يتكلم معاي😪😪يعني انا بالجد لي لحظات بحس نفسي ما عروس لانو بالجد انا عروس اسم ساي يعني فهد غريب ياخ حتي ما فكر يتواصل معاي علشان يتعرف علي قبل العرس وحتي لمن اضرب ليهو انا بحس كلامو مختصر شاااديد😪😪طبعو غريب بث الحمد لله 😪😪 المهم يا الله قضيت يوم الخميس دا😖😖 اليوم كلو لافه في البيت زي المروحه زهجت زاتو من الكلام كتيره و نومت كدااا لمن تعبت لحد المغرب كدا كل شي كان جاهز و مرتب ما فضل لي شي الا اصحي الصباح و امش السنتر قعدت رجيت العشاء و صلتو ومشيت بلعت لي منوم و رقدت زي البقره😂😂 تاني ما صحيت الا بصوت اذان الصبح قمت جاريه جري الحمام والله اكتر عروس فرحانه وخفيفه فيك يا بلد 😂😂 طلعت صليت و صحيت باقي البنات و رتاج وطوالي بدينا نجهز و نتاكد من حاجاتنا لحد الساعه 8 كدا بدينا نلبس لبست لي اسكرت اسود فنايلي تحت الركبه بي شويه و تيشرت رمادي مكتوب عليهو بالاسود و عبايه رماديه بي اسود و شبشب البيت ابو ريش داك اي مغسه اتحرقو 😂😂 و شلت لي شنطه صغيره ختيت فيها جوالاتي الجديد و القديم ونزلنا باقي الحاجات تحت لقيت امي قاعده في الصاله قلت ليها الحلووو صاحي؟؟؟!😻😻 قالت لي هو انا قدرت انوم اصلا 😪😪قلت ليها ليه مالك ما يكون واجعك شي 😱😱شالت لي يدي و ختتها لي جمب قلبها و قالت لي هنا الوجع عارفه ليه لانو الليله حته من قلبي ح تتشال مني لانو خلاص بتي الربيتها بين يدي كبرت و ح تبعد مني و نفس الوجع دا فرح لانو كتكوتي الصغيره الليله ح اشوفها لابسه الابيض😿💔 قلت امي ح افقدكم والله😭😭 قالت لي شايفه البيت الكبييير دا ما ماليهو الا ضحكتك انتي ورتاج و بصير انتو حياتي وصعب علي واحد منكم يبعد مني او يمش يخليني 😭😭 قلت ليها وانا كمان ما بقدر افوتكم ح القى زيكم وين انتي و بابا و رتاج و بصير معقوله البيت الكبرت فيهو تاني ح اجيهو زي الضيفه😭😭 رتاج جات قالت لينا هوي ها خلاص كفاكم دموع يا جماعه العيون دت بتنطفي و بعدين مابتظهر😂😂 امي قلت ليها دي دموع الفرح وما بقدر اتحكم فيها يا رتاج ام والليله ح تشوف بتها احلا عروس و عقبال تفرح بي بتها التانيه 😍😍 رتاج قالت ليها هووي يا جوري خلي قال بتها التانيه انا اختك ما بتك فاهمه هسي بنتضارب😂😂 امي قالت ليها مش ربيتك انا مع بتي سوووا تبقي بتي ولا علي كيفك كن عجبك عجبك و كن ما عجبك برضو عجبك 😏😏قلت ليهم اها شكله الاخوات دورت ولا شنو 😹😹 امي حضنتنا الاتنين و قعدت تبكي و نحن بقينا بنبكي معاها 😿💔 لحد ما سيف اتصل علي رتاج وقال ليها انا منتظركم برا يلا ودعنا ماما و طلعنا انا و بنات عماتي و رتاج روجي ركبت ورا عاينت لها بستغراب قلت ليها ما دايره تركبي قدام جمب سيد الريد😉😉 قالت لي ما دايره اركب هنا زاتو بس مجبوره بلا سيد ريد بلا جن طاير😪😪 قلت ليها اجيييش مالك قال😹😹سيف نزل لي القزاز و قال لي ما تشغلي بيها دي اركبي سااي😪😪 قلت ليهو متشاكلين تاااني واي انا منكم روحي دي طلعت من مشاكلكم الكتيره دي 😪😪قال لي اركبي وانتي ساكته لو سمحتي 😂😂يلا ركبت وطبعا انا لابسه نغاب فهم نوره العروس الناس ما يشوفوها الا في الصاله🙈🙈 سيف قال لي بي نغابك دا بتصافحي ولا شايله كلو 😂😂 قلت ليهو استغفر الله العظيم اصافح لا لا لا اكيد ما بصافح انا بحضن بث😹😹رتاج قالت لي اكبر منحرفه فيك يا بلد😂😂 قلت ليها يا راجله؟؟! و انتي ناسيه نفسك ولا اييه؟؟؟!😹👏 سيف قال لي ماله دي التانيه 😂😂 رتاج قالت ليهو وانت دخلك شنو يا سيد افندي😑😑 قال ليها والله دخلي انو احسن اعرف قبل اتورط ولا شنو يا بيان 😂😂 قلت ليهو هو انت اتورط زمان بعد دا مووت سااي الرقد زاتو ما بحلك 😹😹 عارف الشيخه دي مشت بيت ناس فهد تساعدهم في ترتيب الشيله ما اختارت الا الشنطه حقت اروااب النوم ياخ الشنطه دي انا ستها بخجل افتحها خلي هي رتبتها بكل قلب مفتووح و شرح😹😹رتاج قلت لي اقسم ما كنت عارفاها 😭😭سيف قال ليها اها ما لقيتي ليك واحد عجبك تجازفيهو لي عرسنا يا مستعجله😂😂قالت ليهو انا ما مستعجله بث انت تقيل زياده 😪😪 قال ليها يا زوله عان دي عليك الله بيان شوفي بت اهلك دي رمتو فيني 😒😒 قلت ليهو اديك النصيحه يا سيف انتي بجد تقيل😹😹 قال لي الديك حيوان ما نصيحه😂😂 قلت تصدق انك متخلف😒😒 رتاج قالت لي علشان لمن اقول ليك الود دا حيوان وانا كنت عرستو بخلعو ما تتعاوري لي و تدافعي عنو😑😑قال ليها يا مزه روقي ماف داعي للخلع انا براي بطلقك وطلاق بي ادب و نفس بارد وخدمه توصيل لحد بيت اهلك اها قصرت معاك 😊😊رتاج قالت ليهو قلت ليك ميت مره انا ما مزه ما تقول لي مزه فاهم ولا مافاهم قال ليها حضر يا مزه المزاميز تاني ما ح اقول ليك مزه 😂😂قلت ليهو تصدق الززق ما بفهم 😪😪قلت ليهو سيف اقسم بالله بفلعوك خلينا نصل الكوفير بي سلام😹😹 قال لي ما تخافي بتصلي بتصلي😉😉 قلت ليهو ما تغمز لي ياخ اي شفقانه و عايزه اعرس مالك انت😹😹 قال لي شفتي شفتي براك قلتي انا ما تكلمت صح يا بنات براها قالت شفقانه😂😂 قلت ليهو ما براي بث عيونك بتقول كدا 😪😪رتاج قالت لينا انتو كلامكم كتييير كدا ليه ياخ😒😒 سيف قال ليها اها مكنه الغيره دورت 😂😂قالت ليهو نعم نعم يا خويا ؟؟!اغير من مين ولا علي مين حريقه منك ليه اصلو ما بتهموني الاتنين😊😊 قلت ليها اها انفعلتي كدا مالك قال😹😹 سيف قال لي دا خليهو كوم واخويا دي كوووم تااااني خاااالص😂😂 قلت ليهو ما تصدق ما طالعه من قلبا😹😹 قالت لي الكلمه دي بزات طلعت من جوووه معاميع قلبي😌✋ قال ليها ما تنكوري بعدين براك قلتي اخوكي😂😂 قالت ليهو اي اخوووي عندك مشكله 😒😒 قال ليها لا نهائي و من وين تجي المشكله😊😊 قلت ليهم شباب روقو ما تقومو فينا الليله عرسي ياخ😹😹سيف قال لي غيتو انا اخر روقه لاكن في ناس كدا بطلع دخان😂😂 رتاج قالت ليهو مش عندك طفايه في العربيه بث خليها جمبك علشان لو انفجرو تقدر تطفيهم و تسيطر علي الوضع😊😊قالت ليهم عاد شكل العشاق دا حلو خلاص 😹😹سيف قال لي اي اضحكي سمح 😒😒قلت ليهو ههههههههههههه😹😹 قال لي بصوت اعلي ها ها ها ها 😹😹قال لي احلا ضحكه فيك يا دنيا 😻😻رتاج قلت ليهو حلفتك كن عرستها 😑😑قال ليها والله لو ما عقدين عليها كان عرستها هسي دا يا صوت ضحكتها براهو بفتح النفس ما زي ناس لمن يجو يضحكو بكونو شغالين برقصو الجزيره مدني😂😂قالت ليهو ما ح ارد عليك لاكن حيوان و رمه و ح احفظ علي بستيجي لانو معانا ناس في العربيه 😊😊قال ليها انا حيوان😑😑قالت ليهو ورمه كمان 😪😪وقف العربيه قال ليها انزلي لي من عربيتي 😊😊 قالت ليهو من سماحه عربيتك يعني😊😊 قال ليها اي سمحه ومش هي ما عجباك يلا يلا خارجيني 😊😊 قالت ليهو لا بلاي يلا انا ما نازله وكن راجل نزلني😒👏 قال ليها ليها يا ربي الخلقت الناس اذا انتي فاهمه الرجوله غلط دي مشكلتك ما مشكلتي لانو الروجله ما انك تخلي الزول يعمل حاجه غصبا عنو فشنو ما تجيبي لي سيره لو راجل دي تاني لانو انا راجل جوه عينك واذا ما عجبك في مليون راجل غيري امشي فتشي و شوفي الفي نظرك راجل ما تضيعي زمنك وزمني😤😤و لي اخر مره ح اقول ليك يا بجم انزلي😪😪قالت ليهو ابيييت ما نازله 😒😒 انا جيت دقيت ليها الشباك و هي كانت منفعله😹😹ولا اشتغلت بي سيف نزل لي الشباك من عندو هناك قلت ليها يا بت انزلي😅😅 قالت لي ما نازله مالك انتي كمان قلت ليها وصلنا ما عايزه تجي معانا 😹قالت لي وصلنا وين😳😳قلت ليها السنتر اجي وهو نحن جاين وين 😹😹قالت لي من متين😳😳 قالت ليها قبيل من سيف وقف العربيه و بقول ليك انزلي😹😹 قالت لي هاااااا ههههههههه😅😅 قلت ليها ما تضحكي هسي زعلتي ود الناس ساي😒😒 قالت ليهو سيف انا اسفه بث انت كان تقول لي وصلنا ما كان تتعاور لي سيف ما رده ليها قالت ليهو عليك الله ما تسكت كدا انا بجد اسفه يا زول عنك ما تتكلم😪😪و نزلت سيف جا نزل معانا الحاجات دخلناهن السنتر و هو مشي قال لينا بجيب ليكم الفطور بعدين مع ملاذ قلت ليهو كيوت ودعناهو وهو مشي ونحن دخلنا السنتر 😪😪و بدينا التجهيزات شي حنه و شي جلسات وشي وما عارفه ليك الساعه 11 جات ملاذ وجابت لينا الفطور بيتزا من برشلونا و قوارير كولا😻😻 قعدنا ناكل و نتونس و بنات السنتر زاتهم ظيفات يضحكن فينا ضحك والعصر جاتني سويه و هنويه قعدو اتونسو معانا وجابو لينا الغداء ياخ عثل عديل ضحكوني ضحك اسراء كل شويه تحاكي لي في فهد 😂😂 كان يوم حلو خلاص 😍😍يلا رسمو لي حنه من الموت و طبعا لازم انظر شي اعملو لي حركه في الكتف وشي في الرقبه جمب الاضان وما ادراك و ظبطو لي اضافري و سبغو لي شعري من تحت كركداوي و شعري لونو بني كاكاوي بقي كيوت شاااديد😍😍و اشتغلو لي شغل كتير لحد المغرب خلصنا مك اب و بقينا في لبس الفستان و بعد داك التسريحه و اخر شي عملو لي مراجعه سريعه للمك اب يلا المك اب زي ما انتو عارفين انا ما بحب الشي الكتير البخفي الملامح ف عملو لي شي راااقي كددا لمن عجبتني روحي ركزو في العيون و اصلا عيوني ماشاء الله و عملو لي روج كبدي علشان بوكيت الورد كبدي بي ابيض ويلا نكته السودن دا نكت علشان القي ورد الجوري الطبيعي😹😹اي اخترت الورد دا مخصوص علشان اسمو زي اسم امي😻😻 و طبعا الفستان مبااااالغه😻😻 انا شفتو قبل كدا لاكن ما كنت متوقعاهو رهيب كدا ياخ دا فااااظيع من فوق علي الجسم و مت تحت فاري و شغول بالغليتر و كرستال شغل راااقي شدييييد 😻😻طبعا زولتكم منحرفه ما محجبه😂😂 يلا الساعه 8 فهد اتصل علي قال لي بيان كيفك😊😊 قالت ليهو تمام الحمد للله وانت قال لي ماشي الحال هسي جيت من الصالون اها جهزتو ؟!!قلت ليهو ايوه جاهزين😊😊 قال لي نحن تحت اطاعو خلاص😊😊 قالت ليهو كويس و قفل الخط المك اب عملت لي جك قبل ما اطلع لقت كل شي تمام يلا ودعتها قالت لي وين يا السمحه ودعيني بعد الجرتق 😂😂و نزلت تحت اول ما نزلت لقتو في وشي قربت اقع قلبي قال شحححححح😻😻 بث هو سغييل اتخيلو ما رفع عينو علي😭😭خاتو رفاء قالت لي بسم الله ماشاء الله و الله يا فهد اخدت بت زي النجفه ما يسحروها😍😍رفع عينو عاين لي في زهوول وقال لي سبحان الخلقك حسيت الكلمه دي طلعت منو وهو ما حاسي علي نفسو بقول في شنو😹😹 قالت ليهو تسلم 🙈🙈واااي لو شفتوهو لابس البدله السودا و الببيونه و الحنه في يدو و حلاقه الشعر ولا الدقن لالا الدقن كومو براهو بحكي عن قصه ولا الدبله في اصبعو واااي انا قربت ادردق في الارض و عندو لون قمحي يشهك تاكليهو قلبي قال لي اجري احضنيهو🙈🙈 صحبو قال ليهو شنو يا ود جايط كدا من شفت العروس ما عرفت تقل شي😉😉 فهد قال ليهو القمر قدامي لازم اجووط😊😊 طبعا انا دي الخجل كتلني 🙈🙈 فهد قال لينا يلا يا جماعه علشان نحصل الصاله و التصوير 😅😅صحبو قال ليهو التصوير ما تشيل همو عملتو ليكم إن دور علشان ما يأخركم😅😅فهد قال ليهو خير ما عملت😅😅 يلا نتحرك خالتو رفاء قالت اصبرو بخرتنا بالملح و بخور التيمان و رشتنا بالكمون و قالت ليها بعد كدا يلا😊😊ركبنا انا و فهد في عربيه مارسيدس بينز و سايق لينا ولاحد من اصحابو اما الاشبينات اللي هم رتاج و خلود و مها و ملاز و امتنان بت عمي و رنده بت عمتي لابسين ليهم فساتين لونها موف مشكله بي فضي تحت للركبه بي مسافه و جزمه كعب لونها موف 😻😻ركبو مع صاحب فهد التاني و اتحركنا .... تعبت والله من الكتابه علشان كدا نقيف هنا و نتم الباقي في البارت الجاي..😊😊
استمخوووو....😎😎
