قولنا ليهو اها يا حاج احكي😻 قال لينا بتتزكرو عمكم فؤاد كان جانا مره في كندا و قعد معانا 😅😅 انا قلت ليهو بري ما بعرفو 😇😇 امي قالت ليهو دا الكان جا اتعاقد مع الشركه داك😅😅 ابوي قال ليهو اي ياهو😊😊 قالت ليهو اها مالو لعلو طيب 😅😅ابوي قال ليها تمام والله بث عندو اخوهو اسمو النصري عايش هو واولادو في امريكا و جو السودان ليهم اسبوعين كدا و عاملين ليهم كرامه الجمعه الجايه وعزمونا وكدا 😊😊 امي قالت ليهو اسبوعين ويادوب عاملين ليهم الكرامه؟؟! كان يخلوهم يتمو الاربعين بالحيل😹😹 ابوي قال ليها لا انتي ما ما عارفه شي لاكن😂😂 امي قالت ليهو اها عرفني يا اخوي 😹😹ابوي قال ليها ولد النصري تاني الكبير فهد قاري هندسه في كليه حربيه في امريكا يعني طلع مهندس في الجيش بي رتبتو وهسي اترقي و وصل لي رتبه الرائد فهم عاملين الكرامه دي لي جيه اهلو و ليهو هو😊😊 قلت ليهو مكس يعني😹😹 قال لي بث الله ينور عليك 😂😂قلت ليهو وهو شغال هنا يعني😅😅 قال لي يادوب ليهو شهر او اتين من نزل شغل لاكن هو دا خبره امريكيه يعني ما لعب سااي يعني لو قدم ورق ساي ببقا فريق اول خلي و بعدين انتي عارفه الود دا مكافح شديد مع انو عمرو 28 سنه بث من ما اتخرج و هو حاصر نفسو في اطار الشغل من معسكر لي معسكر لحد ما حصل الرتبه دي و الله كن ما عمرو صغير يستاهل يبقي عقيد عديل 😊😊 امي قالت ليهو ما شاء الله عليهو راجل و ود رجال بما انك بتشكر فيهو كدا اكيد ما ساهل 😊😊خالتي نطت قالت لي ابوي عمرو كم قلت لي😉😉قلت ليها اهاا البايره مخلها يا دوب اشتغل😹😹 امي و ابوي ماتو من الضحك المهم مشينا اكلنا و اتونسنا وابوي قعد يحكي لينا عن عمو فؤاد و عمو النصري وقضينا يومنا 😻😻 تاني يوم مشيت الجامعه بث ما قعدت كتير الساعه 12 رجعت البيت لانو دخت😹😹 لقيت بصير جاي في الشارع و ماسك لي زينه بت نسيبه من يدها و ماشي معاها التقول بتمشو في حبيبي مفلس😹😹 اول ما شافني جريت ليهو نور فكاها طوالي😂😂 وقال ليها شنو ما عارفه ياخ البت دي قامت جاريه جري التقول قال ليها اختي ح تتقلب وحش وتاكلنا😹😹 انتظرتو لحد ما هو جا داخل قلت ليهو اووو يا حبيب عامل لي فيها جنتل و بتوصل بنات الحله بيوتهم قلت لي 😉😉قال لي قالت بتخاف من الكلب واتشعبطت فيني ياخ ما تشغليها لي 😅😅 قلت ليهو لا يا راجل علي اساس انت الما بتخاف تحب ازكرك بي يكه امس ولا ماف داعي 😊😊قال لي انتي بقيتي كلامك كتير كدا مالك😂😂 طبعا عايز يغير الموضوع قلت ليهو لالا خلاص ثكته😂😂 دخل و انا دخلت عرفتي غيرت و استحميت و نزلت شايله جوالي اشيك علي الرسايل و المكالمات كل شويه و الزفت دا حلف كلو كلو ما يرسل ولا يتصل 😪😪 زهره جات قالت لي انها ماشه تجيب حاجات من الدكان قلت ليها ظريف جيبي لي معاك جيتوس 😻😻 قالت لي دا شنو كمان قلت ليها زهره جيتوس مالك نسيتيهو؟؟!😂😂 قال لي دا الهناي حق الشفع ال....😅😅قلت ليها اي ياهو الشبس البشتريهو كل مره داك😹😹 و اديتها قروشي المهم هي مشت بصير كورك لي و هو قاعد فوق قال لي بيان تعالي اديني البلستيشن😿💔 قلت ليهو و وين هو😊😊 قال لي في دولاب ماما😿😿 قلت ليهو طيب ظريف انتظر امك تجي و بعدين قول ليها عايزو😊😊 قال لي امي ما بتديني ليهو 😭😭قلت ليهو طيب عايزني اركب مواسير مع الحجه ليه 😏😏قال لي انتي كبيره ما بشاكلك😁😁 قلت ليهو ياخي قال ما بتشاكلني قال قول انت عايز الكورك كلو يقع فوق راسي ناسي المره الفاتت النام في االحديقه برا مع الحشرات و الباعوض بي سببك منو ولا نسيت لمن حرموني من مصروفي لي مده اسبوع بي سببك😑😑 قال لي خلاص خلاص خلي الكلام الكتير 😑😑 قلت ليهو ظريف يلا طير شوف قرايتك وين ورجعت احضر حضوري وهو مشي بعد شويه جا قال لي بيان شوفي اتلفت لقيتو شايل اغلا باظه عند امي 😱😱 قال لي والله ما تجي تنزلي لي البلستيشن ارميها من هنا👿👿 قلت ليهو يا زول بي طريقتك قايل نفسك انك بتهديدني و براحه سحبت جوالي و شغلت الكميرا فديو و رفعتو بين المساند علشان ما ينتبه ليهو👹👹 قال لي بقول لي امي كنت بتشاكل معاك ودفرتيني و وقعت👿👿 قلت ليهو تفتكر هي ح تصدقك😏😏 قال لي ناسيه الشفع ما بكذبو😌😌 قلت ليهو وينو الشافع عليك الله بث وريني 😂😂قال لي ما تكتيري كلام ح تقومي تديني ليهو ولا ارميها😒😒 قلت ليهو براحتك وقبلت منو😪😪 قال لي خلاص انتي الاخترتي يلا عايني للنهايه المؤلمه عشان ما تفوتك 👿👿اتلفت كدا هو فكاها ما كنت مفكتارهو جادي انا خلاص قلبي بقي في يدي 😱😱 لمن غمضته عيوني خلاص شفتي نفسنا ونحن مشردين في الشارع و احلام كلها اتحطمت وبقينا نشحد في الشارع علشان نجيب حق الباظه😭😭 شويه بث بعد ماسافه ما سمعت لي صوت حاجه اتكسرت فتحت عيوني لقيت ليك بصير دا ميت من الضحك😒😒 طبعا هي وقعت ورا الكرسي قمت مشيت لقيت بصير خاتي لي مخدات ومساند و بطاطين وجداعات ورا الكرسي قال لي شايفاني حمار انا هنا علشان اللعب بالنار 😹😹 قلت ليهو ليهو لانك حيوان😤😤 بث انا بعرف اربيك شلت تلفوني و حفظت التسجيل و شلت الباظه طلعت بيها فوق جيت نازله تحت بصير جا قال لي والله يا بيان ما تنزلي لي البلستيشن بكلم ليك امي انك المره الفاتت طلعتي مع صحباتك بالدس من غير ما هي تعرف وكمان كان معاكم اولاد😒😒 قلت ليهو انت هسي بتهديدني يعني ولا فهمك شنو😊😊 قال لي افهمي الدايره تفهميهو 😑😑قلت ليهو طيب وانا كمان ح اوري الفديو دا لي ماما و شغلت ليهو الفديو👿👿 قال لي دا شنو 😱😱قلت ليهو فديو بثبت انك علشان ينزلو ليك البلستيشن حاولت تكسر الباظه حقت ماما 😊😊قال لي امسحي الزفت دا😱😱 قلت يهو ابيييت جا داير يخطف الجوال مني قلت ليهو اوعك تفكر تعمل لي فبها الود المفتح انا انا عامله منو نسختين وحده برا في الاستديو والتانيه في تطبيق القفل فشنو اعمل حسابك😒😒 قال لي حيوانه 😤😤قلت ليهو حمار😝😝 قال لي امسحي يا زوله 😤😤قلت ليهو ابييت😝😝 قبضني من شعري والشكله دورت💃👏 امي جات داخله وشايله معاها اكياس قالت لينا في شنو يا اولاد😂😂قلت ليها ماف شي كنا بنهظر و نلعب مع بعض ولا شنو يا بوصي وقعدت ارمش ليهو😹😹 حمر لي مسافه و قال لي ماما اي يا امي كنا بنلعب مصارعه 😑😑 ماما دخلت الاكياس المطبخ وجات جدعت لينا كيس فيهو شوكلاته 😍😍 قالت لينا اتقسمهوم مسكتو انا الكيس قلت ليها انا تلاته و بصير اتنين صح 😻😻قالت لي لا انتي شيلي اتنين لانو جبت ليك علبه نوتيلا و ادي بصير االتلاته لانو هو ما بحب النوتيلا😊😊 عاينت لي بصير كدا و رفعت ليهو حاجبي و اديتو ابتسامه كدا 😏😏براهو قال لي امي لالا انا ما نفسي فيها علشان كدا ح اشيل اتنين و خلي الباقي تاكلو البقل دي😒😒 قلت ليهو بقل حبوبتك يا حيوان😑😑 ابوي قال لي حبوبتو منو😕😕 قلت ليهو انا دي😹😹 امي ماتت من الضحك بصير قال لي تفصلي احيي انا ماقلت مره😂😂قلت ليه. انتي اسكت😏😏 ناس ابوي طلعو يرتاحو ونحن مشينا نتقسم الشوكلاته في غرفتي اصلا هم خمسه وكل واحده نوع انا شلت كادبوري و فلاك و هو شال اسنيكرز و جلاكسي فضل كيت كات حنيت عليهو قمت قلت ليهو خلاص دي نتقسمها قال لي ظابط 😪😪اكلناهم و قعدنا و المساءبعد روجي جات عملنا كيك بالشوكليت ومعاهو شاي وطلعنا السطوح شربنا الشاي هناك عملنا قعده بنوتي كدا ظريفه بالمساند مع الشاي و الكيك و اتمكيجنا وفكينا شعرنا و نكشناهو وقعدنا نتصور و ننزل في الاسناب😹😹 وجونا بنات جيرانا مها و ميساء وخلود وديك يا ونسه و ضحك😻😻 و مشاغلات طبعا كلنا قاعدين بالبجامات بث بقينا نشاغل في الجاي والماش في الشارع ونضحك ما خلينا ولد ما شاغلناهو 😂😂 كان يوم ظرييف و كيوتمن الموت والله😻😻 اما باقي ايامي مرت عادي و سيف ما جايب خبر😿💔 لبعد اسبوع زي الساعه 8 مساء انا قاعده كدا ومعاي رتاج جوالي رنه التركول طبعا بضهر الاسم الساعه القاهو سيف دايره اجن 😹😹انا بقيت اصرخ اتصل اخيرا روجي قالت لي منو منو 😳😳 قلت ليها سيف اتصل يا اريج اقصد رتاج 😻😻قالت لي سيف منو 😹😹قلت ليها سيف اخو ملاذ الود المبهدلنا داك 🙈🙈 قالت لي حظك ومن متين انتي بتعرفيهو وكنان ما ورتيني يا خاينه يخسي عليك 😹😹قلت ليها دقيقه دقيقه قحيت احو احو حتي بعد داك رديت 😹😹قلت ليهو الو يا مرحبه😊😊 قال لي يا هلا ووووب علي من صوتو 😻😻 قلت ليهو منو معاي 😏😏 قال لي معقوله ما عرفتيني😐😐 قلت ليهو الصوت ما غريب علي بث ما قادره احدد 😅😅 قال لي امممم طيب انا سيف 😊😊 قالت ليهو سيف منو 😅😅قال كيف يعني سيف منو بتعرفي كم سيف انتي😳😳 قلت ليهو يمكن تلاته اربعه او خمسه 😅😅(كضاااابه كضب انا والله سيف واحد بث البعرفو😹😹) قال لي يا زوله😒😒 قلت ليهو جد 😊😊قال لي طيب لمن تعرفي انا ياتو ابقي ارجع ليك😌😌 قلت ليهو دقيقه دقيقه اتزكرتك انت اخو ملاذ صح😹😹 قال لي ما ياهو نحن حلوين طيب من الصباح بنستهبل مالنا 😅😅قلت ليهو ما قصه استهبال بث بالجد في الاول ما عرفنك لانو نسيت الموضوع انا😅😅 قال لي ليك حق تنسي انا زاتي مع المشغوليات نسيت😊😊 قلت ليهو ربنا يهون بث😊😊 قال امين يا رب اها كيف حالك 😊😊قلت ليهو بخير والله وانت كيف صحتك😇😇 قال لي ماشي حالي بث ضغوط مشروع التخرج دا شويه عامل لينا لبشه وكدا😅😅قلت ليهو ربنا يوفقك 😊😊قال لي جمعا كدا😊😊قلت ليهو كيف ناس البيت قال لي بخير و الحمد لله وانتي كيف خالتو جوري وعمو وجدي😊😊 قلت ليهو بالف صحه وعافيه 🌚💜قال لي و بصير كيف حالو من سكه الكلب ديك تاني ما لمحناهو في الفريق 😂😂 قلت ليهو شديد و الله قاعد للشكل😹😹 قال لي شكلو مسكين وما بتاع شغب 😅😅 قلت ليهو هع مسكينه انا😹😹 قال لي واضح😂😂 قلت ليهو شفت كيف😌😌 قال لي مافي كلام والله قفل و احتفل 😻😹قلت ليهو اصلا😌😌 قال لي يلا ما اطول عليك بيناتنا شبكه نتلاقي تاني 😊😊قلت ليهو ظريف يلا في امن الله😻😻 قال لي ربنا حفظك يلا سلام وقفل انا خلاص زي الكنت بحلم وقعت في السريري و حضنت المخده و اتكرفسته وبقيت اتخجل 🙈🙈 و روجي دي تشيل و تحاكي في بحه صوتو 😹😹 طبعا هي كانت شايه مني فرده سماعه وسمعت كلامنا كلو من بدايتو لي نهايتو😹😹ياخ كانت احلا دقايف اتمنيتها ما تنتهي ومن هنا تواصلي مع سيف بقي دايم و بقينا اصحاب و كدا ونسه وطلعات وعادي بنتلاقي في الشارع و بوصلني لحد البيت وهو برجع ومكالمات😻 بث هو تقيل زي ما قلت ليكم وما لمح لي علي شي واتا اعجبكم بقيت رايحه تماما😂😂 المهم يوم الجمعه جا و كلنا جهزنا مشينا كرامه النصري يلا دي نخليها للبارت الجاي نشوف الحصل هناك شنو ان شاء الله😉😉
استمخوووو....😎😎
