في الشارع فهد ما كان مركز خالص طول الطريق كان سرحان زي الزول المهموم😪😪و انا استغليت الفرصه و قعدت اتامل ملامح و شو و تفاصيلو الصغيره😻😻طبعا صحبو رقاي رقي شديد انا من كلامو لمن تعبت مرات برد عليهو و مرات لا المهم بعد وصالنا صاله الوداد صاحب فهد قال لينا خليكم شويه بعد نديكم خبر حتي تنزلو قلت ليهو كويس 😊😊 نزل خلانا في العربيه برانا فهد عاين لي جوه عيوني وكانو في خمسميه سؤال في راسو عايز سألني ليهم بث ما قادر بعد مسافه سرح في عيوني وتاني حسي علي روحو نزل عيونو سرعه و تاني ما رفعهم علي🙈🙈شويه كدا جاتني رتاج بالشباك قالت لي اها ما نازلين ولا شنو 😂😂صاحب فهد جانا بالشباك التاني وقال ليها شكلو العريس مخطط يهرب بالعروس😂😂 قالت ليهو لاكن كدا ما بعصر علينا نحضر عرس من غير عرسان خليهم يصبرو شويه يلا انزلو 😂😂قلت ليها نازلين ما تخافي 😹😹فهد نزل و جا فتح لي الباب مدا لي يدو مسكت فيها و نزلت روجي ظبطت لي فسناني الوقت داك جاتني امي و خالتو تيجان سلمو علينا و باركو لينا💜 خاتو تيجان حتي صوتها رايقه ومسكينه ان شاء الله نسيبه البنات كلهم يا رب بتحب الناس من قلبها والله ربنا يحفظها يا رب 😻😻بعد داك جا ابوي سلم علي في راسي و بارك لي و خته يدو في كتف فهد و قال ليهو بتي دي واحده عن ابوها ايك في يوم تزعلها لانو هي امانه في رقبتك ليوم الدين وانا ما برضي فيها فاهم😠😠 فهد قال ليهو بتك تاج لي راسي يا عمي 👑🌚ابوي ابتسم😊😊 و انا دموعي ديل جرو😭😭رتاج جات قالت ليهو اها بكتوها لي و الميك اب ح يخرب يلا خلونا ندخل بعد دا قبل ما تتقلب ياحره شريره 😂😂فهد مسك لي يدي و قال لي يلا قلت ليهو اوكي😻😻 دخلنا الصاله و هي مضليمه الاضاءه كلها علينا و النلس دي كلها تبعاين لينا😪😪وقفنا في الباب بي يميني اشبيناتي و شمالي اصجاب فهد و انا ماسكه فهد من يدو وهو ببشر باليد التانيه واشتغلت غنيه محمد (ميمي) بتقول مكسيه بي توب الزفاف و الحنه في الايد و البخور👏 وملايكه تحرس فيها ساي وتجيها منها احلا نور 👏عروسنا يا ست الحسان عروسنا يا بدر البدور 👏الليله جينا نغني ليك مزفوفه لي ود السرور 👏...ود الراجل العزو بان الليله عيدو وفرحتو👏اخد العديل و الزين كمان مسوده في الايد حنتو👏 في نص جبينو هلالو بان و عروسو صبحت حقتو 👏واتحقق الحلم الزمان راجل و بقي عند كلمتو 👏سواي و ما حداث لسان خلاكي ملكو و حقتو 👏الليله العريس اختارك انتي وخلاك حلالو و قسمتو ....
انا بقيت بتمعن في كلمات الغنيه و دموعي نازله 😭 ما عارفه دي دموع فرح ولا زعل احساسي كان جايط لي لحظه بتمني اغمد عيوني و افتح القي كل الحصل دا مجرد حلم 😭😭 احساس غريب الزي الزول النطه براهو في حفره و لقاها نار حاسه كل شي حصل بسرعه وانا ما فكرت في الموضوع دا صح ولا اتصرفت صح اي في البدايه كنت متلهفه لي موضوع العرس دا شديد بث في اللحظه دي بزات اتمنيت من جواي لو بقدر اوقفو شفتو زي الزول الكان مصير يمش في طريق ولمن قرب يصل نهايتو قال ما عايز يكمل بث كمان ماف طريق للرجعه😭😭 بعد وصلنا نص الساحه اشتغلت اغنيه انجليزيه رقصنا عليها الاسلو فهد لاحظ لي دموعي و ملامح وشي قال لي بيان انتي متضايقه من حاجه؟؟! قلت ليهو لا 😊قال لي طيب بتبكي ليه😕😕 قلت ليهو ح اشتاق لي اهلي😭😭 ابتسم و قال لي انا ح اكون جمبك و ح احاول اعوضك😊😊 خجلت و ابتسمت و دنقرت 🙈🙈تاني ما رفت راسي الا الغنيه خلصت و فكيتو كدا بث في ورد جا متدفق من فوق ومع الفستان طلع مبالغه و الفتوغرافين قعدو يصورو😻😻 بعد داك مشينا الكوشه و الناس بدت تجي تبارك انا كتفي اتقلع من كتره السلام و المباركه يلا عصمت بكري بدا يغني و الناس دي ترقص رقيص حتوهو حت💃💃 جات اسراء و رتاج جرونا ليك الساحه وانا طبعا دور العروس الرزينه لانو من قمت امي توصي فيني خليك رزينه و ما تتخفخفي في عرسك علشان ترفعي راسي و كلام الامهات داك 😹😹 يلا اهل فهد ديل عاملين زي القدر امش اقعد كدا يجو يقوموني تاني و كلهم مزز مزااازه😻😻 واااي انا بناتهم زي النجف بدون عرس اها لمن يبقن عروسات ح يبقو كيف 😻😻ولا الاولد نفسياات والله كن ما استعجلت و عرست اللتخه دا كنت خلطه نص اهلو قربت ادردق بث كل ما اعاين لي فستان الزفاف برجع بحترم روحي 😹😹 يمكن انا هسي ما فرحهانه علشان فهد شويه غامظ او لانوو انا لمن وافقت ما كنت قايلاهو فهد كنت مفتكراهو خيري ابر ريناد لانو ارتحت ليهو شديد و كنت ممكن اتعامل معاهو احسن من فهد بعدين فهد كدا شحصيتو بتحسو بيها فيها شي من العصبيه 😖😖 نظراتو حاده جسمو المعضل و البسوو بحسيسك انو زول بتاع رسميات حاسه العرس دا كبسه نفس ح يكون بث الله يستر 😹😹طبها ريناد العسل ملبسنها فستان دهبي بي اوف وايت و مسرحين ليها شعرها تسريحه حلوه ومركبين ليها الفيونكه الكان اديتها ليها لمن اتلاقينا في شارع النيل عثل ياخ البت دي😻😻 اول ما شافتني جاتني جاريه شلتها و سلمت عليها جات بت كد قلعتها مني 😪😪 عاينت ليها بي استغراب كدا😳😳 قلت لي ما تفكري انك اذا عرستي فهد ح تاخده مكانه في البيت اكتر من اللزوم او ح تكوني عندهم زي المرحومه علشان كدا ما تتعلقي بي بتها وخليك مع راجلك احسن ليك😊😊 قلت لي نفسي يا ربي دي حاسه بشنو دي😹😹 طوالي اتزكرت شكله يوم الكرامه ديك قلت دي اصلا اسلوبها منحط كدا علشان كدا يا نفسي ما تركزي معاها كتير 😌😌يلا الحفله خلصت 11 و هم عاملين الجرتق في البيت طوالي اتحركنا مشينا المجاهدين فهد طول الطريق شغال بتلفونو وانا من التعب ما قادره ارفع عيني مشينا بيت عمو النصري طلعوني غرفه اسراء فوق اغير فيها قلت ليهم انا الجوع انتهي مني بث ما قادره اكل شي فشنو جيبو لي كوب زبادي وملعقه😪😪 قالو لي كويس يلا الميك اب مسحت لي مكب العرس و عملت لي واحد تاني للجرتق ولبست لي فستان علي الجسم يديهو سير وهو فوق للركبه بي مسافه لونو احمر ومشغول بالقليتر الدهبي و فيهو سيور سيور كدا زي فساتين الرقاصات 😹🙊 و كعب عالي احمر و توب الجرتق احمر مشغول بي دهبي شغل تركي راااغي وقماش التوب زاتو تقيل حبه يلا و داك يا الكسيسوار الدهبي بي احمر وديك يا الجدله طلعت قمر بث والله😻😻 جابو لي الزبادي من غير معلقه قلت ليهم ما مشكله بشربو كدا طيب يلا هم بقو بتونسو و انا باكل في الزبادي الباب دقه اسراء قالت ليهو ممنوع الدخول هنا العروس بتلبس🚷قال ليها انا فهد يا متخلفه ما تتعاوري 😊😊 قالت ليهو اووو العريس شفقان يا جماعه احسن نطلع ليهو قبل يهرشنا😂😂 وفتحو الباب طلعو وانا شربت الزبادي ساريع ساااريع و ختيت العلبه وجريت قعدت في طرف السرير بي ادب😹🙊 هو داخل وجا قعد جمبي في السرير يلا انا قاعده ومدنقره فهم خجلانه وكدا😂😂قال لي بيان انا عايز اتكلم معاك هسي و اكون واضح من البدايه و اتلفت علي عاين لي مسافه و ابتسم وقال لي كنتي بتسوي في شنو قبل ما اجي داخل 😅😅 قلت ليهو ولا شي 😊😊قال لي ولا شي ولا شي؟؟!متاكده😉😉 قلت ليهو بث غيرت لبسي و ظبطو لي الميك اب وانت جيت😅😅قام وقف ومدا لي يدو وقال لي تعالي😊😊 عاينت لي يدو وسرحت فيها الحنه و الساعه والجلابيه وااي انا بعد حسيت علي روحي مسكت يدو و قمت قلت ليهو علي وين 😅😅قال لي تعالي ما ح اخطفك مشي فتح باب الحمام انا دي قلبي وقف بقيت منطيته عيوني عشره عشره😳😳 قال لي تعالي يا بت ما تخافي دخلت وانا يديني ديل قلبو تلج 😹😹طبعا حمام اسراء كبيييير تقول غرفه يلا وقفني فصاد المرايه و قال لي عايني😊😊 عاينت في الماريه بث ما ركزت مع نفسي بقيت سرحانه فيهو الجلابيه والحنه والطاقيه ولا عطرو اخخخخ انا يا قلبي و عندو لحيه اريتها لحيتي 😹😹 قال لي شايفه شنو قلت ليهو شيفاك انت😻😻 قال لي هااا؟!!😅😅 قلت ليهو قصدي االجلابيه حلوه عليك 🙈🙈قعد يضحك اخخخخخ انا من ضحكتو وانيابو المردفه و اسنانو مرصوصه رصه ما شاء الله و لا صوت صحكتو مع بحه صوتو شويه كدا و اغمر😻😻 قال لي ما تعايني لي ركزي في وشك عاينت لقين لي شفيفي ملتخه بالزبادي لطيخ 😂😂 قلت ليهو شتتت 😱😱هو مات بالضحك جيت دايره امسحو بي يدي مسك لي يدي و لفتني عليهو وجا علي قريب قال لي كدا ح تخربي مكياجك😊😊 طلع من جيبو منديل ومسح لي اثر الزبادي يلا انا دي قلبي بقي بلعب جمبااظ و برقص هيب هوب ما فضل ليهو الا يقد الضهر و يطلع بي ورا 😹😹سرحت في عيونو مسااافه انتبه لي قام ابتسم و نزل عيونو في الارض و رفع حاجبو تاني رفع عيونو بي حركه سريعه انا الرفعه دي خربطت كياني كلو 😻😻ياخ مبالغه حسيت نفسي كتم او الاوكسجين انقطع😹😹 طولي طلعت خليتو اسراء جات قالت لينا ارح الجرتق بعد دا شيفاكم طولتو 😉😉يلا نزلنا وساقتنا الحديقه بتاعتهم الطرف ديك الكبيره ديك هم عملين فيها صيوان والجرتق زي حفله نسواني كدا😉😉و بي عوضيه عزاب فهد جلابيه الجرتق فظيعه فيهو يلا ماسكني من يدي و ببشر باليد التانيه وانا مسكه التوب الثرتي علشان ما يقع مني و عوضيه تعدل لينا ساااي و النسوادن ديل يزغرتو💃👏 وصلنا و قعدنا يلا النسوان جو باركو ما عارفه هو العرس دا بيباركو ليهو خردميه مره ليه والوحده كل شويه تمش وتجي في راسك تبارك عملو لي ازمه ماليه عديل بسبب كتره المباركه😹😹يلا بعد خلصو من المباركه امي جات ساقتني نص الساحه وقالت لي ورينا ابداعاتك 😉😉قلت ليها ابداعات شنو يا حجه 😂😂 قالت لي انتي قايله العروس بدربوها سااي يا سمحه بدربوك علشان ترقصي قدام راجلك خلي يلا يلا هاتي التوب دا قلت ليها امي ما تهظري معاي😭😭خالتو تيجان قالت لي اجي يا بتي بتخجلي من راجلك ولا مننا 😂😂 امي قالت لي اتخيلي نفسك في صاله زومبا و ارقصي وبعدين براك قلتي الا يدربوك يلا ما جايه ما ترقصي قدام راجلك😂😂 بث بقيت خاته كلام امي دا في راسي انا وين في صاله زومبا يلا ملصت ليك الكعب العالي و مسكت امي التوب و يا الرقيص جاك زوول💃💃والنسوان ديل يزغرتو اسراء و هناء جرو ليك فهد من يديهو جر لحد الساحه وانا بلا الخجله العلي زادت زياده بقي ببشر لي وانا من شفتو جا علي نسيت كل الحركات و خلاص طشيت والله ما قدرت اتم طولي بقيت ببشر و بجرجر في الفستان لحد ما حصلت امي شلت منها توبي و لبستو 😂😂 حبوبتي ام ابوي قالت لينا بعد دا اقعدو يضرضروكم يلا مشينا قعدنا و بدو الضريره شي عطور وبخور محلب وغيرو وزغاريت وغني😪😪 بعد خلصو الحفله استمرت لحد الساعه 1 بعد داك الفنانه فاتت و الناس فرت و نحن دخلنا قعدنا في الصاله و جو ابوي و اخوانو التلاته و عمو النصري و اخوانو الاتنين قرو لينا يس و خالتو تيجان بخرتنا الملح و الكمون و بخور التيمان عشان تبعد العين وبعد خلصو ودعناهم وانا ابكي و امي تبكي و رتاج دي نامت زي البقره مشيت صحيتها و قعدت ابكي معاها بعداك فهد قال لي نطلع😊😊 قلت ليهو ماشي مسكني من يدي و مشينا ركبنا العربيه و اتحرك وانا دي ابكي الشارع كلو ببكي 😭😭 فهد قال لي خلاص كفاك بتموتي بدل بكاك دا كان تقعدي عن اهلك احسن 😑😑 سكت ما رديت ليهو لانو قالها بنرفزه كدا😪😪 وصلنا بوابه كبيره وقف قصادها البوابه براه فتحت دخل العربيه طبعا في حديقه كبيييره كدا فيها نجيله وقف العربيه في الباركن و قال لي وصلنا يلا انزلي لانو ما عندنا زمن بلا العلي زمني كلو ضاع فيك😒😒 و نزل خلاني استغربت قلت يا ربي الود دا عندو انفصام في الشخصيه ولا شنو 😳😳 .... نقيف هنا و نشوف الباقي في البارت الجاي ان شاء الله 😊😊
استمخووو.....😎😎
