مشيت طلعت في السطووح قعدت هناك وانا مبسوطه لانو الله اداني ام و اب حنونين زي ديل 😻😻 و عصرين وبهظرو معانا و بعاملونا معامله كسرت حاجز الخوف و زادت نسبه الاحترام و الحب😻😻😻 قعدت شربت شايي بي مزاج و رجعت نزلت غرفتي لقيت رتاج قاعده تخلط قلعت منها الجوال قلت ليهو سيف يا مرض😹😹 قال لي حبيبتي مالك فرتي هسي كدا😒😒 قلت ليهو يحبك كلب احوص يا زفت انا بيان خلي قال حبيبتي قال و حلات فاتح نفسك و بتقولها لي بكل رمنسيه😂😂 قال لي اوو مستر جوووطه اخبارك ياخ مشتاقين اقسم بالله😅😅 قلت ليهو يااا راااجل قال مشتاق قال كن كنت عايز تعرف اخباري كان.شلت السماعه واتصلت علي توت توت و ارد ليك.و تسالني عن اخباري بث طلسك دا ما بنفع معاي 😊😊 قال لي وحلاتي الزعلان دا 😉😉قلت ليهو ها ها ها ما زعلانه ولا شي😊😊 قال لي طيب مالك😏😏 قلت ليهو مامالي بث حبيت اقول ليك اني ح اخطف روجي منك الليله😊😊 قال لي كيف يعن😅😅ي قلت ليهو يعني طير نوم و خلينا في حالنا و قفلت فيهو الخط😹😹 رتاج قالت لي يا حيونه دا شنو😾😾 قلت ليها كدا بث و شلت تلفونها و مشيت رقدت نومت 😂😴قالت لي طيب هسي انتي قفلت فيهو علشان تنومي تخليني 😑😑قلت ليها يب علشان تشوفي الحركه دي حاره كيف 😊😊قالت لي بيان اديني جوالي😑😑 قلت ليها ما عندك عندي اي جوال😊😊 قالت لي بيبو حبي ياخ ولله تاني ما بسفهك بث خلاص قومي خلينا نتونس 😭😭قلت ليها لا شقرن ما عايزه اتونس مع زول امشي نومي نومك😊😊 و اتغطيت خليتها علشان تتادب عارفها ما ح تقدر تنوم لانو الفتره الفاتت اتعودت علي السهر و ح تمل من انها تقعد براها و ح تعرف معاناتي كانت كيف لمن هي كانت ما شغاله بي 😪😪 صحيت تاني يوم علي صوتها بتقوم فيني اديتها الجوال و مشيت صليت و جيت رجعت نومت و عدت ايامي عادي يوم الاربع ابوي جوهو اصحابو نزلت سلمت عليهم كانو شاب و راجلين ابوي قال لي بيان عرفتي عمك فؤاد و عمك النصري قلت ليهو معقوله يا ابوي ما اعرفهم عمو النصري قال لي دا ولدي الكبير رفعت عاينت ليهو وخلاص بقيت متنحه فيهو ساعه و هو اصلا ما نزل عينو منني نظرات هجمه كدا😳😳بعد طلعت منهم مشيت غرفتي وبقيت بفكر يعني البت حقت شارع النيل هي نفسها بت كرامه النصري😹😹بعد ما هم مشو سمعت ليك امي بتزغرد 💃💃 قلت يا ربي في شنو طق طق نزلت تحت بث جات حضنتني و بتدمع طبعا انا منطيطه عيوني ديل كباااار😳😳قالت لي الف الف مبروك حبيبتي و ربنا يتمم ليك علي خير 😻😻قلت ليها حجه كم داون دقيقه فهميني اول نتيجتنا طلعت و بقيت بوت سنير ولا شنو😹😹 قالت لي نتيجه شنو يا بت انتي انخطبتي😂😂 قلت ليها شن هووووو من هووووو فين هوووو حجه ما تخليني ارطن ليك كوري زي جون بيوو😹😹 امي قالت لي مجنونه انتي يابت انا جاده معاك قلت ليها كيف يعني 😱😱رتاج دي اتشرطت من الضحك قالت لي امي البت دي متخلفه ح تجلطك😂😂 ابوي قال لي بت قلت ليهو عيوني انا😻😻قال لي بت بي صوت اعلي😒😒 قلت ليهو ايوه يا ابوي 😕😕 قال لي اقعدي في الكرسي دا😒😒 قلت ليهو انا مرتاحه كدا بث في شنو😊😊 قال لي بت قلت ليك اقعدي في الكرسي دا 😑😑قلت ليهو قعدت يا ابوي😿💔 قال لي قبل اسبوعين انا اتكلمت معاك صح😊😊 قلت ليهو في شنو يا ابوي 😿😿قال لي قلت ليك بعرس ليك و انتي قلت مرافقه حصل ولا ما حصل 😑😑قلت ليهو حصل يا ابوي بث انا كنت بهظر ما كنت خاته الكلام جد😅😅 قال لي امك قالت ليك ابوك جادي و عندك فرصه تنسحبي بث انتي رفضتي و قلت جاده حصل ولا ما حصل 😑😑سكته و دنقرت😿💔 قال لي حصل ولا ما حصل؟؟!😑😑قلت ليهو حصل 😿😿قال لي و هندي الناس جاين يوم الجمعه خطوبه😸😸 قلت ليهو هم منو😊😊 قال لي عمك النصري القبل شويه كان هنا😅😅 قلت ليهو بث 😿😿قال لي شوفي ماف شي اسمو بث انتي عندك زول؟؟!😑😑 قلت ليهو لا 😿💔قال لي علشان لو عندك زول موقفنا ح يتغير جاوبي 😑😑قلت ليهو والله يا ابوي ما عندي زول😿😿 قال لي طيب رافضه ليه😑😑 قلت ليهو ومنو القال انا رافضه😹😹 قال لي يعني ما معترضه😕😕 قلت ليهو العريس وجيه ولا ما وجيه😹😹 رتاج قالت لي كسااار عدييييل انا شفت اولاد النصري ديل كلهم اي واحد اقرض من التاني😻😻 قلت لي ابوي محترم ولا ما محترم😹😹 امي قالت لي ان شاء الله ولدي يا يمه 😻😻قلت لي ابوي عندو قروش ولا ما عندو قروش😹😹 قال لي وضعهم انتي شفتي براك 😊😊قلت ليهو خلاص الفيهو الخير الله يجيبو😸😸 روجي قالت لي طيب مالك من قبيل عامله لينا فيها تقيله😂😂 قالت ليها اثر الصدمه وكدا😅😅 قالت لي المهم الف الف مبرووك عليك حبيبتي دي للحاله نحن لينا اسبوع ما عارفين نفاتحك في الموضوع كيف😂😂 قلت ليها يخسي عليكم كان تكلموني بدري اظبط نفسي الحمد لله طلعت في اجازه لوني ظااابط 😹😹رتاج جات قعدت جمبي قاست لي حرارتي😂😂قالت لي بيان انتي كويسه😅😅 قلت ليها فل الفل والله😊😊 قالت لي لا انتي وافقتي عليهو كدا من دون ما تشوفيهو😳😳سرحت مسافه و قلت ليها رتاج عادي😊😊 قالت لي لا انتي جاددده بيان ملكه الرومنسيه عايزه تعرس عرس تقليدي😂😂 قلت ليها عادي ما فيها حاجه كتار العرسو كدا و عاشو احلا حياه 😻😻قالت لي لالا انتي ما طبيعيه وبعدين منو العرسو كدا و بتعرفيهم من وين انتي😏😏 قلت ليها الروايات دي قاعده بتسوي شنو😌😌 قالت لي الليله ووووب اي اقعدي باري لي شهد و سندس ديل لمن تصلي التووج حبيبه انتي في السودان في جومانجي ما في باريس قلت😂😂 ليها رتاج انتي بتعرفيني انو بحب الحاجه الدفرنت علشان كدا عايزه اجرب و اشوف حظي وبعدين ممكن احب راجلي بعد الزواج ما الا احبو قبل الزواج😛😛 رتاج قالت لي سممحه قال اجرب قال يا بت العرس دا مشوار عمر يعني ما لعبه جرب حظك😂😂قلت ليها رتاج روقي انا مسلمه امري لله و كلو بظبط ان شاء الله و ح استخير و اذا ما ارتحت للعرس دا عادي بفسخ الخطوبه في واحدات بعد العقد بطلقو يعني كن للخطوبه هينه 😂😂 المهم هسي خلي الكلام الكتير اعايزه احس بي شعور البت المخطوبه و دور العروس و كدا 😹😹رتاج قالت لي تصدقي عندك حق ارح نمش لي ميسون تعمل لينا خلطات 😻😻قلت ليهجا ظابط لبست لي عبايه و رتاج توب و مشينا لي ميسون يلا هي بت حينا دكتوره جلديه و فاتحه ليها بوتك فاتح علي الظلط بتعمل خلطااات شلللللخه😻😻 بتظبط الزول ظبطه لمن بهناك و في نفس الوقت حاجاتها امنه و ما عندها اثار جانبيه😻😻 المهم مشينا ليها قلت ليها ميثو يا ميثو نشاااق حرم 😻😻قالت لي كوتارات والله شنو اختفيتو بقيتو ما قاعدين تجو علي كدا😅😅 قلت ليها والله انا في اجازه حابسه روحي في البيت زي العروس لمن بقيت عروس 😂😂 رتاج قالت ليها وانا كمان مع جري الجامعه دا اسكتي ساي😅😅 ميسون قالت ليها الحمد لله الجامعه دي الله حلاني منها😂😂 قلت ليها حظك😻😻 قالت لينا حظي سااي😉😉 رتاج قالت ليها اها يا حبييه عايزنك تظبطي لينا خلطات سريع كدا تنورنا في يومين😉😉 ميسون قالت ليها يومين دي ما بسيطه لاكن 😅😅قلت ليها مستعجلين تقولي شنو😹😹 قالت لينا عندكم مناسبه ولا شنو 😊😊رتاج قالت ليها بيان ح يخطبوها 😅😅ميسون قالت لي قولي ولله الف الف مبرووك حبيبتي و ربنا يتمم ليك علي خير كدا يا رب😍😍 قلت ليها الله يبارك فيك زولتي انتي ياخ و عقبالك كدا😘😘 قالت لي بحياتك يا رب و بي مناسبه الخبر دا ح اظبطكم لمن بهناك 😉😉 رتاج قالت ليها اي بلاي عزينا بث 😘😘ميسون قالت لينا اها وش يعني و لا كلو ولا كيف😉😉 رتاج قالت ليها انا دي كلووو😂😂 ميسون قالت ليها بالجد انتي محتاجه شغل كارب اما بيان دي نضيفه بث عندها حبوب ح اعمل ليها تركبيه تخلي ليها وشها دا زي قمر 14😻💓 قلت ليها تسلمي حبي انتي ياخ 💝💝قالت لي العفو ياخ اما بالنسبه للجسم بما انو انتي اصلا نضيفه ف ح اديك عروكه مغربيه كدا تشيل ليك الخلايه الميته و تخليك نايره قلت ليها انتي الزيت يا قلبي انا 😻😻المهم ظبطتنا و رجعنا البيت من الحديقه نحن نتجلبط و نتلطخ 😹😹 واليوم كلو قضيناهو لطيخ تاني يوم رتاج الهمله ما مشت الجامعه قعدت في البيت و جاتنا تاصيل و عمو ياسر طبعا ولا نزلت ليهو علشان عارفاهو ح يشغلها لي طلع لي فوق السغيل😹😹 قال لي اووو بيان العروس الخفيفه😂💔 قلت ليهو توته لمي راجلك دا 😒😒قال لي انتي بي شكلك دا ح تخلينا ما نعزم زول في عرسك لانو حتفضحينا و تشرطي عينا لانو انتي العروس الخفيفه العامله زي كيس النايلون الطاير😂😂 قلت ليهو عمو ما تخليني ازعرد ليك هسي تلب من شباك حياتي😹😹 قال لي ابيت😛😛 رتاج قالت ليهو خلاص هاك تعال امسح ليك وشك علشان تطلع ناير😉😉 قال ليها شوف دي عليك الله زحي مني كدا ولاكدا يا بت هوي زحي😑😑 رتاج جاده بت امي شايله العلبه وماشه عليهو وهو راجع حركه وره بعد مسافه رب الباب قفل في وشو 😂😂اتاري هي كانت بطلع فيهو من الغرفه من دون نا يحس 😹😹قال ليها اصبري لي يوم معاك يا سجمانه انتي 😑😑قالت ليهو مرتك قاعده هسي بنحرشها عليك 😂😂 هو نزل تحت و نحن قعدنا نتونس المساء طلعنا مع سيف مشيت اشتريت لي فستان لونو اسود فااااري كدا حلووو و اتصلت حجزت لي مكب ارتست من بحري واتقت مع امي انو امش بيت ناس توته البس هناك لانو الخطوبه في بتنا وكدا و ماما ظبطت ليك الببت دا مع نسوان الحي دا ظبطه لمن بهناك😍😍و طبعا ما جونا اي نسوان من اهل العريس لانو اصلا يوم الغداء داك طلعو جو علشان يشوفوني لانو خالتو تيجان كانت بتفتش عروس لي ولدها😂😂اتصلت علي اسراء وباركت لي وقالت لي انو الخطربه ح يكون في صاله ستي هول و اعتزرت لي انو اخوها ما اتصل لحد هسي لانو بره البلد استغربت انو هو امس كان معاتا والليله برا البلد 😳😳.... نقيف هنا ونشوف الباقي في البارت الجاي ان شاء الله 😊😊
استمخووو......😎😎
