مشينا محل في الرياض كدا فيهو ناس سمحين سماحه😻😻تحت نادي و فوق محل ملابس قلت ليهم مام ما بنزل معاكم هنا مستحيل 😿💔رتاج قالت لي هه العويره دي محسيساني انو انتي الوحيده الحايمه من دون طرحه 😒😒قلت ليها رتاج ما تشليني مام ما بنزل😭😭 قالت لي بي راحتك يا زوله اقعدي كدا خلاص😒😒 سيف قال لي انا حدي معاكم تحت بقعد و انتو امشو اشترو و ارجعو و ادا اريج المحفظه كلها 😂😂قالت ليهو دا شنو دا 😳😳قال ليها ح تشترو بي شنو😅😅 قالت ليهو لا يعني ليه المحفظه كلها ممكن تديني ميتين تلتميه ما اظن تكون في طرحه اغلي من ميه و خمسين😅😅قال ليها شوفي يا السمحه انا ما بعرف في الاسعار انتي شيليها و اشتري كل العايزاهو و حاسبي ولا اقول ليك اجي احاسب انا انتو شيلو العايزنو 😊😊رتاج قالت ليهو لالا ماف داعي😅😅 قال لي رتاج ما تتعاوري كتير انا كم مره قلت ليك لازم تكسري الحواجز دي و بعدين انا عايزك لي قدام بي طريقتك دي ح نعيش مع بعض كيف 😒😒قلت ليها راجل الهنا يا يمه 😂😂روجي قلت لي ربنا يحفظو لي🙈🙈 قال لينا بطلو كلام علشان ما تتاخرو😉😉 قلت ليهو مام ما نازله😭😭 رتاج قالت ليهو اقول ليك شي ارح شارع النيل بلا لعب معاها 😪😪قلت ليها لالا اصبري خلاص ارح نزلت و طبعا الشارع ملان شباب و بنات و كلهم بعاينو لي😭😭 بجامه و عبايه من دون طرحه و شبشب بيت و كعكتين عليك الله ما ليهم حق يعاينو ؟؟!😹😹المهم مشينا طلعنا فوق اشتريت لي طرحه عنابي علي لون شبشبي و ازيج اشترت ليها طرحه مشجره ولقتهم عاملين نظام بازر بتاع عطور رجاليه اختارت احلا واحده و اشترتها من حسابها و نزلنا ركبنا في العربيه😪😪 سيف قال لي رتاج دا شنو😉😉 قالت ليهو ما بخصك هديه لي وجدي راجل اختي😛😛 قال ليها بالنسبه لي انو بقيتي تشتري هدايه بي حسابي من هسي😂😂 قالت ليهوو بالنسبه لي انو انت قلت لي اكسر الح اجز مع انو ماف زول هبش حسابك الا طرحه بيان من حسابك😊😊قال ليها وانتي😳😳 قالت ليهو اشتريت بي قروشي 😌😌قال ليها بث ليه 😒😒 قالت ليهو كدا بث 😌😌 قلت ليهم ح تتكلمو كتير ولا ح نمش 😂😂قال لينا يلا بينا نمش مشينا شارع النيل هم نزلو قعدو جمب البحر و انا قعت في العربيه باكل في طبق البوظه السكتوني بيهو دا 😹😹اي علشان ما اقعد في نصهم زي لصقه جابو لب طبق بوظه من مولر 😻😻 بعد كملتو نزلت وبقيت بتمشي في الشارع سمعت لي صوت شافعه بتبكي تبعت الصوت شفتها في عربيه كانت وقفه و بتضرب في الشبك بي يدها😿💔 بث شكلها قاعده براها حلاتها شديد جضوم وشعر و لون ماشاء الله سكره😻😻قلت يا ربي امش اشيلها تاني قلت لالا ما ناقصه لي مشاكل هسي اهلها ليجو ليعملو لي سين و جيم 😪😪 مشيت خطوتين تاني رجعت ما قدرت اتحمل فكره اخليها وهي صغيره و بتبكي يعني عمرها بجي سنتين كدا مشيت تاوقت في العربيه لقيتها فاضيه 😪😪 فتحت الباب اول ما شافتني سكتت قلت ليها اسمك منو يا حلوه😻😻 قالت لي ماماااا قلت ليها وين ماما😹😹 قالت لي انااااا😐😐 قلت ليها عايني لي يا كتكوته وين ماما وبابا😅😅 قالت لي باباااا😐😐 قلت ليها اي بابا 😉😉قالت لي مامااات 😐😐قلت ليها اها وين😟😟 قالت لي انااا....😐😐ما عرفت اعمل شنو شلتها قعدت تضحكز😹😹 وااي انا من خدودها قربت اقرمها 😻😻بقت بتزكر يا ربي البت دي شفتها وين انا بث ما عرفت 😅😅بقيت بلعب فيها جبدتني من شعري و نكشتهو لي زياده ما هو منكش😂😂 فجاءه سمعت لي صوت واحد قال لي هوووي انتي بتسوي في شنو بي بتي😑😑 اتلفت و عاينت ليهو مسافه زي البعرفو بث ما اتزكرتو 😢💔قلت ليهو ولا شي بث لقيتها بتبكي ومامعاها زول علشان كدا شلتها اسكتها 😅😅قال لي امممم بث غريبه انا سكته معاك و بتلعب 😊😊قلت ليهو ماشاء الله ربنا يحفطها حبيتها شديد 😻😻قال لي وهي زاتها اتكيفت ليك لو ما اتكيفت ما كان لعبت ليك بي شعرك 😂😂قلت ليهو عزبتني عزااب نكوشه دي 😹😹قال لي خلاص جيبيها 😅😅قلت ليهو لالا خليها كيووت يااخ بالمناسبه اسمها منو😊💝قال لي ريناد😊😊 قلت ليهو الله اسمها حلو ربنا يحفظها ان شاء الله تكبر و تشيل اسمها 😻😻 قال لي امين يا رب 😊😊قلت ليهو نحن اتلاقينا قبل كدا؟؟!😅😅 قال لي يمكن بث ما متزكر والله😊😊 قلت ليهو امممم ولا انا يمكن اكون مشبه😅😅 شكلها طالعه بتشبه امها بالمناسبه امها وين 😊😊دنقر و ابتسم ابتسامه حزينه كدا 😪😪وقال لي اتوفت الله يرحمها😔😔 قلت ليهو سوري ما كنت عارفه ربنا يرحمها ويجعل مثواها الجنه 😭😭قال لي عادي ولا يهمك اصلا من وين كان ح تعرفي 😅😅 ارتاج جات نادتني قالت لي بيان يلا 😊😊 قلت ليها اوكي لقيت البت امت في حضني بي مزاج ادبتو بتو براحه علشان ما تصحه 😍😍و عندي فيونكه كدا كنت مركباها في راسي فكتها و ركبتها ليها و بستها و قلت ليهو يلا قال تشكري😊😊 قلت ليهو ولو العفو وبعدين انا المفروض اشكرك انك سمحت لي العب بي بتك😹😹 قال لي بالعكس كونها قعدتي معاها و خليتيها رايقه كدا لمن نامت دا براهو انجاز 😂😂يلا ودعتو ومشيت رووجي قالت لي دا منو القرص دا😍😍 قلت ليها ما بعرف 😅😅قلت لي كيف يعني ما بتعرفي يا بت جابت ليها غتاته كمان 😒😒 قلت ليها بحكي ليك بعدين هسي خلينا نمش😉😉 ركبنا وسيف وصلنا البيت دخلنا في الحديقه عاينت للساعه لقيتها 9 وحاجه قلت لي اريج الليله سجمنا بشردونا من البيت انتي عارفه كدا 😭😭 قالت لي خوافه كدا مالك معاك معلمه 😉😉 دخلنا لقيتا امي وابوي في وشنا في الصاله و بعاينو لينا انا خلاص قلبي وقف قلت خلاص ح يعلقونا في السقف😂😂 ابوي عاين لينا من تحت النظاره مسافه و رجع يقرا في جريتو 😪😪 امي قالت لينا دا شنو التاخير دا رتاج هووي زولك دا كن داير خلي يجي يعقد و بعد داك طيرو السماء الاحمر بث هسي ما عندنا لق كتير😒😒 طبعا انا عاينت لي روجي كدا بي صدمه معقوله تكون حكت لي امي 😱😱 ابوي عاين لي كدا قال لي ما تعايني ليها اي رتاج جات و حكت لينا و سيف زاتو اتكلم معاناو دربها مرق فضل انتي تورينا اتجاهك علي وين 😒😒 قلت ليهو اجي يا حاج اتجاهي كيف علي وين اكيد علي غرفتي و جريت جري خليتهم😹😹تاني يوم جامعه و بعدو جامعه ايامي بقت ماشه كويس وما كويس دخلت علي فتره حقت امتحانات سنه 😪😪 ادرشت فيها فل يومي كلو بقرا بعد خلصت امتحانات مشينا زياره لي ناس حبوبه كدا قيلنا معاهم و قضينا وقت حلو ونسه حبوبه و عماتي وعمو ياسر و توته 😍😍 و بعد داك رجعنا البيت طبعا عارفين ملل الاجازه انتو طلعات مره مره اليوم كلو في الجوال او التلفزيون غيتو الحمد لله😪😪 مرات بصير بفرق لي و روجي من الجامعه لي خلط من الخلط للنوم من النوم للجامعه😪😪 بقيت حاسه بي فرااااغ كبييير جواي عايزه املاهو😭😭 لاحبيب ولا خلطه ظابطه المشكله ما في انو ماف زول دايرني المشكله انو انا فكره العلاقات دي ما واقعه لي و اي علاقه بدخل فيها بكون عايزه امسك بيها زمن ما اكتر 😪😪 المهم يوم مشيت لقيت ابوي شغال في الصاله عندو ورق كدا و شغال في الكمبيوتر قلت ليهو بابا حقي انا 😻😻قال لي حبيبتو انتي😍😍 قلت ليهو بتعمل في شنو😅😅 قال لي براجع في مستندات الشركه😊😊 امي جابت ليهو الشاي و قعدت جمبو وانا قعدت في رجل الكرسي قلت ليهم بالمناسبه😅😅 امي قالت لي احكي😊😊قلت ليهم انا زهجت ياخ ارح نعمل لينا رحله ولا حفله ولا حاجه كدا تغير جوو 😹😹 ابوي قال لي عرسي طيب تحلي زهجتك و تغيري لينا جو😎😎 قلت ليهو يا الله عريس 😂😂امي قالت لي كن علي العريس هين لاكن هسي نجيبو ليك تقومي تنطي😏😏 قلت ليها بري و الله ما بنط بث انتو جيبو 😌😌ابوي قال لي كلام رجاال؟؟!😏😏 قلت ليهو وهو من متين انا بقول كلام نسوان😂😂 لاكن ما تجيبو لي عريس اي كلام 😌✋امي قالت لي ما تجيبيو انتي زي رتاج😂😂 قلت ليها انا لو كنت بعرف لي زول نافع كنت جبتو من غير ما اتلفت المهم انتو اختاروهو بث يكون وجيه و عندو قروش و محترم وانا ما عندي مانع😻😻ابوي قال لي عديله تب جهزي نفسك من هسي جمعه او جمعتين بالكتيره بتكون مخطوبه😉😉 امي قالت لي يا بت ابوك دا معارفو كتار ما تدبسي نفسك سااي احسن ليك انسحبي😂😂 قلت ليها هو انا لاقيه خلي قال انسحب😹😌 و شلت كوبابه شاي و طلعت فووق...😌✋ نقيف هنا و نشوف الباقي البارت الجاي ان شاء الله 😎😎
استمخووو......😌✋
