نزلت و دخلت البيت وراهو طبعا هو فيله طابقين بث مباااااااالغه بالجد مبالغه حاجه كدا فضيعه نجف و اثاث فظيع زي القصر ماشاء الله 😻😻 مفروشه فرش قمه الفخامه عاينت يمين و شمال ما شايفه اللتخه دا😑😑بقيت بنادي ليهو قريب ربع ساعه انا بنادي عليهو وحايمه في البيت دخلت المطبخ طبعا حاجه كدا فظيعه قلبي قال لي ابدب اطبخي فيهو من هسي ياخ روووووعه 😍😍 بعد داك شفت كل الغرف التحت ما لقيتو طلعت فوق وانا بكورك ليهو اول باب وقعت فيهو عيني مشيت فتحت لقيتو في وشي لابس ليهو بشكير و شعرو مبلول واي انا قلت ليهو معليش ما كنت عارفه انك في الحمام جراني من يدي و دخلني الغرفه وقفل الباب و اتكه عليهو بي يدو وملامحو كدا ملامح قضب كدا و زهج وشي كدا ما بتفسر و قال لي في شنو بتكوركي مالك😤😤(بي نهره) سكت ما رديت ليهو لانو اسلوبو غاظني😪😪 قال لي هسي اتبكمتي يعني و حسك راح😠😠 قلت ليهو لو كنت سألتني بي زوق كان رديت ليك😑😑 قال لي يلا انا ما عندي زوق فعلشان كدا ما ترجي مني تعامل فاهمه😡😡 طبعا اتخلعت قلت ليهو طيب هسي انت فاير كدا ليه فهمني عملت ليك شنو انا😿💔 قال لي ولا شي ولا ح انتظر انك تعملي شي لانو ما طايقك وبطني طامه منك😑😑 قلت ليهو اكسيكيوزمي و طيب معرسني ليه😕😕 قال لي والله انا لو علي ما كان عرستك اصلا😪😪 قلت ليهو يعني افهم انو انت هسي معرسني علشان تزلني يعني😳😳 قال لي لا والله ما رعرستك علشان ازلك ولا غيرو كل الموضوع انو انا ضحيه زيي زيك و الحصل كلو كان بالغصب فهمتي 😊😊قلت ليهو شنو شنو ضحيه شنو و خروف شنو و غصب شنو يا ود الناس اتكلم عديل 😱😱 مشي فتح الدولاب طلع ليهو برموده زيتيه و فنيله بيضاء اكمامها كامله لونها كبدي و شبشب خفيف لونو اسواد وجا داير يطلع من الغرفه😪😪 مسكتو من يدو و قلت ليهو انا بتكلم معاك علي ما اظن😤😤 قال لي وانا ما عندي مزاج ارد ليك اظن😊😊 قلت ليهو عفوووا؟؟! انت عندك مرض نفسي ولا حاجه لانو ما من الطبيعي تكون قبيل ببتعامل معاي بي طريقه وهسي بي طريقه يا تديني تفسير منطقي واضح لانو انا لا فرضت عليك نفسي ولا كنت بعرفك وفجاءه تتعامل معاي كدا 😤😤قال لي طيب عايزه تفسير منطقي مش؟؟! طيب يا ست البنات نحن زواجنا دا مجرد صفقه ما اكتر 😊😊 قلت ليهو صفقه؟!! 😳😳قال لي شوفي هنا يا بت الناس الفتره الفاتت دي ابوك مره بي ازمه ماليه و كانت شركتو علي وشك تفلس و دخل في ديون وما كان راضي زول يساعدو وقدر ما ابوي اتكلم معاهو ابوك رفض وابوي كان شايل همو عمي فؤاد اقترح فكره واحد من اولاد النصري يعرس بت وجدي ويعملو اتحاد في الشركه وكدا يرفعو الشركتين من دون ما تتاثر سمعه اي واحده فيهم في السوق و ابوي اتكلم مع ابوك قبل يشاورنا و كان عايزك لي خيري علشان تساعديهو في تربيه بتو ولمن خيري عرف قلب الدنيا فوق تحت و رفض وابوي كان محرج يقول لي ابوك و...😪😪 قاطعتو قبل يتم كلامو و قلت ليهو فقام لصقوني فيك انت 😭😭 قال لي عليك نور وانا زهجت من كلامهم الكتير قوم عرس قوم عرس ف وافقت 😊😊طاخ لصقت ليهو كف قلت ليهو عارف انك انسان حقير و اناني علشان مصلحتك ح تضيع مستقبلي😭😭 قال لي ما انا الاناني يا حبيبه الاناني ابوك انتي الباعك زي قطعه ارض علشان مصالحو الشخصيه😑😑 قلت ليهو انت واحد تافه😭😭 قال لي انا تافه علشان ما حبيت ابوك يتحرج ولا كنت عايزه اهلك بعد قالو ليك اتخطبتي تاني يجو يقولو ليك العريس رفض يعني ولا تافه علشان ما كذبت عليك و كنت واضح معاك من الاول لو كان زول غيري كان استغلك وبعد ياخد العايزو منك حتي يقول ليك الحقيقه و يرميك زي الكلب الميت😊😊 قلت ليهو كان اخير لي ميه مره يقولو لي العريس رفض من انو اعرس واحد تافه زيك وما عندو زره احترام😭😭قال لي شوفي السيناريو الدرامي دا و دموعك ديل ما ح يفيدوك علشان كدا احسن امشي جهزي شنطتك لانو طيراتنا بعد نص ساعه😊😊قلت بالجد انت شايف انو دموعي دي دراما شايف مشاعري الاتكسرت سيناريو انت شنو فهمني بث انت شنو ما عندك احساس؟؟!😭😭 قال لي احيانا الحياه بتجبرك انك تتخلي كل كل حواسك و عواطفك علشان تقدر تعيش و كمان الناس الفيها بجبروك تعيش كدا 😊😊قلت ليهو تصدق انك احقر بني ادم شفتو في حياتي😭😭 قال لي تصدقي اني ما بني ادم اصلا علشان كدا اتعودي 😊😊قلت ليهو انا مستحيل اقعد معاك دقيقه فاهم😭😤 قال لي انا ما عندي مشكله ممكن اطلقك هسي لو دايره بث يا ربي الناس ح تريحك ههه ح تلقي اول عنوان في الجريده و بالخط العريض بت رجل الاعمال المشهور هي العروس اللذي تطلقت يوم زفافها ولا رايك شنو 😊😊قلت ليهو طلقني لانو انا اصلا ما البهمني كلام الناس فاهم 😡😡قال لي امممم طيب امك و ابوك يا ربي ح يقولو نفس الكلام فكري فيها بي عقل علي العموم انا هسي طالع اجهز في الغرفه التحت في الوقت داك ممكن تمشي تجهزي و تفكري في الموضوع علي رواق 😊😊 قلت ليهو اجهز؟؟!😿💔 قال لي طيارتنا الساعه 3 ولا ما حابه تسافري😊😊 قلت ليهو اتفو عليك بعد دا دايرني اسافر معاك شهر العثل 😭😭قال لي اولا شهر العثل دا للعرسان الجد جد😉😉وبما انو نحن عرسان اسم ساي ممكن تقولي عليها فسحه وتغير جو😊😊ولو ما سافرتي تكوني عملتي خير لانو انا بصراحه ما مرتاح بالعيشه معاك وقدر ما حاولت اتعامل معاك لقت نفسي مخنوق وانا ما مجبور اكذب عليك ولا حابي اظهر معاك كتير و طلع من الغرفه خلاني 😭😭قعدت في طرف السرير و انا ما حاسه بي روحي بقيت ببكي بهستريا 😭😭 ببكي بي حرقه ليه انا عملت شنو غلط علشان اعرس بالشكل دا😭😭 اي انا كنت دايره اعرس عرس تقليدي بث ما كنت قايله حظي ح يطلع كدا 😭😭 قريب الربع ساعه انا ببكي 😭😭معقوله يا ابوي تبعني علشان القروش معقوله عرس بتك بالنسبه ليك يكون صفقه 😭😭 قمت ومشيت وقفت قصاد المرايه وبقيت بشوف في الحنه و السودت عيشتي و توب الجرتق بقت بقلع في الدهب و الاكسيسوار وقطعت السلسل و كسرت الاساور و قلعت توب الجرتق جدعتو في العرض و كسرت كل شي قدامي وقعدت اضرخ 😭😭 بعد داك جريت الحمام غسلت وشي من الميك اب و وقفت تحت الدوش بي هدومي مسافه وانا مغمضه عيوني لي لحظه قرفت كل شي حولي و كرهت كل حاجه كانت حلوه في حياتي اتهزت ثقتي في كل شي بقيت بستغفر بث و بدي ربنا يرشدني للي طريق الصاح😭😭 بهناك فهد دخل الغرفه التانيه لبس رتب شنطتو و طلع قعد في الهول لحد الساعه 3 صباحا رسل لي رساله قال لي مواعد الطياره جات ح اخت ليك مفاتيح البيت في طربيزه الهول عاينت ليها كدا اصلا الوكت داك انا كان لبست لي بنطلون جنز كحلي و توب كت حلاوي ساده و جكت بدله اوف وايت و داك يا الكعب الاوف وايت😻😻و الشعر دا جبتو بالجمبه وظبطتو ليك بالمكوه سريع سريع و ديك يالساعه و العطر و سلسل شكل جنزير و مطبقه حلاوي دخلت فيها جوالي وجوازي و اوراقي😌😌 و عملت لي ميك اب خفيف و نزلت لقيتو هو كان جاري شنطتو وماشي علي الباب قلت ليهو ما تنسي تجيب لي شنطتي من فوق😊😊 وقف اتنح فيني مسافه 😹😹قلت ليهو في شنو بتعاين لي كدا مالك😊😊 حكه حاجبو بي يدو وقال لي اممم الظاهر انك قررتي تسافري معاي😅😅 قلت ليهو لالا ياخ يعني ح اكون ماشه اودعك مثلا اكيد مسافره وبعدين انا ما ماشه معاك انا ماشه افسح نفسي و اغير جو ولا مش دل كان كلامك😊😊قال لي و بي شكلك دا 😕😕 قلت ليهو مالو شكلي عيبو لي ولا دقيقه انت منو اصلا علشان تدخل في شكلي ولا استايلي 😊😊 عاين لي مسافه و طلع فوق يجيب الشنطه في الوقت داك انا كنت قعدت في كنبه الفي الهول و خلفت رجلي جا نازل وهو شايل الشنطه قال لي يلا علشان زمن الطياره قمت قدامو و طلعت مشيت ركبت في العربيه هو دخل الشنط وقفل البيت وجا دور العربيه واتحرك انا ركبت سمعتي وقعدت اسمع اغاني باعلي صوت علشان ما اركز معاهو 😪😪لحد ما وصلنا المطار نزلت و لا اتكلمت معاهو وهو نزل بعدي طلع الشنط و لحقني دخلنا صاله المقادره وطبعا انا بتصرف بي برووود كدا ما طبيعي و ماشه قدام كأني رجله اعمال 😌✋(سيده اعمل هوي بلا سيده بلا سيده عجباني رجله انتو مالكم😹😹) وهو البدقارت بتاعي بعد وزن العفش و كمل كل الاجرات طبعا انا اول ما دخلنا الصاله سلمتو الجواز و عملت ميته 😂😂جا قال لي يلا ارح بالبوابه ديك 😒😒قلت ليهو بالمناشبه الرحله علي وين😊😊 بث جرس المطار داك رنه و البت قالت يرجا من حضرات ركاب طائره طيران الامارات رحله رقم ..... المتوجه الي لندن هثرو التوجه نحو البوابه .... قال لي اظن وصلك جواب سؤالك 😊✋ قلت ليهو ومن زول يفتح انفس كمان و مشيت علي اتجاه البوابه وخليتو واقف بفكر يا ربي دي ماله دي😂😂 دخلت الصاله
وقعدت في الكرسي منتظره البص يجي في مرا كبيره كدا وراي عاينت لي والحنه في يدي قالت لي انتي شكلك عروس😊😊 عينت ليها مسافه وقربت اقول ليها لا بث شفت فهد جاي من بعيد قلت ليها بصوت واطي اي موتي كان الليله😪💔 قالت لي قلتي شنو خالتك اضانا تقيله يا بتي😅😭 قلت ليها قلت ليك عرسي كان الليله😅😅 قالت لي ماشاء الله الف الف مبروك ان شاء الله تتهنو ويا بختو راجلك بيك والله اخد بت السرور يا يمه😻😻قلت ليها تسلمي خالتو الله يبارك فيك😊😊 قالت لي ربنا يحفظك ويغطيك😍😍🙇 قلت ليها جمعا يا رب فهد جا وقعد في الكرسي الجمبي و بقي شغال بي جوالو المرا قالت لي دا راجلك 😍😍 قال ليها اهلا يا خاله قالت ليهو اهلين قلت ليها اي ياهو فهد راجلي وعينت ليهو كدا😒😒 قالت لي ماشاء الله ولد السرور يا يمه خلقه واخلاق في قلبي قلت ليها دا ولاده الندم و اكل الشحم 😪😪 قالت لي ربنا يخليكم لي بعض حلون ما شاء الله 😊😊 فهد قال ليها تسلمي يا خاله دا من زوقك😊😊 المرا جاتها بتها كبيره كدا و اتلهت بيها و نستنا انا طوالي في الوقت داك وركبت سماعاتي و بقيت اسمع اغاني حماسيه عسي و لعلي اقدر اتماسك و احافظ علي انطباعي القوي لحد ما القي حل للمشكله دي😪😪فجاءه جا زول فصل لي السماعه عايت لقيتو دا اللتخه دا😑😑 قال لي ممكن اعرف تصرفاتك دي معانا شنو ولا دا هدوء ما قبل العاصفه 😕😕قلت ليهو لا دا نوهائي ههه عاصفه شنو انت البتتكلم عنها دي😊😊قال لي طيب دا شنو البرود الفيك دا ورفع لي حاجبو ما صره استفهاميه 😕😕(يلا طبعا هو طبيعي بكون صاري حتي هو بضحك ما تسالوني كيف دي بث بالجد هو كدا بتحسو انو صارم ياخ😪😪 ) خلفت ليهو رجلي و شبكت يدي و شديت بيهم ركبتي و بقيت بدور في اصابعي قلت ليهو اممممم يمكن دا رده فعل نتيجه لي استوعابي للوضع 😌✋ قال لي قصدك شنو من دون فلسفه لو سمحتي والفي راسك شنو بالظبط😪😪 قلت ليهو يا سيد من الاخير كدا كل شي قسمه و نصيب وانا كزوله مؤمنه بالقدر ما ح اتعارض علي حكم ربنا وامتحان رباني و بعدين كن زعلت ولا خليتو الحصل حصل و ماف طريقه للرجعه حتي ولو انتحرت عديل فشنو ح اتاقلم علي الوضع و بعد سنه نطلق واي زول فينا يشوف حياتو وين رماف داعي للاساءه 😊😊قال لي اممممم واذا انا ابيت اطلقك😏😏 قلت ليهو لا يا سيد ح تطلق لانو الموضوع ما علي كيفك وكن مع عجبك بخلعك كدا واه👻💔و الموضوع ح ينتهي قال لي تتخيلي خفته خلعته تاني زي دي و بشكلك دا ح تتارملي مش تتطلقي 😂😂 لاكن واثقه من نفسك زياده يبدو لي😏😏قلت ليهو الثقه في الله وبعدين زي ما قلت عرسنا مجرد صفقه ولكل صفقه شرووووط عليم علي شروط دي بي خط احمر😊😊 قال لي هههه واها شروطك شنو بلاي😂😂 (يلا قربت انبرش ليهو في ضحكتو بث اتزكرتي بدلتي ومركزي و هيبتي ما صح ما صح ياخ😎✋ )قلت ليهو اولا ما عندك اي حق تدخل فيني😊😊 قال لي انا اصلا ما فاضي ادخل فيك بث ما عندي بنات بلفن في بيتي لحد الساعه 9 فاهمه 😒😒قلت ليهو يا راجل 😑😑قال لي يا مرا 😑😑قلت ليهو سنه و حطلقني 😊😊قال لي و طلاق تلاته لو دايره بث كمان لحد ما السنه دي تتم زي ما انا ح اصرف عليك انتي ح تمسكي البيت زي بيتك 😊😊قلت ليهو اي زول فينا حيكون عندو غرفه براهو اياااك تخش عرفتي من غير ما تستازن😑😑 قال لي وليك طابق كامل يا ستي بث انتي كمان ما عندك اي صلاحيه تمدي يدك علي حاجه بتخصني 😊😊 قلت ليهو ما عندك علاقه بي صحباتي و لا تحاول تتونس معاهم علشان ما يتكلمو معاك و يسالوك اسيله كتيره ما ليها اول ولا اخير😊😊قال لي ممنوع تجبي اولاد اي كان البيت مفهوم😑😑 قلت ليهو لا بلاي قايلني وحده لافه 😤😤قال لي هو احترمي نفسك و ما تعلي صوتك😡😡قلت ليهو يا شيخ لمن تحترم نفسك في كلامك معاي اول😑😑 قال لي خلاص شروطنا خلصت صح اتفقنا 😒😒قلت ليهو اتفقنا😌😌 المره الورانا قلت لينا انتو جادين انكم عرسان؟؟!😳😳قلت ليها لالا بنمثل تتخيلي 😊😊قالت لينا طيب الباص جا علشان ما يفتكم يلا مشينا ركبنا الباص😂😂 ..... نقيف هنا و نشوف الباقي في البارت الجاي ان شاء الله 😉😉
#ابقو كتار يا جماعه القصه ياداب بدت تسخن 😹💔
استمخووو..... 😎😎
