رواية #في_الحلم
( خيال ممزوج بلواقع )
للكاتبة #شهد_الطاهر
الرواية بلهجة الليبية
حلقة 1 ❤️
🔥
في الدنيا هادي فيه هلبا اخطاء تكون مقصودة ومرات مش مقصودة لكن بعض من الاخطاء يدفع ثمنها ناس ابرياء ماليهمش اي ذنب يولدو بش يعيشو حياة هي نصيبهم.
ولدت ونحطت في الميتم تستنى في امها تنقذها من اسم لقيطة بالصبر بالقوة بالتحمل بالتوكل ع الله !
تحملت قساوة حياتها دفعة ثمن غلطة كانت هي نتيجتها ...
-
في الحُـلم ♥️
🔥
البطلة نادين العمر 20 سنة 🖤
-
قبل 21 سنة ➡️
-
تسكن سعاد مع ماليها بحكم انها بنت قاعدة وبحكم انه جدهم حي فيسكنو هما وعمامهم جنب حوش جدهم كلهم فعندهم ارض كبيررررة الحياش جايين في النص لكن الارض الزراعية كبيرة هلبا ومعبية شجر من خيرات ربي كلها، كانت سعاد وبنات عمها ديما يديرو في شاهي في جنان العيلة وكان عندهم شجرة لوز في اخر الحوازة كانت تمشي تلقط بش يديرو بيه طاسة باللوز، كانت ديما سعاد الي تمشي، كانت ديما سعاد مش من فراغ ديما سعاد لا، لان سعاد تتسبل باللوز بش تتلاقا مع حبيبها الي ماحدش يعرفه كانت سعاد بنت وحدة ع سبعة ولاد وطبعاً كلنا نعرفو جيل قبل كيف متشددين بالعيب والعادات والتقاليد !
المهم كان حب سعاد لاشرف حب جنوني بس هوا كان يضحك عليها لعند في هذاك اليوم قاللها نتلاقو تحت شجرة اللوز في الليل بعد ما يرقدو خوتك وفعلا طلعت بعد ما رقدو العيلة كلها ع الساعة واحد في الليل المهم مشتله زي الهبلة ومن الثقة العمياء الي مفروض ليها حدود قعمزو هدرزو وضحكو لعند ما هي خلاص نعست لكن ما رقدتش ضعفت من تعب اليوم وبدون ارادتها، صار الي صار !
مشي هوا وسيبها متلوحة تحت شجرة اللوز من الصدمة لا عرفت تبكي ولا عرفت تضحك ولا عرفت تنوض ولا عرفت تقعد ما عرفت شي جمعت قوتها ناضت وقفت نفضت حوايجها وسلمت امرها لله وروحت وطبعا لما طلعت نقزت من الروشن وبرضو لما روحت نقزت من الروشن لدارها خشت دوشت وما قدرتش ترقد من الي صار كيف حتكون ردة فعل سبعة ولاد وبوهم هي شن دارت فكرت تقتل روحها لكن لا بيسمعو بينا الناس زمطتها وسكتت لبعد شهرين بدون ما تحس كانت تتوحم ع حاجات من غير ما تندري ما حستش بشي مش طبيعي لعند ما صارتلها اعراض واضحة اكتشفت انها حامل!
حامل بنادين !
معش عرفت شن بدير كيف بترقع كيف بيصير فيها للحظة وقفت بينها وبين نفسها "اني يصير فيا ما يصير لكن البيبي هذا شن ذنبه شن ذنبه يقتلوه" قررت انها تولده لكن ضروري ما تمشي بعيد ع خوتها قالت لماليها بتمشي بتقعد مع خالتها مريضة ما عندهاش صغار تمشي تعانيها شوية خالتها كانت مريضة هلبا فكانت ديما راقدة وهي تعاني فيها قعدت عندها لين ما بدت تحس بالمغص مشت لمرا وجابت نادين عندها خدت سعاد نادين في حظنها والدموع مالية عيونها وكان قلبها يوجع هلبااااا وقعدت تهمس لبنتها
أنت تقرأ
في الحلم ( روايات ليبية )
عاطفيةرواية #في_الحلم للكاتبة : #شهد_الطاهر . تدور الاحدات حول بنت لقيطة ( بنت غير شرعية ) تعيش في دار أيتام كافحت للوصول الي اصلها لتواجه أمامها شخص يقلب حياتها و يغير مسارها الي الحب
