في الحلم ( روايات ليبية )

حلقة 8

حلقة 8
-
محمد كان يسمع وتحطم نوعاً ما ، شن قصدها بخوي حتى اني البنت هادي خلتني نضحك من قلبي علاش دارت هكي باهي مدام اني خوها
اما عند اسماء بينها وبين نفسها ، اني لازم ما نتبعد ع محمد لان حيغيرلي فكرتي اتجاه الاولاد واني مانبيهاش تتغير لانه مانبيش نوثق في حد منهم " جنس ادم " لكن في حاجة غريبة صارتلي
محمد ، في حاجة غريبة تحركت في قلبي اتجاه البنت هادي
اسماء ، لا يمكن نكون حبيت
محمد ، حتى ع اسراء ما تحركش هكي
اسماء ، مانقدرش نحب اني
محمد ، حنصبر ايام لو حبيتها حنتزوجها طول
اسماء ، تي مستحيل يحبني خاصةً بدون اهل
محمد ، مالي ومال اصلها المهم هي
اسماء ، ياربي ياربي قلبي ضعيف احميه ياربي
محمد ، ياربي لو انت زرعت حبها في قلبي قويه وخليه يحميها ما يضرهاش
اسماء ، ياربي اني عبدك الضعيف وانت القوي
محمد ، ياربي انت القوي قويني لحبها ولحمايتها من طغيان الناس
اسماء ، اني المسكين احميني من حب خبيث
محمد ، وانت اعلم ما بالنوايا يا الله
اسماء ، امين
محمد ، امين
طبعاً هذا كلهم بينهم وبين نفسهم
-
اية : يا بنت
اسماء : نعم
اية : ماكلتك بتنحرق
اسماء : حيي عليااا
اية : عادي كان سرحتي في خوي
اسماء : اطلعي من راسي
اية : حييي يعني رسمي
اسماء : تعرفي كان ما تمشيش من قدامي الطنجرة في وجهك توا
اية : هههههههه مشيت مشيت ما تتعصبيش بسرعة
اسماء : دراه هي
جت اية طالعة لقت خوها واقف سكتها طول
محمد : اسكتي اسكتي بنقولك حاجة بيني وبينك
اية : هههه شنو
محمد : البنت مرتبطة ؟
اية : ههههههه هادي اعدائها جنس ادم اي حب بالله
محمد : مش مشكلة الاعداء عادي يعني
اية : الله الله لكن تبي نصيحتي البنت تهببل عسسل طيبة ونية هلبا وقوتها وتكابرها تصنع راه اني نعرفها وشفتها في هلبا مواقف غر ما تجبدش سيرة عيلتها تقعد زي ما عرفتها
محمد : شن بندير بيهم عيلتها اني بنتأكد من حاجة بس مجرد ما نتأكد حنطلبها ع سنة ربي ورسوله
اية : الله الله حتى هي يتيمة ؟
محمد : وكان بنت طاطاناكي اني بنتزوجها هي ولا عيلتها ؟ عادي اني في حاجة بنتأكد منها مجرد ما نعرفها طول
اية : امممم سيد الرجالة والله ربي يخليك لينا يا قلبي 🖤
محمد ابتسملها 🖤
خش للكوجينة لقي اسماء منسجمة في التزيين وكملت التطييب وغاسلة الماعين وسرح فيها كيف توتي لعند ما تلفتت
اسماء : ان شاء الله يعجبك بس !
محمد : يعجبني غصباً عني
اسماء تحشمت وضحكت : ههههههه صحتين ان شاء الله
محمد : اجمل من يخجل 🤤🖤
اسماء بتهرب : هي تصبح ع خيرررر
محمد : هههههه وانتي من اهلووووو
اسماء مشت وهي تضحك وخشت علينا في الدار سارحة متغيرة هلبا الحب وما يدير يا اخوان 🤤😂
ايمان : ماشاءالله قصدك لما تحبي هكي يصير فيك جيبولنا حد نحبوه مالا
اسماء : تعرفو كان ما تبطلوش  لا عاد نعرفكم ولا تعرفوني
اية : خيرك متحشمة عادي راه
اني : مرات حبك حتى هوا
اسماء : شن بيحب في وحدة بلا اهل !
اية : ترا بالله عليك اسكتي انتي والاهل متاعك بيحبك ولا بيحب اهلك هوا انتلفي من قدامي
ايمان : حتى انتي متخلفة زي الناس
اني : ههههههههه هلبا
اسماء : ايه ايه هوا بيتزوج ويقعدو يلوحو في الكلام وين مانمشي
اية : طنشي ماحدش اختار شن يكون
اني وايمان : ايه والله
اسماء : اطلعو من راسي بنرقد اني
وغطت راسها بالبطانية ايمان خشت تحت البطانية جتها مكالمة من الحب متاعها اما اني واية هدرزنا شوية لين رقدنا  وكمل اليوم ع خير 🖤 .....يتبع