حلقه ١٤ من الجزء الثاني من أوجاع القدر
بقلم🍀 زهرة الريحان🍀
قبل ماينزل شغله عدى علي بيت حماته وأمه هما الإتنين ساكنين مع بعض في بيت واحد مازن وهو في الكويت بعت فلوس لأمه اشترت بيها بيت كبير اوي علشان تقعد فيه هي وام قمر وأخواتها
ومازن وقمر عندهم بيت خاص بيهم وحدهم اشترو برضوه قبل مينزل القاهرة
خدها ودخل بيها عليهم
قمر اول ماشافت أمها طلعت تجري عليها بدموع وحنين واشتياق اترمت في حضنها ، من منظرها وطريقه اللي قبلت بيها أمها
أمينه حست أن البنت مش مرتاحه مع أبنها
منظر قمر ودخلتها عليهم ضيعت فرحه أمينه بابنها
من غير كلام بتبص علي لأبنها بلوم وعتاب
عايزه تقوله دي الأمانه اللي أمناك عليها
دي الوصيه اللي وصاك أبوها عليك
مازن كأنه فهم أمه عايزه تقول إيه ضرب بأيده بزهق علي رجليه عايزه بقولها :هي مش ناقصه سبيني في حالي أنا اللي فيا مكفيني
وقرب من أمه باسها وأمه بدلته بس مش بحرراه
بتنهيده ضيق مدايقه علي حالهم
ام قمر لقت بنتها بتشهق في حضنها من الدموع بخضه : مالك حبيبتى فيكي أيه
وبصت علي مازن بغضب : مالها يا مازن قمر
قبل حتي مازن ميتعدل عليها
قمر بسرعه وهي بتمسح دموعها : مافيش يا ماما ومازن ماله ، إنتي بس وحشاني
أمها عارفه ومتأكدة أنها بتكدب بس عديتها خدتها في حضنها وهي بتقول بعد مابصت علي مازن بصه قهر : تعالي حبيبتي سلمي علي أخوتك فوق
خدتها وطلعت علي فوق
وفضل مازن وأمه لوحودهم
بس قبل متنطق أمه بكلمه واحده وتعاتبه مازن بسرعه : عندي شغل يا أمي النهاردة أول يوم ليا في الشركه دي ادعيلي يا ست الكل
وسابها ومشي
أمينه ل نفسها هتفضل تاعب قلبي لامتي يا إبن بطني
******************
في الشركه
الكل علي قدم وساق
ترحيب برئيس مجلس الإداره الجديد
الا عشق اللي إتأخرت عن معادها بربع ساعه
قبل متطلع زين رخم عليها وكان مصر يروح معها الشغل
لولا عليا قالتله هوديك ليها حبيبي بس تفطر الأول
يلا قول لماما عشق باي
فعلا الولد سكت وهي مشيت
وصلت الشركه لقت دربكه جامده وناس رايحه وناس جايه
عشق بخضه : في إيه حصل إيه
السكرتيره اميره : في أنك اتأخرتي عن معادك ربع ساعه بحالها
وناسيه إن النهاردة عندنا إجتماع مع رئيس مجلس الإدارة الجديد
الكل قاعد مستنيكي ومستر علاء علي اخره
عشق : لا مش ناسيه بس ربع ساعه تأخير مش شغلانه يعني
بتقول كده وهي بتقلب في ورق قدامها
أميره بسرعه : هو انتي لسه هتراجعي الأوراق هنا
الأستاذ علاء طالبك والاجتماع واقف بسببك
عشق : يووووه خلاص داخله أهو
لمت الأوراق والتصاميم بتاعت المشاريع وداخله بيهم بعد ماخبطت علي الباب
اول اللي استقبالها المستر علاء ده شريك زي مازن بالظبط وهو اللي الأقدم كمان بس الشركه بتقع منه اضطر يدخل مازن شريك معهاه وبالنصيب الأكبر كمان
وعلشان مازن نصيبه أكبر بقا هو رئيس مجلس الإدارة
علاء : أهلا باش مهندسه عشق اتفضلي جيبتي التصاميم
مازن كان قاعد علي راس التربيزه بس لافف وشه الجه التانيه مش شايفها
مجرد ماسمع إسمها قلبه ارتعش واتاخد جامد
وأمل اتجدد وأمينه نفسه تتحقق بس خايف تخيب ظنونه خايف تكون مجرد تشابه في الأسماء
ببط جديد لف كرسيه المتحرك هنا كانت الصدمه ل
الإتنين
بمجرد ما شافته قدامها اتشقلب كل كيانها
الأوراق بالملف اللي كانو في أيدها وقعوا منها علي الأرض
كان أول واحد يقوم من مكانه مازن
وبتلقائيه وطي يلملها اللي وقع متها
بيلم وعيونه عليها هي واقفه جسمها متجمد ودموع لامعه في عيونها
وهو أيده بتلم وعيونه متعلقه بعيونها
عيونه بتقولها منستنيش يا عشق واكيد شغلك هنا مش صدفه
نفس المكان اللي كتير حلمنا نشتغل فيه مع بعض أكيد اتعمتدي تشتغلي فيه زي منا عملت المستحيل علشان اشتري الأسهم دى
منستنيش يا عشق ولا نسيتي أحلامنا
منستنيش يا عشق ولا نسيتي أمانينا
أنت تقرأ
اوجاع القدر 2
Romanceمقدمه أوجاع القدر كل شئ في الحياةِ أقدر و حبك هو قدري نعم ..فقدري هو عشقك يا نبض قلبي فإذا كنت حقا تحبني لا تترك يدي فكل شئ في الحياةِ بدونك لا يُهمني احبك وتحبني ولكن القدر يعترض طريقنا لا تترك يدي فحبك هو حياتي ودنيتي عشقك نبت في قلبي منذ مهد...
