الفصل الخامس 🌺 من الجزء الثاني
من 🍁أوجاع القدر 🍁
بقلم🍀 زهرة الريحان🍀
ام قمر : أنا يا أبني سمعت من أهل الحته أنك بعت العربية بتاعتك علشان عايز تسافر بعد امتحاناتك
مازن أكد كلامها : حصل أنا مسافر فعلا
أم مازن بتوتر وهي بتفرك في أيدها الاتنين
مكسوفة من الكلام اللي مضطره تقوله : بس يا أبني .......وسكتت
أصل يا بني .... وسكتت
أمينه : في إيه يا حبيبتي عايزه تقولي إيه لو قصدك على مصاريف قمر وأخواتها
متعوليش هم أي حاجة مازن مسافر يكون نفسه وأكيد مش هسيبكم ولا أنا متشغليش بالك من الناحية دي
ام قمر بسرعه : أنا مقصدشي ده أنا عارفه مازن أيوه عاتبه عليه ليه فتر مش بيجي ولا يسأل بس كل شهر بيبعتلي ظرف في مصاريف قمر وأخواتها كنت مستغربه الأول بيجيب الفلوس دي منين لما سألت قالولي باع عربيته
عرفت هو بيجيب الفلوس دي منين وكبر في نظري أوي ،،،،،، بس مش ده قصدي
الكل قاعد مترقب هي هتقول أيه
أم قمر بصوت متقطع متوتر : أنا أقصد قمر
محدش عارف أنك خطبتها يا أبني وأنك قولت عليها
أمينه : يعني إنتي عايزه تعملي خطوبه علشان أهل الحته تعرف وماله بس نخليها علي الضيق بينا كده علشان وفاة المرحوم اللي لسه معدش عليها أربع شهور
ام قمر بارتباك : أنا مش عايزه خطوبه
مازن بضيق واضح جدا : أمال عايزه أيه
أم قمر بارتباك : عايزك قبل ماتسافر تكتب عليها ،،،
وبجديه قالت : أنت عارف يا أبني إحنا ساكنين في حي شعبي وكلام الناس كتير
عايزك لما تسافر تكون قمر مراتك
بصراحة كده مش هائمن عليها غير معاك
بعد ماشفت شهامتك ووقفتك معانا بعد وفاه ابو قمر ،،، بصراحة كده مش مخلينا عايزين حاجة ،،،وانا مش هطمن ولا يهدالي بال غير لما تكتب عليها
أمينه بدهشه : إيه الكلام اللي بتقوليه ده
البنت لسه موصلتش السن القانوني للجواز
ام قمر : بنتي طول عمرها ملهاش في العلام وكانت بتاخد السنه في سنتين
لولا مازن الله يباركله ومساعدته ليها كان زمنها لسه في سنه ٣ إعدادي ماكنتش طلعت منها
بنتي سنها يسمح جدا يبقي إيه اللي يمنع
وبترجي كملت كلامها : ياريت يا أبني تنفذلي طلبي والكل يعرف أنها مراتك قبل متسافر
مازن :.......... ساكت
ام قمر : هاااااااااه يا أبني قولت أيه
مازن بتنهيده ضيق مخنوق مش قادر ينطقها : 《موافق》
أمنيه رغم أنها كانت بتشجعه علي أنه يتحمل المسؤلية ونتيجة اختياره
الا إنها أول ما شفته بالحالة دي قبلها وجعها أوي عليه
أبنها قاعد معهم بيتكلم بيبتسم .... بس روحه مفرقا بس هتعمل إيه كل شيء نصيب
اتفقوا علي معاد محدد اللي هو بعد الأمتحانات
بعد خروج مازن وامه خرجت معاهم ام قمر توصلهم لحد الباب وهي راجعه لقت بنتها
شارده وبتبتسم ...ماسكه خصله من شعرها بتلعب فيها ومش حاسه باللي حوليها وفي دنيا تانيه
أم قمر اتنهدت براحه كان حمل وأن شال من علي أكتفها : الحمد الله الموضوع عدي علي خير ووافق على كتب الكتاب
أنت تقرأ
اوجاع القدر 2
Romantikمقدمه أوجاع القدر كل شئ في الحياةِ أقدر و حبك هو قدري نعم ..فقدري هو عشقك يا نبض قلبي فإذا كنت حقا تحبني لا تترك يدي فكل شئ في الحياةِ بدونك لا يُهمني احبك وتحبني ولكن القدر يعترض طريقنا لا تترك يدي فحبك هو حياتي ودنيتي عشقك نبت في قلبي منذ مهد...
