الحلقه الثالثه
من أوجاع القدر 🌺
بقلم 🌿زهرة الريحان🌿
عند مازن
حالة كل يوم بتسوء عن اللي قبلها لا بياكل ولا بيشرب ولا بيهتم بصحته ولا بيروح كليته ولا حتي الواجب اللي ضحى بحب عمره علشانه بيقوم بيه أهمل كل شىء
وديما شارد الذهن مهموم حزين
أمه شايفاه بيموت بالبطيء قدامها
ومش عارفه تعمله إيه مش بيدها أي حاجة تعملها
من ناحية سلوي اللي سافرت بقالها أكتر من ثلاث شهور مش عارفه عنها حاجة ولا عارفه تتواصل معاها ،،،، سلوي مكانتش جارتها وبس لا كانت أكتر من أخت وعاشوا سنين عمرهم مع بعض علي الحلوه والمره
وبين ام قمر اللي دايما بتشتكي ان مازن مش بيسأل عليهم حتي درس قمر
كل ما قمر تجيله يتحجج بأي حجه ويرفض يقابلها
محتاره ومش عارفه تعمله إيه
راحت عنده
كان مازن في نفس المكان اللي بيقعد في دايما من ساعه سفر عشق البلكونه وعينه علي شباكها
أمينه بغضب مكتوم : لحد أمتي!!
إنتبه مازن لصوتها بتواهان قال : بتقولي حاجة يا أمي
أمينه بعصبيه : بقول حاجات يا مازن مش حاجة واحده
أولا كفايه قوعدك هنا يلا قوم انا هقفلها مش هفتحها تاني ابدا
أفهم بقي عشق مش موجوده هنا مش هتشوفها لو قعدت سنين مكانك هنا فوق بقا لنفسك
بتقول كده وهي بتشده من دراعه تدخله بقوة جو الشقه من البلكونه اللي بقيت ساكنه الوحيد
مازن بحزن : عايزه ايه يا أمي... عايزه أيه مني
أنا تعبان سيبني في حالي الله يخليكي
أمينه بحنان : كفايه يا حبيبي اللي أنت عامله في نفسك ده كفايه
أنت بايدك أخترت الواجب علي حبك
فين الواجب ده اللي سبت حبك عمرك علشانه ؟؟؟
أم قمر بتشتكي منك دايما.... لا بتروح والا بتسأل عليهم
ولو جت قمر تاخد درسها بترفض وتتحجج بأي حجه علشان متشفهاش
طيب ليه من الأول إخترت حمل أنت مش كده
ليه من الأول عشمت بنات الناس وروحت خطبت حتي من غير ماتقول لأمك
خليك مرة واحده قد المسؤليه
مازن بنهيار ودموع : أنا مش عايش يا إمي
مش عايش علشان أشيل مسئوليه
أنا بموت قدامك
امينة بعصبيه : محدش غصبك بايدك أخترت
فوق لنفسك كفايه..كفايه.. كفايه
أنت فاكر أني مش حاسه بيك .. لا أنا كمان بموت كل ماشوفك قدامي كده
ياريت بأيدي اعملك حاجة مش بأيدي
اليوم ده كنت شايله همه من زمان أوي وعامله حسابه وأهو جه وإديني متكتفه قدامك
وأنا شايفك بتموت قدامي وواقفه ساكته بتفرج عليك
طيب قولي لحد أمتي ؟ لحد أمتي هتفضل بالحاله دي
لا بتاكل ولا بتشرب وعلي طول حابس نفسك
حتي كليتك مش بتروحها
خليك راجل ولو لمرة واحده وتحمل نتيجة اختيارك
مازن بصوت مخنوق طالع بالعافيه : عايزني اعمل ايه
أمينة : تقوم بواجبك اللي أنت بنفسك اخترته واتمسكت بيه .... قمر
مازن قطعها بعصبيه جامده : خلاص أنا عارف اني انا الزفت اللي أخترت
مش كل شويه تفكريني (بهم ) أنا أصلا بحاول انساه
أمينه : ولما أنت مش طايق حتي تسمع إسمها
ليه من الأول يا بني ليه
هتكمل معاها ازاي بقية حياتك ،،، لما أنت شيفها هم ليه من الأول إخترت الهم ده
أنت تقرأ
اوجاع القدر 2
Romanceمقدمه أوجاع القدر كل شئ في الحياةِ أقدر و حبك هو قدري نعم ..فقدري هو عشقك يا نبض قلبي فإذا كنت حقا تحبني لا تترك يدي فكل شئ في الحياةِ بدونك لا يُهمني احبك وتحبني ولكن القدر يعترض طريقنا لا تترك يدي فحبك هو حياتي ودنيتي عشقك نبت في قلبي منذ مهد...
