حكاية خواتي (مكتمله)

مقتطف،

گاعده ومنتظره مصيري المجهول......او بلأحرى مصيري المعروف
بهذا اليوم راح ينكشف السر....
,
...السر الي جنت ضامته طول 17 سنه
بعد كل هالسنين اجه الوقت الي ينكشف وينعرف كلشي
مثل المحكوم بالقتل ....وينتظر الجلاد
شوكت يجي الوقت وينفذ الحكم بيه

احس جسمي صار مثل الخشبه والدم جمد بعروقي
شسويت بروحي
ليش اختاريت هالخيار واني اعرف كلش زين شنو مصيري ليش تصرفت بهالغباء

احجي ويا روحي وابجي ياربي ساعدني
جان عندي امل كلش جبير بأن الله قادر على كل شي
اذا راد يكول للشيء كن فيكون

گمت على حيلي وجسمي يرجف مثل السعفه
سمعت صوت اجه قريب ع الباب
مسحت دموعي ورجعت گعدت
وگلبي اسمع نبضاته بأذني

»»»»»»»»»»»»»»»»»»»»»»»،
مقتطف من قصتي الجديده
الي راح تنزل بعد مااكمل الجزء الثاني من قيود بين سلاسل الماضي
واشوف تفاعلكم بالمقتطف ومدى اصراركم عليها
اكثر من قصه واكثر من حدث

مختلفه تماما عن باقي قصصي

....خوف...وترقب...وانتضار...وفرح..كل هالأمور راح تعيشوها ويا هالقصه
اتمنى تعجبكم وترفعوها وتسوون منشن شكد متكدرون

ضيفوها للمكتبه مالتكم حته شوكت ماانزل يجيكم اشعار بيها