سامي عليك الله اسمعني ،، سامي حرام عليك ،، والله المرة الجاية بجهض لو طلعت بت ،، دي يادوب الولة التانية اصبر لي ،، خلاص اكتلني يا سامي وما تعرس فيني بس الضرة حاااارة ،، ااااه انا 😭😭 ...
جيلا بت ال 21 سنة بقت قاعدة في الواطا وخاته يديها علي راسها وتبكي بي طول حسها زي المات ليها زول ،، ماسكة بتها العمرها سنتين ونص بي يد ،، وشايلة البت التانية عمرها يادوب اربعة شهور ،، من شافت راجلا جا طالع متقندف وقاشر اخر قشرة والسبقة في الشعر مسبسبو والريحة تقول ياليل،، قامت تاني وبقت تترجي فيه امكن يسمعا شوية ويعدل عن فكرة العرس دي،،
سامي الله يرضي عليك اسمعني شوية انا اودي وشي وين من اهلي وناسي البعرفهم وانت عارف انا اتحديت الناس دي كلها فيك ورضيت اعرسك ،، جيلا خافت من شماته الناس بالذات صاحباتها وبنات جيرانهم القاطعتهم بسبب سامي وحاجات تانية بتعرفوها لي قدام،،
اوووف يابت الناس انا راجل ما بعيبني شي وداير لي سند راجل للزمن والراجل محللات ليه اربعة ،،انتي من هسي بديتي لي ولادة بنات ،، وبعدين لا انتي اول واحدة اعرسك ولا اخر واحدة حا تكوني ،،
مسكت في جلابيتو وكوركت فيه يعني شنو كلامك دا،،
كلامي واضح يا جيلا ،،
شديت علي جلابيتو بي قوة انت من هنا ما بتطلع الا علي جنازتي ،،
جراها شديد ودفرها من قدامو انا ما فاضي لي حركات النسوان دي ونقصان عقلهم وراي عقد والناس منتظراني اديتهم كلمة زحي يدك دي وسختي الجلابية ،، انتي قايلا الداير اناسبهم ديل ناس كشا مشا زيك ،، دي بت هاي لي يوم الليلة ما ادتني وش ما جرت وراي،، ابوها دا حاجة فوق ارتاح من الهم والغم الانا فيه دا بكرا تجيب لي المحمر والمقمر مالي ومال العواليق ياخ غوري من قدامي الله لا جاب باقيك انتي التانية ،،
قلت ليه وانت شنو ياخ انت اوسخ راجل في الدنيا دي ،،
جراني من يدي لما حسيتها ح تتكسر في يدو ،، وقال لي الزمي حدودك يا بت ال.... ولا احسن اسكت وانتي عارفة ماف داعي ازكرك بي وساختك مش امشي نضفي ماضيك وتعالي اتكلمي تاني عشان ما تتزلي اكتر ،، كتر خيري اللميتك بس عمر ال.... وسكت عاين لي بي استهتار كدا
وطلع مشي،،
جيلا بقت تبكي وبناتها في يدها يبكو،،
انا استاهل لاني قبلت اعرس واحد متزوج بتاع لف ودوران زي سامي ما سمعت كلام اهلي وعاندتهم وغلطه في مرتو لما طلقتها منو عشان ولادتها بنات ،، ياااه الدنيا دي دوارة بشكل ،،
بس وحات بناتي ديل يا سامي ما تشوف يوم حلو في حياتك وزي ما ضوقتني المر ،، انا حا اضوقك ليه سم ،،
استاهل انا لاني سلمتو نفسي من الاول خليتو يلعب بي ليدو يشلح فيني علي كيفو ،، وثقت فيه لما قال لي انتي مرتي ياخ كلها بوسة وحضن ماف زول بشوفنا ما تخافي ،، صدقتو وصدقت كلامو الحلو ونسيت نفسي وانا بين يديه ،، يوم بعد يوم بديت اتعود عليه وبترجاه بس عشان يلمسني ودا كلو بالسر ماف زول جايب خبري وانا بعد نص الليل بخليه يدخل اوضتي بدون زول يحس،، بعد اتاكد اني خلاص بقيت ليه فريسة سااااهلة يوديني يمين وشمال بدا يتزاوغ مني ،، وانا المسكينة الجاهلة ما قدرت اعيش بدونو بعد ضقته العسل معاه بقيت مستعدة اعمل اي شي بس عشان حضن وبوسة وقلة ادب تانية ،، لما في يوم قال لي صوري لي بتاعك ،، اول زعلت وهجت فيه ونبزتو وقفلت الخط فيه وقطعت علاقتي بيه اسبوع ،، رجع رسل لي رسالة وقال لي معناها انا ما راجلك وانتي ما بتثقي فيني وانا عملت كدا عشان اشوفك انتي بتحبيني ولا لا بس الظاهر اني حاجة تافهة في حياتك ...
قلبي وجعني شديد من كلامو وبديت احن ليه تاني ورسلت ليه رسالة انو واحشني بس اني ما بقدر ارسل ليه الصورة الطلبها دي،،
قال لي انا عايز اتاكد انتي مختونة كيف لانو مرتي ما لاقي راحتي معاها وخايف اقع في بت برضو عندها نفس المشكلة مختونة فرعوني عشان كدا طلبت طلبي دا بس انتي فسرتيه غلط ،، الله يسامحك،،
قلت ليه والله العظيم انا مختونة سنة،،
قال لي لالا معليش ما بقدر اصدقك الا اشوف انا اتمقلبت كمان كدا في مرتي لانها قالت نفس كلامك دا،،
المهم بي كلامو انا صدقتو فعلا وقلت ليه خلاص بصورو بس اوعدني تمسح الصورة،،
قال لي تكون كاملة وتعملي كدا وكدا وانتي زولتي وطوالي بعدها ح اتقدم ليك وعقد بس ،، طبعا فرحته شديد وصدقتو واتخيلت نفسي مرتو صحي وسرحته بي احلامي معاه وفي حاجات الشنطة والشيلة الكنت بتمناها وفي شهر العسل وكل الكلام الحلو الكان بقولو لي،،
وثقت فيه للاخر وعملت القالو لي بس دفعت هسي تمنو غالي اغلا من الاول لما بدا يبتزاني بالصورة تاني لما حصلت الكارثة....
