جوين:بابا م تمشي طيب؟😢
رسلان:حاضر يا بابا م ح امشي لكن انت وقف بكى.شوية شوية جوين نام باس راسه وعاين لي حولت نظري عنه شال جوين ختاه في سريره ونزل للاولاد تحت فضلت اعاين لجوين شوية وبعداك نزلت كان طالع خلاص قلت
لو سمحت😒.وقف وعاين لي بزهج وقفت على السلم وربعت ايديني قلت
اظن لي هنا عندك بيبي مستني يصحى يشوفك جمبه😊
رسلان:همم والله انا م فاضي ولدي لم يصحى ح اجي اشوفه.ادا الأولاد نظرة حلوة وطلع🌸قلت بإبتسامة
يا ماما يلا غرفكم.لحن وشمس طلعوا ولوسين جاتني جارية بوستها وطلعتها غرفتها قلت
ننوم حبة ي سوسو؟.هزت راسها بأي غسلت ليها ونومتها وفضلت اعاين لجوين وبتذكر الحصل بعد طلعت من الغرفة قبل 4 سنوات
لقيت رال وفراس بتونسوا وماما وخالتو هند بتكلموا ومعاهم لحن وشمس قلت
الحاصل شنو يخوانا😹.
امي:انتوا الشنو مشيتوا تجيبوا لوسين وجوجو وجيتي براك🐸.ضحكت وقلت
رجعت نومتهم ورسلان بتدوش
فراس:انا برضو ح امشي ادوش
انا:متذكر غرفتك وين صح؟🐸
فراس:طبعا😹.قام مشى وانا ورال جهزنا الفطور وطلعت لقيت ماما وخالتو هند حمموا لحن وشمس مشيت لرسلان فتحت الباب كان مديني ضهره اتسطحت جمبه وضميته من ورا اتقلب علي وثبتني عيونه كانت حمرا شديد ختيت يدي على خده وقلت
مالك؟.غمض بضغط على عيونه وفتحها وفكاني وقام طلع وطلع برا البيت خالص
خالتو:جودي رسلان ماله؟
انا:عندو شغل مستعجل يا خالتو😊.عاينت لي بعدم إقتناع قعدنا للفطور كنت بعاين للأكل بدون نفس فراس ضربني برجله وقال
جودي اكلي.هزيت راسي وقلت
شبعت🌼
خالتو:يا بت انتي م اكلتي اساسا
انا:لالا يا خالتو انا م جيعانة.استأذنت وقمت دخلت الغرفة فضلت اضرب ليه بس م برد لحن وشمس جوني جارين
لحن:ماما ماما
انا:ايوا يحبيبتي
شمس:بابا وين؟
انا:مشى الشغل يا ماما
لحن:لكن هو كان قاعد😢.ضميتها وقلت
م تبكي حبيبي بس هو طلع مستعجل
شمس:ماما اضربي ليه
لحن:اي يماما😢
انا:طيب.ضربت ليه فصل في وشي ابتسمت وقلت
شفتوا مشغول شديد يا ماما في اجتماع.هزوا راسهم بزعل وجروا طلعوا عدا اليوم كله كدا وحتى الغداء علشان مافي م اتغدوا ختيت ليهم العشاء ناس امي وخالتو كانوا نايمين مشيت للحن وشمس في غرفتهم كانوا برسموا بعصبية قلت
ي ماما يلا الأكل
شمس:م عايزين
لحن:بابا م جاء؟.اتنهدت وقلت
م طلع من الإجتماع يا ماما
شمس:ماما انتي بتكذبي علينا؟
انا:انا اكذب عليكم ليه لكن؟.سمعت صوت الباب بفتح قمت طلعت كان جاي داخل وشكله معصب ربعت ايديني وقلت
رسلان لم يكون في شي ياريت تتصرف بمسؤولية لانو عندك اولاد هنا ف الاحسن انك تبطل حركات المراهقين.عاين لي بطرف عينه ودخل ليهم مشيت سخنت العشاء وصحيت ناس ماما وخالتو هند قالوا م عايزين كلهم مشيت غرفة لحن وشمس لقيتهم حاضنين ابوهم وطالعين في حضنه وبدوا يغفوا قلت
رسلان صحيهم م ماكلين غير الفطور.عاين ليهم بزعل وقال
ليه يا بابا كدا؟
لحن:م جعنا يا بابا
رسلان:لكن كدا ح تمرضوا حبيبتي ودي م حاجة كويسة صح؟.هزت راسها بأي قال
طيب يلا ناكل.شالها ومسك شمس ومشوا اكلهم وشربهم حليبهم وحممهم وناموا مشى الغرفة انا مشيت لجوين ولوسين بوستهم ولوسين كانت بتتقلب نومتها كويس ورجعت الغرفة كان بنشف في شعره دخلت ادوشت وطلعت كان قاعد وماسك تلفونه لم شافني قفل تلفونه وطلع ياخ حيرني بطريقة فظيعة💔فضلت صاحية لحد الصباح وهو م رجع مسحت على وشي وطلعت لقيته طالع من غرفة الضيوف وجاهز للشغل قلت
استنى اعمل ليك ساندوتش.م رد لي وطلع دخلت غرفة جوين بسرعة كان ببكي شلته بوسته قلت
همم خلاص حبيبي اشش💜.رضعته طلعت المطبخ لقيت رسلان بكتب في ملاحظات التلاجة التفت لم سمع صوت جوين باس يده وطلع جوين فكاني وبكى فضلت احاول معاه لحد م هدا ونام قريت الملاحظة كان كاتب لشمس ولحن انو ح يتأخر في الشغل وانو ياكلوا اتنهدت ودخلت رقدت جوين وحممت لحن وشمس كانوا صحوا قالوا
شمس:بابا وين؟
انا:بابا طلع حسي😪💔
لحن:ماما😢
انا:تعالوا تعالوا الفطور علشان المدرسة بعدين ح يجي ياخدكم طيب؟.هزوا راسهم جهزتهم وفطرتهم وعملت ليهم ساندوتشاتهم رال صحت قلت
رال تعالي يا قميل الله جابك
رال:من الصباح كدا يا جودي😹.ضحكت وقلت
رسلان طلع الشغل بدري وعايزة اودي الاولاد المدرسة السواق م برد علي
رال:طيب خلاص
