نزلت وانا ماشة سريع لقيت الناس دي كلها بتمسك في تيتا وم قادرين مشيت طلعت في هناء بسرعة الضربة جات فيني انا تيتا قالت بعصبية
زحي ي جودي زحي والا ح اضربك انتي زاتك.مسكت منها العصاية بسرعة ووقفت على رجولي قالت
خليني عليها الوسخة الواطية القذرة دي
هناء:تي..😭.قاطعتها
اسكتي اصلو م بعرفك وشك دا م اشوفه موتك ح يكون على يدي ي عفنة.مسكت تيتا قعدتها جسمها كان برجف شديد قلت
جيبو جلكوز سرعة.بقيت بدلك في يدينها قلت لرال
طلعي هناء المستشفى سرعة كتفها شكلو اتكسر
تيتا:ان شاء الله رقبتك تتكسر ي هناء ي بت سامية.شربتها الجلكوز عاينت قصادي لقيت رسلان مدخل ايديه على جيوبه ومتكل على الحيطة م اشتغلت بيه قعدت على رجولي وقلت
تيتا ممكن تهدي احسن م تدخلي في كومة.هزت راسها ساعدتها طلعتها غرفتها اتسطحت وغطيتها نامت طوالي نزلت تحت وقفت في النص وصفقت قلت
الف مبروك عليكم كنتوا ح تموتوا تيتا مرتاحين؟ مبسوطين؟
فارس:م كان قصدي
انا:م كان قصدك على اي اساس؟ نظام مهتمي وكدا؟.نزل راسه قلت
وحضرة راجل المدام المحترمة هناء وين؟. رسلان جاء داخل وشايل نسكافيه في يده وبشرب منه قال
خير في حاجة؟.قعد براحة قلت وانا ضاغطة على اسناني
قوم الحق مرتك.هز راسه بﻷ وقال
مرتي منو؟ انتي؟ لو انتي اهو قدامي اما اذا قصدك ست هناء م لي علاقة بيها تيتا زي م جابتها هنا عروس ترجعها لأهلها م بتهمني كتير اساسا
انا:قلت كدا؟
رسلان:دا الحاصل.هزيت راسي وطلعت رجعت البيت جهزت ليهم العشاء ودخلت ادوشت صحيتهم اتعشينا وم رجعت فكرت في الأغبياء ديل ونمت مع لحن وشمس في غرفتي صحيت الصباح شمس حرارته كانت عالية جدا صحيته قلت
تعال معاي ادوش.هز راسه بﻷ
رجولي واجعاني😢
طيب تعال علشان نمشي المستشفى.شلته حممته وجهزت واتسطح واتغطى لحن صحت وانا داخلة على الحمام ابتسمت ليها وجدعت ليها بوستها طلعت لقيتها حاضنة شمس قالت
ماما شمس عيان.هزيت راسي وقلت
تعالي احممك علشان اطلع اوديه الدكتور
لا انتي اعملي ليه الفطور وانا ح اخلي جوج تحممني.ابتسمت وهزيت ليها راسي وقمت جهزت الفطور وقعدنا فطرنا شمس كان تعبان شديد قمت اتجهزت بسرعة لبست اسكيرت اسمر على الجسم طويل وتيشيرت ابيض قصير واسع ونص كم واسبورت ابيض وشنطة اسود مسكت شمس وبوست لحن قلت
م تغلبي جويرية هزت راسها بﻷ وقالت
انا عايزة امشي معاه😢
لحن
ماما الله يخليك😢
شمس:ماما خليها تجي.اتنهدت وقلت
طيب يلا قدامي.طلعت وانا كنت ماشة شوية شوية علشان شمس لقيت رسلان في وشي شال شمس بسرعة وقال
مالك ي بابا في شنو؟.شمس خت راسه على صدره بس عاين لي وقال
ماله؟
موجوع من رجوله وحلقو.باس راسه وقال
حرارته عالية.هزيت راسي مشى على العربية بسرعة وانا ولحن معاه ركب شمس ورا وانا ركبت جمبه وختيت راسه على صدري ولحن ركبت قدام وصلنا ودخلنا غرفة طوالي الدكتور بعد فحصه واداه ادوية قال
عندو لوز ملتهبة انا كتبت ليكم ادويته ح يتحسن حسي بس ح يرجع ينتكس تاني وانا بفضل نشيلها ليه لانو فيها لوزة تالته ودي ح تعمل ليه مشكلة في التنفس وممكن يختنق وهو نايم
انا:وحسي كيف ي دكتور؟
م تخافي حسي غفى وكويس.هزيت راسي
رسلان:والعملية متين؟
الدكتور:يومين جسمو يرتاح ونعملها بعد موافقتكم طبعا
رسلان:طيب موافقين اليومين دي خلينا هنا في المستشفى علشان اذا حصل حاجة لاقدر الله
الدكتور:ودا الح يحصل.قعدت جمب شمس وبست يده الدكتور طلع رسلان قعد بالجهة التانية ولحن طلعت في حضنه قالت
بابا شمس ماله؟
شمس عيان كم يوم وح يبقى كويس م تخافي طيب؟.هزت راسها قال
يلا ارجعك البيت
ﻷ ي بابا م عايزة شمس ح يفضل وحده😢.هز راسه وقال
كدا انتي برضو ح تعيي.هزت راسها بﻷ وبكت اتنهد ومسح ليها دموعها وضماها دموعي نزلت مسحتها بدون م يشوفوها رسلان شال لحن ووقف قال
ح اطلع اخد ليهم حاجات عايزة حاجة؟.هزيت راسي بﻷ طلعوا وانا بكيت بدون م احس شوية و سمعت صوت رسلان ولحن قمت غسلت ونشفت وشي وطلعت لقيتهم قاعدين وهو بتكلم معاها بإبتسامة جويرية ضربت لي صوتي كان مخنوق طلعت برا علشان شمس م يصحى قالت
جوج حاصل معاكم شنو؟
ح نفضل يومين وح نعمل ليه عملية لوز ي جويرية خلي بالك من جوين ولوسين
مافي داعي توصيني شمس حسي كويس؟
كويس كويس
طيب يلا ح اضرب بعدين
طيب.قفلت منها ومسحت دموعي النزلت ودخلت شمس كان صحى لحن قاعدة جمبه هي ورسلان وبضحكوا ابتسم لم شافني قعدت جمبه وبوسته قلت
انت كويس؟.هز راسه رجعت بوسته تاني ودموعي نزلت رسلان مسك يدي وقال
تعالي معاي ثواني.قمت معاه طلعنا جمب الباب مسكني من خصري بيد والتانية مسح لي دموعي قال
ممكن تبطلي بكى؟
شمس كويس صح؟
ي جودي قولي بسم الله حبيبتي شمس كويس والدكتور زاته قال كدا مالك؟.هزيت راسي بطيب خت راسه على راسي وقال
يلا اهدي كدا ح تخوفيه
