رضعت جوين ووديته غرفته ومشيت لشمس و لحن بوستهم كانوا بحضروا قلت
اجيب ليكم شكلاته؟ ولى شيبس وعصير؟
لحن:انا عايزة شيبس وجزر
شمس:شكلاته و كرز.بوستهم وقلت
ثواني واجيب ليكم.مشيت المطبخ ختيت ليهم لحن عارفاها ح تقول عايزة جزر لانها مجنونة جزر😹💚 وديته ليهم وقلت
انا في غرفتي طيب؟.هزوا راسهم بوستهم وطلعت جيت مارة بغرفة فراس الباب كان شبه مفتوح نون كانت بتبكي وفراس ضاميها قال
والله العظيم ي بت تريقة
اذا تريقة انت قاعد معاها ليه😭.اتنهد وقال
ممكن تهدي؟.هزت راسها بﻷ همس ليها بحاجة خلتها فكته وضربته على صدره رجع ضماها وهو بضحك دقيت الباب بعد عنها شوية وقال
ادخل.فتحت الباب واتكلت عليه ودخلت يدي في جيبي قلت
م الذي يحصل؟.ضحكوا قلت
جادة في شنو؟.هزوا راسهم بﻷ رفعت حاجبي نون عملت رايحة فراس اتنهد وقال
بسببك نون بتبكي
بسببي؟ ها وانا عملت شنو؟
لانو انتي بتتريقي علي لم جويرية م تلقاك وتستأذن مني والست نون فكرت في بيناتنا حاجة
همم ونون تفكر كدا ليه؟ وتزعل ليه؟.حمرت لي وطلعت قعدت اضحك قلت
م تقول لي بتحبك المجنونة دي؟.هز راسه بخجل شهقت بصدمة وقلت
واي ياخ م قادرة اصدق😻.ابتسم وقال
عمو عارف.دموعي نزلت قلت
انا ورسلان من 10 سنوات خططنا لعرسك انت ونون ي ريت لو كان هنا🍃.هز راسه بأسى ابتسمت وطلعت لقيت نون بتتونس مع بابا وكان داخل يادوب سلمت عليهم ومشيت للاولاد قلت
يا ماما يلا نوموا شوية علشان بعدين تكملوا مذاكرة طيب؟
لحن:م عايزة انوم
شمس:ح ننوم ي ماما ح ننوم
لحن:انا م عايزة ي شمس
انا:لحن ي ماما ح تعيي وبعدين نحنا ح نسهر بالليل لو م نمتي حسي بعدين ح تنعسي وم ح تطلعي معانا.هزت راسها بطيب وقالت
بابا ح يجي؟.هزيت راسي بﻷ وقلت
اولاد بابا شغاال يعني لم يخلص شغل بجي.هزوا راسهم بزعل وغسلوا وناموا بوستهم وطلعت ح اخلص متين من بابا وبابا دي😪مشيت جهزت الغداء ونون معاي وخجلانة خجل ضربتها في خصرها وقلت
ي بت م تتلمي
انا مالي حسي
مالك شنو واتقلبتي طماطمة كدا🐸.عاينت لي وضحكت كملنا ومشيت صحيت الاولاد حممتهم واتغدينا تاني يوم كان في مرحلة تانية من المسابقة اتجهزت ولبست فستان زيتي على الجسم قماشه لين وطويل بدون ايادي وبظهر جزء من الصدر و البطن ولبست حجل وكعب وشنطة بني ولحن زي😹🍃مشيت والمسابقة بدت واثناء من انا مارة عليهم في المطابخ علشان يجهزوا قبل التصوير كان كل واحد حتته براه لم وصلت مكان رسلان م كان في التفت علشان اطلع لقيته داخل ومدخل ايديه في جيوبه رجعت لورا بخوف رفع حاجبه وكان شكله مصدع شديد وعيونه محمرة فضلت راجعة وهو جاي علي لحد م وصلت الفرن جراني عليه ومسكني من نصي ختيت ايديني على صدره قال
حاسبي انا مسخنه.هزيت راسي بأي رجع شعري لورا وباس خدي كنت عايزة ابعده اتذكرت انو بالجد ممكن يكون عيان وم بستحمل خلى راسه على رقبتي وهو مغمض عيونه مسكت دموعي بالقوة بعد عني شوية وهمس
انتي وبعد كل الحصل كأنك هرويني بمجرد عطرك بنتشي💜.فكيته وطلعت لاقيت المذيعة ابتسمت وقالت
يلا ح نبدا.هزيت راسي وطلعت 3/4 كان اداءهم حلو بس بالجد رسلان كان ارهبهم وكلهم اتفقوا على كدا بس انا م كنت قادرة اقول كدا خصوصا لو اتعرف رسلان نفسه راجلي ف كنت بمرره بدون فوز كان معاي لحن بس وشمس كان حابي يفضل مع نون رسلان جاء علينا لحن جرت ضمته شالها بوسها وقال
دي شنو الحلاوة دي💚.ضحكت كلكلها ومشى على شعرها عاين لرجلها مكان اسورتي اللبستها ليها حجل ورجع عاين لي بوسها وقال
يلا انا عندي شغل خليك مع ماما طيب؟.هزت راسها بﻷ وقالت
بابا😢
ي روح بابا خليك مع ماما وشمس وبوسي لي جوين ولوسين طيب؟.هزت راسها بوسها ونزلها نكش ليها شعرها قال
ح اجيكم طيب؟
وعد؟
وعد🌸.التفت لي ابتسم وكان ح يقول حاجة التفت للحن وقلت
يلا ي ماما.مسكت يدها ومشينا العربية كنت مخنوقة لانو م قادرة امسك دموعي اكتر لحن كانت بتضحك وبتحكي لي حصل معاها شنو وهي بتحضر في المسابقة قالت
بابا كمان احسن واحد.عاينت ليها بابتسامة ورجعت عاينت للطريق قالت
عارفة ي ماما اكله احلى منك؟.بوزت وقلت
ليه ي لحن كدا؟
علشان كدا والله.قعدت اضحك وجدعت ليها بوسة قلت
باباك كله على بعضه حلو م اكله بس.ابتسمت وقالت بضحك
ايوا صح بابا احلى حد💛
