عدا شهر نون طلعت من المستشفى وحتى البيبي كويس وسموه فانو كانوا عاملين عشاء بين اهلي واهل فراس في بيتهم جهزت لحن وشمس لحن كانت لابسة اسكيرت فهدي قصير وتيشيرت ابيض واسبورت ابيض وشمس شورت بيج وقميص رمادي وجوين زيه ولوسين نفس لحن بس شورت وانا بنطلون لون بشرتي وتيشيرت ابيض مع كمر البنطلون ،، من ورا ضيق وفيه اربطة وحوافها دانتيل على طول التيشيرت نص كم وكعب ابيض وشنطة زيتي بأبيض ولميت شعري لفوق وعملت للوسين ولحن كعكتين بوستهم وكانوا فرحانين علشان ح يشوفوا البيبي طلعنا وكان في باب بين جنينتنا وجنينتهم مشينا بيه رسلان كان بتكلم بالتلفون لحن اول م شافته جرت ليه شالها وقفل التلفون بوسها وهو بضحك بوزت وشها وختت يدها على خدها من لحيته قعد يضحك وقال
شنو الجمال دا كله ي سكر.ابتسمت ورمشت رمشات ورا بعض وعاينت لي شمس كان عامل رايح وم داير يتكلم معاه جانا نزل لطول شمس وقال
م عايز تسلم على بابا؟.شمس عاين لي وقال
ماما ممكن نمشي؟.هزيت راسي بطيب واتنهدت ومسكته من يده ودخلنا كانوا بتونسوا وكذا سلمت عليهم وقعدنا هناء كانت قصادي كانت لابسة فستان فوق الركبة لونه بنفسج اوف شولد وم خفت الحنة الجديدة كانت مدية خلفية بشعة شوية استغفرت وانا بضحك في سري فراس اداني فانو ختيته على صدري وكان بلعب بيدينه وبضحك بوسته ولحن كانت مع رال نزلت وجات جمبي مسكت يده وقالت
عايزين زيه😻.ضحكت وقلت
جوجو ولوسين م كفاية؟.هزت راسها ضحكت وقلت امشي لخالتو هناء قولي ليها.عاينت لي ورمشت بعدين ابتسمت ومشت ليها م سمعت لحن قالت ليها شنو وانا اتعمدت م اسمع بعدين فجأة لقيت لحن مع ابوها وبضحكوا نون قعدت جمبي اتونسنا شوية التفت لقيت هناء بتعاين لي بغيظ م اشتغلت بيها نون قالت
سلسال فانو م جبتيه معاك صح؟.ضحكت وقلت
ثواني واجيبه خلي بالك من الاولاد و م يقربوا من هناء سمعتيني؟.ضحكت وقالت
طيب طيب.قمت ومشيت بيتي وانا بفتح في الخزنة حسيت برسلان جاريني معاه اتفكيت منو والتفت ليه رفعت حاجبي وقلت
همم في حاجة؟.هز راسه بﻷ ووقعني على السرير قمت وقعدت مربعة رجولي قعد وحاوطني برجوله ولف ايديه على خصري وبدا يلعب برباط التيشيرت قال
امم لحن طلبت طلب وحابي انفذه ليها في النهاية بتي الدلوعة صح؟
همم وبتك الدلوعة م قالت ليك البيبي دا من هناء م انا؟
بتي بتحب اخوانها من امها بس
يبقى كفاية العندها.خت راسه على رقبتي وضماني قال
شمس ليه بتعامل كدا معاي بعد الفترة دي كلها م نسى؟
انت نسيت انك ضربتني؟.هز راسه بﻷ قلت
طيب هو ح ينسى كيف؟ خصوصا انو انا امه حبيبته ولى كلامي غلط؟
همم.فك التيشيرت قلت بالمناسبة
اخو فهد الكبير ولد عمك اسمو فارس صح؟.عاين لي بإستغراب وهو بفك في شعري قلت
م عزمته عرسك من هناء ولى شنو؟
ودا علاقته شنو؟
كيف علاقته شنو هناء في ايام زواجنا كانت بتبيت معاه انت م عارف مثلا؟ معقول م هناي؟.م رد و ضغط بيده على ضهري اتسطحت وخت راسه في بداية بطني قلت
قلت احتمال في مشاعر لسة يعني في النهاية الحب م بموت صح؟.رفع راسه عاين لي وقال
وحبنا؟.ابتسمت بسخرية وقلت
حبهم بفرق كان فيه شوية وساخة بس ربنا بسامح وبنضفه اما نحنا ف فيه عدم تقدير حبيبي
طيب م اهو قلتيها ربنا بسامح انتي م عايزة تسامحي ليه؟
انا م ربنا ي رسلان ولى كلامي غلط؟.مشى على بطني وقال
تسمحي لي؟.ضحكت وقلت
بالجد حلم الجيعان عيشة.قمت وشلت التيشيرت وقلت
وانا م عندي العيشة دي حظ اوفر مع حبيبتك التانية.لبست وكان متسطح وبعاين لي ابتسمت بإستهزاء وشلت سلسل فانو وهدايا كنت جايباها لنون وخالتو هند وماما وتيتا ورال وشلت طقم من دهبي لهناء علشان م كنت حاسبة حسابها وطلعت لقيت هناء عايزة تدخل بيتي وقفتها وقلت
على وين؟
عايزة رسلان
عايزة رسلان دي حاجة بتخصك اما انك تدخلي بيتي ف م مسموح لا ليك لا لغيرك من الوسخ ماشي؟ وبالله شوفي حتت شبهك وين
ليه بتتكلمي معاي كدا؟
تحبي نسأل فارس؟.وشها اتلون والتفتت راجعة قلت
بالمناسبة علشان م تتعبي نفسك وتفتشيه رسلان تعبان شوية وكان برتاح في غرفة نومنا.التفتت لي بخلعة مشيت يدي على شعري قالت
على فكرة انتي م عندك كرامة.ضحكت وقلت
انا ولى انتي ي بيبي؟ اها علشان رسلان في بيته يعني؟.م ردت ضحكت تاني وقلت
شوفي ي هنو انتي لو كنتي مليتي عينه عمره م كان ح يعاين لي تاني ولى شنو؟
بيناتكم اولادكم
والمشكلة وين ابقى بت ناس وجيبي ليه دسته عيال وبعدين كلنا إيناث زي بعض يعني.غمزت ليها وخليتها مكهربة ومشيت
