مشيت طليت على نون كانت نايمة وفراس بحاول يسكت فانو وكان شكله جيعان قعدت اضحك وشلته منو قلت
انت غبي بالمناسبة الولد جيعان شديد
طيب م لكن امه نايمة انا ح اعمل شنو؟ والدكتور قال م نديه حليب خارجي قريب.ابتسمت وقلت
صحيها المشكلة وين؟
حرام ياخ
وم حرام البيبي جيعان؟.اتنهد قلت
يلا معناها ح ارضعه
طيب امشي غرفة الضيوف.هزيت راسي ومشيت بوسته وقلت
انت جيعان ي حلو؟.كان لسة ببكي ضحكت و طلعت الجكت واديته هدا وبعد خلص بوسته وكان بضحك صلحت ملابسي ولبست الجكت وطلعت لقيت فراس في الهول اديته ليه نون جات نازلة قلت
صباح الخير🐸.جات بوستني فراس قال
انقذت الولد ي نوامة🌞.عاينت بإستغراب قلت
رضعته
نون:نعم؟
انا:همم
نون:انتوا مجانين؟حسي لو كان عايز وحدي من بناتك
انا:بناتي اكبر منو ومؤدبات وولدك قليل ادب م بنفع معاي
نون:فلنفترض جبتي بت تانية
انا:نون كان مفروض نعمل شنو نحن؟بعدين هو رضع وشبع حليب تاني في شنو؟.اتنهدت بوسته وطلعت الشغل عدا اليوم عادي رجعت البيت جهزت الغداء وطلعت جبت الاولاد من المدرسة
لحن:بابا ح يجي؟
شمس:بابا عندو شغل؟.هزيت راسي وقلت
امم عندو شغل كتير شويتين.بوزت وشها بوستها وقلت
بطلي زعل خلاص.ابتسمت وضمتني ورجعنا البيت ادوشنا وختيت الغداء الجرس رن قمت فتحت كان رسلان رفعت حاجبي وقلت
خير؟.ابتسم قلت
لو سمحت ارجع بيتك م ليك علاقة بينا.قفلت عليه ابتسمت ورجعت قالوا
منو؟
م حد.كملوا اكل ولحن قالت
خلينا نمشي لماما نون.ابتسمت وقلت
طيب
شمس:انا عايز انوم😴
انا:طيب يلا انت نوم وعلى بال تصحى انا ولحن ح نرجع اخوانك وجوج ح يفضلوا معاك.هز راسه وضماني غسل ومشى نام قلت للحن
يلا.جهزتها وجهزت لبست بنطلون بلون المنقة بين واسع وضيق مكفوف من تحت من فوق بتربط وتيشيرت كت ابيض واسبورت ابيض ولحن زيي بوستها وطلعنا دخلنا لقينا ماما وتيتا ورال القاعدين سلمنا عليهم وفراس كان شايل لحن وخاتين فانو في رجولها صورتهم وانا بضحك نون قالت بزعل
ي امي جودي رضعت فانو
انا:نون للمرة الالف المشكلة وين؟ بعدين عايني هم اخوان اخوان لانو انا وانتي اخوات ومعرسين اخوان انتي مجنونة؟ الموضوع م خطير يعني.هناء جات داخلة وم قادرة تمشي كويس لاحظت لبطنها كانت لابسة شداد وعيونها واقعة قلت
هناء مالك ي ربي اكلتي حاجة غلطت عليك؟.عاينت لي بغرابة وقالت ﻷ.هزيت راسي وقمت مسكت يدها قست نبضها ابتسمت والتفت لنون قلت
اهو ولى تزعلي مدام هناء حامل اساسا انا اكتفيت كدا جربي حظك معاها🌞.هناء وشها اتلون كلهم عاينوا ليها قالت
انا لا حامل لا حاجة..قاطعتها قلت
على فكرة دي م كرشة دا البيبي وجربي افحصي يعني اذا م صدقتي بالرغم من انو راجلك بقتنع بي.عاينت لي بكره مديت يدي للحن وقلت
ماما لحن يلا.لحن ابتسمت وجاتني ودعناهم واستأذنت وطلعنا مشيت حممت لحن وقعدت تذاكر وشمس صحى وقعد معاها وانا كنت شغالة على اللابتوب تاني يوم كان عندي اجتماع مهم وبدري قمت جهزت الفطور ومشيت صحيت الاولاد وحممتهم وجهزتهم وفتحت ليهم فيلم ومشيت اتجهزت لبست فستان رمادي على الجسم بدون ايادي لحد 3/4 الفخذ وعملت شعري كيرلي ولبست كعب يلو وشنطة اسود بعد خلصنا فطور بوست جوين ولوسين وطلعنا بعد وصلت الاولاد مشيت المطعم الرئيس لانو الاجتماع كان هناك لقيتهم مستنيني بعد خلص كان باقي ساعة ونص لوقت طلوع الاولاد فكرت امشي الشركة وبعدين امشي ليهم دخلت وبديت اراجع في ملف قدامي الباب دق ودخلت السكرتيرة بعد اذنت ليها قلت
ايوا ي نرجس
مدام في وحدة اسمها هناء عايزاك
هناء؟
ايوا مدام.هزيت راسي بفهم وقلت
دخليها.ابتسمت وطلعت شوية ودخلت هناء قعدت في الكرسي القدامي وخلفت رجل على رجل ختيت القلم من يدي ورجعت بضهري على الكرسي ابتسمت بإستفزاز وقلت
اطلب ليك شنو؟ او البيبي نفسه في شنو؟.ضحكت وقالت
بيبي حبيبك؟.ضحكت ليها اكتر وقلت
بيبي حبييي؟ اوعى تفكري تعلقيه في رسلان؟
اعلقه؟ جودي م تكذبي نفسك هو فعلا ولده معليش انتي م لاحظتي عطري عليه؟.ضحكت وقلت
عمرها نظرات القرف م جابت طفل ي هناء وبعدين م يمكن رجعتي لفارس ودا ولده؟
دا ولد راجلك م تتلاعبي بالحقيقة
امبارح كنا ناكرين الحمل الاتغير شنو الليلة؟
اتأكدت من الحمل بس.ضحكت وقلت
لم تخفي شيء مرة تانية احسن تحاولي تكوني بعيدة عني لانو ي بيبي انا م بتغش تمام معاك؟.ضحكت وقالت
جودي الثقة الزايدة م حلوة
همم انتي لم تكوني غبية وبتلعبي على الاكبر منك ح تحسي بالقلتيه انتي اما انا فثقتي بنفسي وحتى رسلان اكبر من تدخلك وكذبك بكتير.عاينت للساعة وقلت
همم وبالمناسبة راجلك وزي م قلتي.ضحكت.ابو بيبيك خليه يفضل معاك في البيت تمام؟.ضربت للكافيه تحت قلت
معاي ضيفة تعالوا شوفوها تحب تاخد شنو.قفلت وشلت شنطتي وقلت
بالهناء ليك باي😉
