رفعت راسي عاينت ليه قلت
طلع من وشك ممنوع ودي حاجة بتأدي لاستخراجك طبعا.رفع حاجبه وطلع الكمامة وطلع منو!!؟ رسلان عاينت للحن كانت بدت تغفى على حضن فراس ابتسمت واتنهدت وخليت باقي الحكام يشوفوا وكان عاجبهم وفعلا الطبق كان حلو شديد🌼 يعني ممكن اضيع قروشي كلها علشان اشتريه ممرته للزبالة وقلت
ملح م مظبوط وطبعا الطبخ ملح😊واكيد م ح اكل اكل زي دا مثلا صح؟.عاينوا لي بإستغراب م اشتغلت بيهم وكملت مع الباقين وقت التصفيات خليته لانو كان في اسوء منه وهو الافضل بعد طلعت مشيت لناس بابا فراس كان شايل لحن وهي ح تغفى على الاخر بست خدها ابتسمت لي شوية قالت
بابا💚.كانت بتعاين وراي التفت لقيت رسلان بعاين لينا وولحن بالظبط نزلت من فراس وجرت ليه شالها بوسها واتكلم معاها م كنت سامعة بس كانت بتهز في راسها بإبتسامة على قدر م كنت مبسوطة انو رجعت اتكلمت على قدر م موجوعة💔 دمعتي نزلت مسحتها بسرعة رسلان جانا وبوس لوسين وجوين شمس كان متخبي ورا بابا قال
شمس وين؟
انا:م ليك علاقة.حمر لي قلت
فراس بابا يلا.قاطعني
انا ح اخد الاولاد معاي
بابا:خلي بالك منهم
انا:م ح ياخدهم اي مكان😠
فراس:جودي اهدي
انا:م عايزة اهدا عايز ياخدهم حسي ليه؟ واشمعنا ظهر حسي؟ يعني الشهور المرت دي م كان متذكرهم مثلا؟ كان وين لم اولاده بين الحياة والموت؟ اسألوه وبعداك اذا عايز يموتهم يموتهم.الصحافة بدت تجي مسكت شمس ركبته العربية وجوين ولوسين وجويرية وسقت بسرعة ومشيت م اخدت معاي لحن لانو عارفة اذا اخدتها حسي ح تكرهني💔كنت سايقة وببكي رجعت البيت طلعت الكعب وقعدت على طرف السرير وختيت يدي على وشي وبقيت ببكي يعني ليه كدا عملت ليه شنو انا ياخ💔شمس جاني داخل ضماني وقال
م تبكي انا ضربت ليه وح يجيب لحن حالا😢.عاينت ليه بدموع قال
ماما م تبكي.هزيت راسي بطيب ومسحت دموعي وبوسته
دخلت حممته وشربته حليب الجرس رن انا كنت داخلة غرفتي ادوش مشيت فتحت الباب كان رسلان ومعاه لحن نايمة شمس جاء جاري رسلان عاين لي بحدة ودخلها غرفتها شمس مشى معاه قفلت الباب ومشيت غرفتي قعدت وخلفت رجل على رجل جاء طالع من الغرفة وهو معصب قال وهو ضاغط على اسنانه
بالسرعة دي خليتي شمس يرد علي؟ ويكرهني؟
انا م خليت شمس يكرهك وعمري م فكرت في حاجة زي دي لكن من الانت بتعمله هو كرهك شمس كبر وفهم انو انت م..قاطعني قال
انا عندي اسبابي
عندك اسبابك؟ والله انا شايفة احسن تقوم تطلع.جراني عليه ورجع ايديني لورا وقال
جودي م تحاولي تقوي علي.ابتسمت بإستهزاء لصقني على الحيطة وباسني صرخت فيه
انت واحد مختل ومجنون انت م رسلان اطلع من حياتنا ياخ😠.فكاني وطلع لحن جاتني جارية بتبكي ومعاها شمس طلعت في حضني قلت
همم في شنو؟.عاينت لي وقالت بصوت واطي شديد
بابا ضربك؟.هزيت راسي وقلت
بابا م ضربني م تقولي كدا بابا بحبنا بس عندو شغل كتير علشان كدا م معانا.هزت راسها بﻷ قالت
انا سمعته
طيب انتي سمعتي غلط
شمس:انا شفته
انا:ي ماما بطلوا بابا بحبنا وم بعمل كدا💛.جويرية جابت لي جوين ببكي شلته رضعته وبوست لحن قلت
خلي جوجو تحممك وح تجي اديك حليبك طيب؟.هزت راسها مسحت ليها دموعها وبوستها قامت طلعت بوست شمس وقلت
م تتكلم مع اختك كدا ي شمس ي حبيب ماما.هز راسه وطلع بعد خلصت من جوين قمت عملت ليها حليبها شربته بوستها قلت
ثواني واجهز ليكم العشاء
شمس:انا شبعان
لحن:وانا
انا:ليه ي ماما كدا؟.هزوا راسهم بلا اتنهدت وقلت
خلاص امشوا غسلوا نوموا طوالي بكرة اجازة اساسا.هزوا راسهم بوستهم ودخلوا غرفهم كنت تعبانة دخلت ادوشت وخليت شعري لين وطلعت مشيت لقيتهم بتونسوا لحن خاتة راسها في رجول شمس ومبتسمة وهو بمشي على شعرها ابتسمت ليهم وبوستهم قلت
يلا ارتاحوا ونوموا علشان بكرة في مذاكرة كتيرة طيب؟
شمس:طيب.مشى سريره غطيتهم وطلعت لقيت بابا وفراس بتناقشوا في الهول قلت
همم كأنو اتأخرتوا؟
بابا:تعالي عاوزنك.هزيت راسي وقعدت بابا مسك يدي وقال
جودي انا م عارف اقول شنو بس جربي اتكلمي مع رسلان هو قال السبب بس جربي اتكلمي معاه انتي
انا:بابا بيني وبينه الاولاد بس
فراس:الاولاد معناه الحب برضو
انا:الحب اتلاشى م تخاف.استاذنت وقمت طلعت دخلت اطمنت على جوين ولوسين ومشيت نمت صحيت الصباح جهزت الفطور وصحيت الاولاد حممتهم وجهزتهم وبابا وفراس كانوا نايمين اديتهم عصير ولبسنا ملابس رياضة وطلعنا اتمشينا ولعبنا ورجعنا البيت اتحممنا وبابا وفراس صحوا قعدنا فطرنا وبعدين مشوا يذاكروا مع بابا
