دخلت لنون لقيتها بتضحك جرتني من يدي ومشينا المطبخ قالت
عذبتي البت ياخ😹
قصدك هناء؟.ضحكت زيادة ابتسمت بسخرية وقلت
م ح اكلف نفسي واستنزف طاقتي عليهم عندي حاجات اهم
حزينة ليها ياخ
نون خلاص🐸
م قادرة والله.قعدت اضحك قالت
سمعتها قبل شوية مع تيتا انو رسلان بعاين ليها بقرف😹
وهو رسلان كان مفروض يعاين ليها كيف مع قرفها دا بالجد يعني هو انا البت زيها قرفت خلي راجلها.نون زادت ضحك وقالت
مسكينة م عارفاه مدلع على يدين جودي كيف.قعدت اضحك وقلت
ي بتي م تتلمي.رال قاطعتنا
والله كلام نون صح كلنا شفناك معاه بعدين المظاهر والذوق ليهم دور برضو
نون:كدي سؤال تيتا العاجبها شنو فيها
انا:تيتا م اظن عاجباها م هو اساسا مافي حاجة بتعجبها بس دا ضغط لي علشان م عايزة ارجع ليه ومعلقاه بس😹.ضحكوا دموعي نزلت مسحتها وشلت كيس رال قلت
دا تبعك.ومديت حاجات نون وفانو قلت
يلا دا تبعكم انتوا بوسوني قلت
في شنو بسم الله.رال بكت وقالت
يعني انتي طول الوقت م متهنية وتعبانة وبرضو بتضحكي معانا.ابتسمت ومسحت ليها دموعها قلت
ي بت انتي عويرة؟
نون:رال انتي م بتعرفي جودي يعني؟ م بتعرفي قوتها؟.ابتسمت وحضنتهم قالوا
الباقين لماما وخالتو هند وتيتا الرابع لمنو؟.ابتسمت وقلت
لهناء.نون فتحته وطلعت السد قالت
ي بت انتي مجنونة؟
رال:دا اغلى منها بالجد انا كدا اتأكدت انك جنيتي.ابتسمت بسخرية وطلعت على طاولة المطبخ وشلت تفاحة اخدت منها قرمة وقلت
م يغلى عليها ي جماعة بعدين انا شايفة انها بلدية حبتين ف ح ينفع ليها مع توب او ح اطلب ليها فستان ظابط معاه
نون:دا الجابه ليك رسلان في ولادة شمس انتي مجنونة؟
انا:ي بتي انتي المجنونة داك الماس ب55 مليون دولار بعدين غير كدا داك خاص بشمس اديه ليها ليه؟.نون ضحكت وقالت
اسمه قلادة الالماس التي لا تضاها
رال:وعلى اسم شمس على قول جودي شمس😹
رال:كان في تاني خاتم ونستون الازرق جابه معاه من جنيف يلي هو محبس زواجك .هزيت راسي قالت
وبرضو خاتم نجمة الالماس الوردية اما طقوم العرس كانت دهب
نون:وتاني في سلسل اليشميك
انا:ح اعدله للحن
رال:ماسة زو مشت وين؟
انا:مع باقي المجوهرات
نون:الحاجات دي م حد عارفك مالكتها غير العيلة صح؟
انا:طبعا م هو م ممكن اكون غبية واخلي العالم يعرف بكدا ي بتي حتى البنك م خليتهم فيه
رال:كدا احسن دامك محافظة عليهم.ابتسمت وقلت
يلا اتأخرنا هنا والموضوع قلب اوفر.ضحكوا وطلعنا اديتهم حاجاتهم ولقيت هناء مافي اديت خالتو هند كيسها وقلت
دا تبع هناء.عاينت لي بإستغراب رفعت حاجبي تيتا قالت
فيه شنو؟
هدية
والهدية دي تبقى شنو؟
لم تفتحها ي تيتا شوفيها معاها😄.عاينت لي بطرف عينها ابتسمت وقلت
يلا الغداء.قمنا اتعشينا ولحن كانت نعسانة استأذنت منهم ورجعنا البيت حممتهم وناموا طوالي بوستهم وطلعت غرفتي لقيت رسلان نايم همهمت ودخلت ادوشت وطلعت كان نايم زي م هو اتنهدت ونمت صحيت بصوت دق الباب رسلان كان نايم بدون التيشيرت ولافي ايديه حولي دخلوا الاولاد ابتسمت ليهم ورسلان صحى جوا ناطين في نصنا لحن جمب ابوها وشمس جمبي بوسته ابتسم وقال
صباح الخير🌼
صباح النور💛.لحن جات بوستني رسلان قال
شمس تعال ثواني
شمس:م عايز كدا مرتاح.عاينت ليه بطرف عيني وقلت
شمس يا ماما عيب
شمس:وم عيب انو يضربك؟.قلت بحدة
شمس.رسلان ضغط على يدي وهمس
م تتكلمي معاه كدا
رسلان:شمس تعال ي بابا.شمس عاين لي قلت
همم اسمع الكلام.رجع عاين لأبوه وطلع على صدره وخت راسه عليه زي البيبي💕رسلان مشى على شعره قال
شمس اي اتنين في الدنيا بتخانقوا وبرجعوا ،، انت ولحن دايما بتتشاكلوا صح ي لحن؟.لحن هزت راسها قال
وانا وماما اتشاكلنا شوية واهو اتصالحنا بس انا مشغول شوية علشان كدا م بكون متواجد كتير
شمس:بس انا م بضرب لحن
انا:وبابا م ضربني ي شمس.شمس هز راسه رسلان بوسه وقال
صافي؟
شمس:صافي.لحن نطت فيهم قعدوا يضحكوا قمت جهزت الفطور ورجعت لقيت رسلان بدوش قلت
لو سمحت بسرعة
طيب.فتح الباب وجراني ودخلنا على الدش قلت
انت غبي؟.ابتسم وقال
همم صافي؟.ضحكت وقلت
حلم الجيعان عيشة وانا م عندي العيشة قلت ليك ويلا لو سمحت سرعة.فكيته وطلعت جهزت الاولاد للمدرسة وهو طلع دخلت ادوشت وجهزت جوين ولوسين وقعدنا فطرنا قال
انا ح اوصلهم المدرسة
لحن:ايوا ايوا😻
انا:شمس اتكلم
شمس:طيب.ابتسمت وبوستهم وكان لسة في زمن قمت اتجهزت لبست اسكيرت قطني اسود على الجسم 3/4 فيه خطوة من ورا لحد فوق الركبة و شكيته بتيشيرت بدون ايادي اسود قطني وجكت جينز باكمام طويلة وكعب ابيض وشنطة بني واسود ولميت شعري كعكة لفوق وشلت نضارتي وطلعت بوست الاولاد وهم مشوا وانا بوست جوين ولوسين وطلعت
