دخلتهم جهزتهم ولبست بنطلون اسود رمادي اقرب لإنو يكون استريتش وجكت جينز مقفول باكمام طويلة وقصير وواسع ومشرط من تحت وكعب ابيض وشنطة اسود رمادي وطلعنا بعد وصلناهم فصولهم وطلعت العربية فراس كان معاي رجعت تاني للحن مشيت للمدير وإستأذنت منو شفت كاميرا المراقبة كانت قاعدة هادية ومركزة مع الإستاذ ومتابعاه بعيونها شديد ابتسمت على خفيف كنت خايفة م تتأقلم وكنت عايزة اشوفها اذا ح تتكلم وطلعت مشيت اخدت اليونيفورم بتاعهم ورجعنا البيت لقيناه هادي ومافي قال
انا عندي شغل ح اخلصه و ارجع.هزيت راسي وطلع فضلت براي بدون حد معاي رميت المفتاح وبديت افك الجكت عيني وقعت على رسلان قاعد في الركن الضلام طلعت الجكت وختيته على يد الكرسي وقعدت وخلفت رجلي كنت لابسة تيشيرت كحلي استرابلس و في نص البطن م اتكلم قمت بزهج طلعت الكعب شلته في يدي وكنت ماشة فجأة لقيت انفاسه علي وماسكني على الحيطة وضاغط علي بالجنبات مسكت يدينه فكيتهم مني وضربته ضربتين على صدره في نفس الوقت وقلت
زي م عرفت تجي ارجع.وكنت ماشة جراني من يدي وقال
وزي م اتزوجتك عندي حقوق عندك.ابتسمت بإستهزاء وقلت
وحقوقك دي شنو؟ تلمسني مثلا؟ همم م حذرت والله.مشى يده على شعري وقال
واذا قلت ليك انك انتي الح تطلبيني؟
تبقى جنيت.دخلت غرفتي ودخلت ادوشت وم اشتغلت بيه شوية وبابا وفراس رجعوا وكان معاهم جوين ولوسين شلتهم بوستهم بابا قال
م ح تمشي لأختك؟ وناس امك جاين بعد اسبوعين.هزيت راسي وقلت
نون قربت تخلص ماجستير صح؟.هز راسه قلت
بعد بكرة ح امشي ليها ان شاء الله بعد اول حلقة.قال
طيب.بوست جوين وقلت
جويرية م رجعت من اهلها؟
فراس:استأذنت وقالت ح تقعد كمان كم يوم.ضحكت وقلت
استأذنت منك؟والله تطور ملحوظ😹.قعدنا نضحك بابا قال
بالمناسبة لايقين على بعض وجوجو كويسة ومؤدبة شديد🌸
فراس:استنوا م تسرحوا ي جماعة😂.ضحكت واديته جوين وقمت جهزت الغداء علشان اطلع اجيب لحن و شمس طلعت من المطبخ لقيت بابا وفراس ومعاهم الاولاد مافي كاتبين لي مسج انو طلعوا يرجعوا شمس و لحن ابتسمت ودخلت ادوشت وطلعت كانوا بفتحوا في الباب اتخبيت وراه بعد شمس ولحن دخلوا كانوا بفتشوني بعيونهم نطيت قدامهم وقلت
وااااه🐸💜.نطوا بخلعة وقعدوا يضحكوا حتى لحن ضحكت بس بدون صوت بعد دخلوا حممتهم واتغدينا ودخلوا ينوموا ضربت لدكتورهم انو ماف تحسن في حالة لحن قال
ي مدام كيف ماف تحسن انتي قولي الحمدلله لحن حسي م عندها صوت بس ،، واحسن من حالتها الاولى لانها بتعمل تعابير بتبتسم وحتى بتاكل وبتتحرك ي مدام ووعد مني بتك ح ترجع بخير انتي بس خلي بالك منها وم تزعلوها واذا طلبت حاجة في حدود م تمنعوها و اتكلموا معاها كتير والليلة زي م قلتي لي نزلت المدرسة انا بأكد ليك انها احسن ولى غلط كلامي؟
صح😢
طيب يلا عافية ان شاء الله.قفلت منو وقمت طلعت قعدت مع بابا وفراس وكنا بنتونس شوية ولحن صحت جات طلعت في حضن فراس وهي مغمضة وبتضربه على يده ابتسم وقال
اتكلمي وقولي لي عايزة كدا ي لحن علشان انا م فاهم.ابتسمت وغمضت عيونها وختت راسها على حضنه ونامت كنت بعاين ليها من سكات باس راسها واستأذن وقام دخل بيها غرفتها قمت عملت ليهم حاجة خفيفة علشان لم يصحوا وفعلا شوية صحوا غسلوا وجوا شربوا عصيرهم واكلوا ودخلوا مع بابا يذاكر ليهم فتحت فيلم وفضلت قاعدة قدامه وم قادرة فراس كان طلع وانا براي ومعاي جوين وكان برضع بوسته وقلت
اشش خلاص انا تعبت عايزة ابوك يرجع🍃.عاين لي ضحكت ومسحت دموعي ونومته وعشيت لوسين ونومتها برضو وطلعت طلبت العشاء فراس جاء داخل ومعاه العشاء قلت
بتبالغ انا طلبته حسي😹
ارجعي الغيه بس🐸.ضحكت ولغيت الطلب ونادينا بابا والاولاد واتعشينا وناموا تاني يوم بعد وصلتهم المدرسة مشيت بيوتي سنتر ظبطت شعري بلون اسود غامق شديد لانو شعري كان مايل على الاشقر و عملت وشي لانو كان تعبان من البكى وباقي بشرتي واضافري وطلعت مشيت جبت لحن وشمس لانو مواعيدهم جات وشلنا معانا الغداء ورجعنا البيت كان هادي بابا وفراس م رجعوا من شغلهم وجويرية نامت مع جوين ولوسين حممتهم واتغدوا وناموا وانا دخلت ادوشت وقعدت اشتغل شوية وبابا وفراس جوا مع بعض وكانوا بتهامسوا م اشتغلت بيهم لانو زاتا لو كانوا عايزني اعرف م كان اتهامسوا اتغدينا وكل زول دخل غرفته شوية ولحن وشمس صحوا بوستهم وقلت
صحيتوا بدري💚
شمس:علشان م تعبانين.عاينت للحن هزت راسها بأي وقعدنا ذاكرت ليهم وقلت
يلا نجهز العشاء🌸
