قفلت الكاميرا والاسبيكر و مشيت غرفتي قال
الأداك الإذن منو انو تاخدي الأولاد وتسافري؟
وانت في علشان اخد اذنك؟ اي نعم مافي مشكلة بينا بس انت بتلعب بأولادك بحركاتك دي براك شفت حالتهم كيف وعلشان تكون عارف بسبب هبلك دا حسي عندهم إكتئاب انا كرهتك ي رسلان خليك بعيد واولادي ح يتعودوا.قفلت فيه ومشيت ليها لقيتها رجعت نامت بوستها هي وشمس وشلت لوسين اكلتها هي وجوين ومشيت غرفتهم قعدت معاهم لحد الصباح لم صحوا شمس جاء طلع في حضني ضميته ومعاه لحن قلت
صباح السكر ي حلوين💕.بوسوني حممتهم وطلعت جهزت الفطور اكلتهم بالقوة لانو كانوا رافضين الأكل واخدوا ادويتهم وفتحوا فيلم وقعدوا وانا كنت برضع في جوين الجرس رن جويرية فتحته كان فراس فكيت جوين بسرعة لحن جرت ليه شالها بوسها وهي كانت تعبانة لسة ختت راسها على كتفه جاء سلم علينا ودخلها غرفتها قلت
ليه جيت؟
ارجع يعني؟.ضحكت قال
عادي والله الطيارة م رجعت بلدها🐸.ابتسمت ليه قلت
طيب يلا ادخل ارتاح.هز راسه وبوس جوين ورجعه لجويرية ودخل غرفته دخلت اديت لحن وشمس حقنهم لانو كانوا تعبانين الجرس رن بوستهم وقمت فتحت طلع رسلان عاينت ليه بعصبية وقفلت الباب وجريت غرفتي قعدت ابكي شوية كدا وباب غرفتي دق مسكت دموعي وقمت قلت
فراس ثواني.فتحت كان رسلان اتذكرت انو عندو نسخة مفاتيح طلعت المطبخ واتخطيته شربت موية وطلعت جيت مارة بالهول كان واقف ومتكل على الحيطة ومربع ايدينه قال
م كنت مفكرك ضعيفة كدا ضعيفة جدا وخاينة كمان كسرتي كل حاجة بتجمعنا حتى الاولاد ح تضعيهم ي خاينة..قاطعته
بس بس بس ي رسلان الضعيفة الانت شايفها دي بقوتها انت جنيت عليها وعصيت حبوبتك امك المربياك علشان تتزوجها الضعيفة دي مسكتك 7 سنة وجابت ليك اولادك وكانت ماسكة بيتك الضعف الانت بتقوله دا بنطبق عليك انت لانك انت البتهرب من نفسك.اشرت عليه وكنت ماشة جراني لصقني مع الحيطة وقرب علي قال
وحدي خاينة.ضربته كف وضحكت وقلت
خسارة الكف والله وسخت يدي.ابتسمت بإستهزاء وقلت
بضرب واحد م راجل في ثانيتين نسى حياته.عاين لي بعصبية ورجعه لي بقيت بضحك بهستيريا ودموعي نازلة م كنت ح استغرب في اي حاجة ح يعملها دام خلى اولاده وحالتهم وقال الكلام الفارغ دا طلع بسرعة وعيونه زي الدم التفت لقيت شمس واقف وبعاين بغرابة جاني جاري ضماني دموعي نزلت بوجع نزلت لمستواه مسحهم لي وقال
م تبكي خلاص مشى.هزيت راسي وضميته قال
لو جاء تاني ح اشاكله م تزعلي طيب؟
شمس؟
ماما
انت شفت شنو بالضبط؟
بابا ضربك😢.هزيت راسي بﻷ وقلت
بابا م ضربني حبيبي كنا بنهظر
لا..قاطعته
لالا ي شمس م تقول كدا حبيبي.هز راسه بأي شلته بوسته ودخلت حممته علشان حرارته عالية ولحن نفس الشي عملت ليها كمادات واديت شمس اكل لحن كانت بتهلوس وشمس في حضني خاتي راسه على صدري وتعبان وكنت بغير للحن في الكمادة فراس جاء داخل قعد جمب لحن وشاف حرارتها قال
تعبانين💔.هزيت راسي شال مني شمس قال
شوشو ي شوشو شنو ياه قاعد في ماما كدا.شمس ابتسم ليه قال
يلا نطلع ناكل ايسكريم مثلا.شمس هز راسه بطيب قلت بخوف
خلوني اعمله ليكم هنا بدل تطلعوا ياخ
فراس:لو طلع غير جو بتحسن ي جودي.هزيت راسي بطيب فراس جهزه وطلعوا واخدوا معاهم لوسين وانا فضلت مع لحن شوية وصحت وكانت م قادرة تاكل حتى ركبت ليها سيروم كان كتبه الدكتور في حالة م اكلوا ياخدوه قلت
نطلع البلكونة نغير جو حبيبتي؟.هزت راسها بتعب شلتها وفي مرجوحة في بلكونتهم قعدت فيها وضميتها خليت راسها على صدري وكانت بتعاين بس دموعي نزلت بوجع مشيت على شعرها وقلت
حبيبتي ممكن تبقي كويسة؟.عاينت لي بس شوية وقالت
بابا وين.ابتسمت ومسحت دموعي قلت
بابا..قاطعنا صوت فراس بقول
بابا هناا🐸.التفتت ليه بسرعة كان فراس ومعاه دباديب وايسكريم وشيبس وحلويات نزلت راسها بزعل جاء شالها لحضنه وقال
ليه بتبوزي كدا ي لحن انا م عاجبك يعني؟ قصدك انا شين يعني😢.ابتسمت وهزت راسها بﻷ قال
م ناوية تتكلمي معاي؟.م ردت ليه قعدت ابكي قال
فكي منها السيروم دا لانها ح تاكل ي جودي صح يا بابا؟.م ردت ليه باس خدها علشان اللحية تضايقها وتتكلم ختت يدها على خدها بس بدون رد قال
ختي ليها انا ح اديها.هزيت راسي وقمت ختيت ليها وجبتهم كانت ساكته وهو بتكلم معاها ختيت ليه قال
طلعي ليها المغذي
جرب اكلها اول.هز راسه وقال
طلعيه انتي بس
