مشيت البيت لقيت الاولاد نايمين دخلت ادوشت وحممت معاي جوين وطلعت بالمنشفة عادي يعني ختيت جوين على السرير ومشيت اجيب ليه ملابسه وحاجاته شلتهم وبوست لوسين ورجعت غرفتي رسلان كان شايله وبلعبه دخلت ختيت الحاجات وربعت ايديني قلت
بالمناسبة في حاجة اسمها إستاذان اذا بتعرفها يعني.عاين لي بطرف عينه قلت
همم في اعتراض يعني؟
جودي بقيتي قاسية انا بنفسي م قادر اتعرف عليك
وانا بقيت قاسية كدا كيف؟ على يد منو؟ بعدين بالمناسبة انت بس اتعودت على جودي الرومنتك الحنونة بس لانو م حصل اتشاكلنا م حصل اختلفنا بس حسي ظهرت جودي اللبوة مرت رسلان صح؟.ضحكت وقلت على فكرة كلام خالتو هند وصلني قالت نفس الكلام صح؟😂 يلا دا علشان تعرف م حد غيرك غلطان.شلت منو جوين وطلعت منو المنشفة وبديت اخت ليه من كريمه.همهم قلت بالمناسبة
هناء مبروكة عليك🍃.بوست جوين قال
تيتا غصبتني
همم ليه م اتحننت ي سولي يخص عليك دي تبقى مرتك وام عيالك الجاين برضو صح؟.عمل رايح ضحكت بإستفزاز مسكني من يدي وقال
م تتعاملي معاي كدا
واتعامل معاك كيف؟.رفع حاجبه ضحكت وقلت
م تفكر انو ح ارجع جودي حبيبتك رسلان انت غيرتني للأسوء ف اتحمل حبيبي.كنت ح اطلع المنشفة علشان البس مسكني من يدي وقال
ﻷ.ضحكت وقلت
شنو الﻷ م اول مرة يعني بعدين ثواني خليني انا هناء م اتعودت عليها يعني؟
افهم انك بتغيري؟.ضحكت بصوت عالي لم دمعتي نزلت قلت
انا واغير؟ ومن منو؟ من هناء؟😂 م حذرت المرة دي ي سوسو.فضل ماسكني وانفاسه على رقبتي من ورا قلت
همم م نفسك تفكني؟
امم ﻷ.فكيته وقلت
بس انا نفسي.ابتسم بالجنبة ومشى يده على شعري وطلع اتنهدت بزهج منو اي نعم انا مشتاقة ليه شديد شديد بس م بقدر اتعامل معاه عادي وامشيها ليه والاحلى انو شنو اتزوج وهناء😂 كان احسن سارة والله الحنة في ايديها مقززة حرفيا معليش بعد كل الحصل وحتى لو عايز يتزوج كان يشوف وحدي شبهه ياخ😹استغفرت ولبست ملابسي وطليت على الاولاد لقيتهم صحوا بوستهم وقلت
يلا العشاء🌚
لحن:انا م جيعانة
شمس:وانا برضو.ابتسمت وقلت
ليه لكن؟.هزوا راسهم قلت
طيب اشربوا حليب ونوموا.هزوا راسهم مشيت اديتهم حليب وكيك اكلوه وحممتهم وناموا وانا نمت تاني يوم كان اجازة برضو صحيت ادوشت وجهزت الفطور وجوين كان صاحي بوسته وجهزته واتجهزت انا لبست بنطلون اسود وتيشيرت صوفي اوفر سايز باكمام طويلة تفني فيه رباط بكرمشه في خط طولي في النص وبظهر جزء من البطن واسبورت وشنطة اسود مشيت المستشفى واخدته معاي لقيت ماما وخالتو هند هناك سلمت عليهم وقلت
نون نايمة؟
ماما:بتدوش
انا:وفراس؟
خالتو:معاها هزيت راسي وخالتو هند شالت جوين وبقت بتلعبه ابتسمت وقالت
شايفاك امبارح سممتي ولدي.ضحكت وقلت
عرفتي كيف؟
جاء البيت منرفز.ضحكت تاني وقلت
خالتو هند انتي لو كنتي مكاني ح تعملي شنو؟ بغض النظر عن هناء.همهمت وقالت
شخصياتنا بتختلف
طيب قولي م مشكلة ح اتقبل رايك
ح ارجع ليه
ليه ح ترجعي ليه طيب؟
علشان هو كان مريض وم كان عايز يخوفني عليه ومحتاجني جنبه
طيب ونحنا لم اتزوجنا عهودنا كانت شنو؟ البقاء معا سراءا وضراءا صح؟ انا م كنت ح اوفق لو م كنت عايزة اخاف عليه ولى شنو؟.هزت راسها قلت
اما بالنسبة انو محتاجني جنبه دي فهو خلاص فكر يرجع بعد خلص علاج يبقى م محتاجني المحتاج ليهم اختارهم معاه.ابتسمت وقالت
انتي عارفة انو انا م غلطت في اختياري ليك ابدا؟.ابتسمت وقلت
وللاسف اختيارك التاني كان غلط.عاينت لي بإستغراب قلت
كان بفضل سارة على الاقل افضل من هناء واشرف.قالت
كيف؟
ماما:جودي دا م وقته.همهمت وقلت
على كل حصل الحصل وم حاجة ح تتصلح انا كدا مرتاحة بعد كدا كل حد يشوف نفسه ولى كلامي غلط؟.هزت راسها ابتسمت وقمت دقيت الباب فتح لي فراس سلمت عليه ودخلت ليهم نون كانت تعبانة شوية بس طبيعي قعدت جمبها مسكت يدي وقالت
كيف الاولاد؟
خليك منهم هم عال الحمدلله انتي كويسة؟.هزت راسها بﻷ قلت
ليه لكن؟.دموعها نزلت قالت
عايزة اشوف ولدي.ابتسمت وقلت
ولدك في الحضانة ي قميل
بس انا عايزة اشوفه حتى لو من بعيد.هزيت راسي وقلت
ح امشي اشوف الدكتور لو بوافق لانو ظاهر عليك موجوعة
م موجوعة عايزة اشوفه بس.ابتسمت وقلت
طيب.قمت عاينت لفراس وقلت
خلي بالك منها ثواني هز راسه وضحك طلعت للدكتور قال انو ممكن تمشي ليه بس بالكرسي مشيت ليها ومعاي الممرضة خليتها تمشي مع فراس وودعت ناس ماما وطلعت لاقيت تيتا ورسلان داخلين سلمت عليهم وتيتا لوت وشها م اشتغلت بيها لانو اساسا مافي ليها سبب معاي رسلان بوس جوين وقال
شمس ولحن وين؟
في بيتهم.ابتسمت وشلت جوين منه وطلعت
