قلت بخلعة:نعسان؟شمس بالعادة م بنوم كتير يا رسلان شوف لو عنده حرارة
م تخافي م عندو حاجة بس ارهاق
لالا تعال لي انا م مطمنة
مافي حاجة علشان م تطمني يا جودي خليك مرتاحة ولو عايزة اصحيه ليك من النوم تتكلمي معاه
لالا خليه بس انا مصرة تعال لي والا ح اطلب تكسي وانت عارفني.اتنهد وقال
طيب مسافة السكة.قفلت منو ولم وصل قمت غسلت وغسلت للحن وطلعنا ليه باس خدي وشال لحن وبوسها قال
همم كيفكم؟
لحن:بابا بابا عملت مع ماما.ورته رجلها وهي بتضحك ضحك وباسها قال
حلوة يا بابا واحلى من بتاعت ماما.بوزت وشها وقالت
حقت ماما احلى😟.ضحك وقال
طيب احلى❤.ابتسم لي قلت
جويرية معاهم صح؟.هز راسه بأي ركبنا كان شايل لحن وسايق وصلنا نزلت بسرعة ومشيت ليه لقيته نايم وكويس الحمدلله💜 بوسته وطلعت ادوشت وحممت لحن بعد خلصنا رسلان كان طلب العشاء شوية ووصل مشيت لشمس كان نايم لسة جوين صحى شلته بوسته واديته حليبه واتعشينا ودخلنا غرفنا رسلان ادوش وجاني عاين للحنة كدا وقال
حلوة والله حبيتها🐸🌸.قعدت اضحك باسني وقال
جادي على فكرة🐸.ابتسمت ليه بخجل صحيت الصباح بصوت شمس بدق في الباب وهو ببكي قلت
شمس تعال حبيبي.فتح الباب ودخل طلعته في نصنا انا ورسلان وصلحت الغطاء رسلان صحى عاين ليه قال
شمس! مالك يا بابا😳.شمس ضماه وقال
لحن زعلت مني😢
انا:لحن زعلت منك؟.هز راسه بأي قلت
طيب انت زعلتها بشنو؟
هي بتحب تحضر افلام مخيفة وبالليل م بتقدر تنوم ولم م خليتها شاكلتني وقالت لي انت م اخوي😭.ابتسمت وضميته قلت
طيب وقف بكى علشان نتكلم.رسلان مسح ليه دموعه وباس راسه قلت
انت بعد قالت ليك كدا عملت شنو؟
شمس:قلت ليها انتي كمان م اختي وجيت هنا طوالي😢
طيب م غلط انك تقول لأختك كدا يا شمس؟ بعدين هي صغيرة لسة و م بتعرف يعني شنو كلامها دا يا حبيبي.هز راسه بأي
رسلان:وانت اخوها الكبير يا شمس يعني مفروض م تتكلم معاها كدا شوية شوية وتفهمها طيب
شمس:طيب😢.بست خده وقلت
طيب يلا استناني في غرفة جوين ولوسين ثواني وبلحقك.هز راسه وقام رسلان عاين لي بإبتسامة قلت
قوم امشي ليهم انت انا تعبانة😴.هز راسه وباس خدي وقام لبس وطلع ليهم و انا قمت ادوشت ولحقته لقيته خاتي لوسين على رجوله وماسك لحن بتكلم معاها مشيت لشمس لقيته بتنهد جاء ضماني قلت
اشش اهدا.رسلان جاء شايل لحن وهي مدمعة نزلها جمب شمس وقعد على رجوله قال
يا بابا انتوا اخوان صح؟.هزوا راسهم بأي قال
طيب في اخوان بزعلوا من بعض؟.هزوا راسهم بﻷ قال
طيب مش بتحبوا بعض؟.هز راسهم بأي قال
واتشاكلتوا ليه؟.م ردوا قال
بابا لحن شمس خايف عليك لانك يا لحن بتخافي وم بتقدري تنومي وكدا ح تعيي تقومي تزعلي؟.عاينت لي ابتسمت وقلت
كلام بابا صح يا لحن
رسلان:شمس لحن زعلتك تقوم انت ترد ليها يا بابا؟ انتوا عارفين انو انا وماما ح نزعل منكم اذا عملتوا كدا في بعض؟.فضلوا يعاينوا لي ابتسمت وقلت
كدا حلوين صح؟.هزوا راسهم قلت
يلا اعتذروا من بعض.اعتذروا لبعض
رسلان:ح يدي بابا بوسات اول منو؟.وقعوا فيه وهم بضحكوا ابتسمت ليهم وطلعت للوسين شلتها بوستها ومشيت لقيت جويرية بتجهز في حليبها شالتها مني ادته ليها ومشيت لجوين كان نايم جهزت الفطور وقعدنا فطرنا انا:ح نمشي لتيتا سهى بعد شوية.رسلان اتنهد ابتسمت ليه تيتا هي م شريرة شديد وكمان م بتسكت لو الحاجة م عجبتها قمت جهزت ليهم ملابسهم كلهم شورتات كحلي وقمصان ابيض واسبورتات رمادي رسلان جهزهم وانا مشيت اجهز لبست فستان ابيض طويل استرابلس مع فتحة ٧ على الصدر وفيه خطوة على الرجل اليسار لحد3/4 الفخذ ومرسوم فيه ورود كبيرة بالأزرق و التيفني وخليت شعري فاكي ولبست كعب لون رجلي واسورة دهب تقيلة💕رسلان جاء داخل بقى بعاين لي ابتسمت ليه جراني عليه باس خدي وقال
والله ح تعملي لي سكر بالحلاة الكتيرة دي😢💜.قعدت اضحك وفكيته مشيت لقيت الأولاد جاهزين وحتى جوين بوسته ورجعته مكانه وجويرية كانت معانا قعدت اتونس معاها على بال رسلان يخلص اساسا هي صحبتي الوحيدة شوية وجاء طالع قمنا طلعنا م كانوا بعيدين شديد وصلنا نزلنا لقينا عمه طالع من البيت عاين لينا بإبتسامة وسلم علينا ببشاشة🌸 ودخل معانا لقينا تيتا في الهول وبتقرا في كتاب
عمو منصور:امي شوفي منو الجونا🐸
