#أجيال

#أجيال 1

#رواية_أجيال

تصوووويت بليييز على كل الحلقات 💙💙
البارت الأول
المقدمه
.
.
.
أسمي ساره عمري 18سنه،،أخر سنه في ثانوي…
أگثر شّي نحبه رقص غربي وعاشّقه لرسم
حلم حياتي نشّترگ في معرض ونعرض لوحاتي فيه بس حلمي ممنوع او مستحيل لأسباب….. حتعرفوها لما تقرو قصتي
شّي لنگرها حاجات واجد بگل منهن حد ينوضني من نوم ولو شّن ماگان سبب تغملي اليوم گله منه ..
اهاا ونگره مرضي هو انا عارفه ان من عند ربي وحرام نقول هگ بس انا شّخصيتي ما نحبشّ حد يعاملني گا طفله ولا يقيدني ويديرلي فيها جو شّفقه ..
ونگره الإرتباط بحد لأن يخلي طرف اخر يتحگم فيگ وانا جني جن ليتحگم في -_-
عايشّه حياتي گيف ما نبي يقولو عني گوگتيل هههه لانهم يشّوفو في تصرفاتي غريبه
وانا صغيره گنت دبدوبه :( بس لما وصلت اعدادي درت مستحيل عشّان ننقص اول شّي لأني مريضه ربو ثاني شّي لأني نحب يگون جسمي حلو مشّگلتي نموت في الأگل <3 تقدرو تقولو عقدتي نفسيه الوزن >_<
عائلتي.
بابا "علي" هو گل حياتي نموت فيه متعلقه فيه بدرجه غريبه يوميا نحگو مع بعضنا لو مشّ موجود نطمنو على فون گل شّوي… وهو مدير لشّرگة
ماما "سعاد " مديرة مدرسه
علاقتنا زي اي بنت وامها لاتخلو من مشّاگل ونصائحه ههه نعرف انها تحبني وانا نموت فيها ماهي ماما ونور عيوني بس هي ضد اي شّي نديرا مايعجبهشّ
هشّام خوي گبير حتى هو زي بابا نحبه وگل مايگبر يزيد شّبهه في گل شّي
گمل قرايت طب وبعدها سافر اميرگا يحضر
سالم خوي حتى هو أگبر مني بس أصغر من هشّام يعني الوسطي
وااااخخخخ من سالم مانعرف لمن طلع طبعآ طول نهار ونحنا مناقره بينا وهو يعتبر يقرا في جامعه ليه سنين ماتخرج لأن سنه عندا بسنتين هو سنگوح العائله مدلعته ماما بس بابا واعر معه وديما مشّاگلهم متواصله…
هذي عائلتي ..يعني انا اصغر وحده فيهم وبنتهم الوحيده ..
… .
عائله جدي ..
جدي حسن هو مريض وفي سن گبير وانا وارثه منه المرض لي هوا الربو
جديدتي حليمه هذي انا دلوعتها وماتحمل في شّي وديما ادافع علي لما ماما تعصب علي…
عمتي سهام -_- متجوزه بس مازلت في عمر صغير وگل يوم والاخر اتجينا حرجانه من راجلها هي والقوم عيالها وهي مهووسه بنظافه ولما تجينا يگون اليوم العالمي للحملات :(
… .
بابا وماما اولاد عم وتزوجو عن حب <3
يعني حياتي مستقره معاهم ...
بس انا الي غريبه في گل شّي نحب نطلع من جو عادات وتقاليد لي ليها قروون وقاعده حياتي ممنوع مرغوب عندي وماهمني حد .
قصتي بدت لما نجحت من الأعدادي بتفوق في نفس الوقت جت لخوي هشام بعثه برا وبعد جهد جهيد في إقناع اهلي او بي الأخص ماما وجديدتي لأن بابا گان موافق وامنية حياته يشّوفني دگتوره
مهم مشّيت مع هشّام وقريت ثانوي في اميرگا وانا تغيرت وفي نظر ناس هنا يمگن تگون تغيرت عندهم أنحرفت…
وصلت ثانيه ثانوي
گان خوي عندا صاحبه واخت صاحبه حتى هم من ليبيا بس طرابلسيه گانو يحضرو وهم اثنين دگاتره گانو اصحاب وقعدنا ديما نتلاقو…
ولاحظت ان في شّي بين هشّام واخت صاحبه بس عطيتهم الحوله مهم مايقيدنشّ خله يحب ..
وانا گونت صدقات من لي گانو يقرو معي من جميع دول ..
في يوم هشّام گان عندا ندوه مهمه هو واخت صاحبه بس في مدينه بعيده عن لمگان لعيشّين فيه وافق اسامه صاحب هشّام وامنه على رانيا اخته وهشّام وصه اسامه علي وسافرو…

…
نگمل ولا نفوتها ¿¿
ﺁﺭﺁﺋﮕﻢ ﻭﺗﻌﻠﻴﻘﺂﺗﻜﻢ ﺗﻬﻤﻨﮯ