الجزء الثاني
#أجيال 9🔥
الكَاتِبة هَامِي
______________
غـائـبـيِ.
لقد شاهدتُك ترحل ...
وهذا اقسي حدث تُبني عليه ذاكره كاملة
🍁🍁🍁🍁في المقبرة الساعة 7صباحاً...
نسقي في القبر.. نزرع في الورد ...نحكي معه شوي ..نبكي نمسح دمعتي.. نترحملهم نشيل شنطتي ونطلع ..نجري..نجري....نجري .....نتخيل فيه وراي ينادي في ....
كان زي اي مكان في الريف ...ناس تنوض بدري ..الأرض خضراء مواشي ...جبال ومزارع طبيعة تسحرك .... ماوقفتش جري تقريباً لي هنا تعودو على منظري كل صبح نفس الروتين من يوم لجيت هنا وصار لصااار......
وصلت لحوش جدي قعدت تحت شجرة الزيتون كانت مقابله للحوش ..طلعت ميه شربتها غسلت واجهي،، ومزال صوته في اذني ..نتلفت ندور عليه بس منلقش فيه .... اتكيت على الشجرة وغمضت عيوني نسمع في أصوات العصافير ..نشم في ريحة خبز التنور...حياة هاادية بسيطه ...مكاان مناسب للهروبي من نفسي ومن كل شي.....
ساااااارة ..ساااارة
فتحت عيوني شفت حناي تنادي في من شباك المطبخ
حناي::تعااالي افطري
خشيت الحوش نسمع فيها زي كل صبح على الفون مع ماما ..
ماما:: شنو دايره اليوم
حناي::على حالها ..من شوي جت من المقبرة ..توا كلمتها تجي تفطر
ماما تبكي:: بنتي مستقبلها ضااع امتحاناتها على الأبواب مش راضيه تقابلنا . خسرت بنتي خلاص..
حناي::حسبي الله في اللي كان السبب
خبطت على الباب عشان تنتبهلي و تنهي مكالمتها
وين جدي يجي يفطر معانه
حناي::لا جدك فطر بدري اليوم خلنا نفطرو انا وحفيدتي ..حضنتني ..ربي يهدي سرك يابنيتي
سكتت واكتفيت بأني نفطر في صمت...طلعت لداري خذيت حبوب منوم زودت جرعه من فتره لأني نعاني من ارق وتعب من كل شي...لقيتهن ملجأي وقتها كنت مهم اني نرررقد ...مهم اني ننسااا..مفكرتش بلعواقب
..
حاولت وحااااولت لكن اول مانغمض عيوني نكوبس بكل لصاار اخر فتره بين عيوني رقدت نحس بسكين نادر نغرست في وروحي بتطلع ...نسمع في ام اسامه كلااااااامها صدمتي كذبة حياااتي نجاح ووووواسامه بابا ماما خوتي المستشفى عياااط كلااااااااام وااااجد كلهم يحكو كلهم ينادو في...
يااارب أرحمني
اللهم ان أمسني الضر وانت أرحم الراحمين ...
نصحى من كوابيس نبدا نصرررررخ ...ندخل في نوبة عياط وتكسير تجيني حناي وجدي يقرو على يحضنوني يمسكو ايدي لحد مانغفى ونرد نرقد
شفت دموع جدي وقهر حني ليش ماحسيتش بيهم من قبل ليش لدرجة هذي كنت غبيه وحياتي كلها كذب ..
أنت تقرأ
#أجيال
Storie d'amoreهي عنيدة لا مبالية مستفزه لا تؤمن باالحب هو بارد عاشق مجنون متملك يريد ترويضها هل إختلاف شخصياتهم يصنع عِشقاً ❤ أعترف بأننى لستُ أنثى مسالمة و لا أشبه القطط الشرقية ، قلبي قلب أنثى مجنونه و عقلي عقل أشد الرجال لا أقف وراء شخصية مستعارة ، صوتي م...
