الجزء الثاني
#أجيال 11🔥🔥
الكَاتِبة هَامِي
________________
نظرته لي تغيرت نار ولعت فيه مع كلمتي له
كرني لغرفه لجنبنا صكر باب ضاغط على ايدي ومصكر فمي نفسي مش قادره نأخذه . .
عيونه هما بس ليحكو وقالوا كل شي...
قرب مني وجه لاصق في وجي قربه ربكني كأنه متعمد يخليني نضعف...حول ايده من على فمي بس مزال شاد بأيده الأخره ايدي لقريب تنكسر منه
اسامه:: كيف قدرتي تنطقيها كيييف قولييلي
نطقت بصوت متهالك -ارخي ايدي اسامه وجعتني ..خلاص ارجوك انت تخوف في منك
حول ايده من على ومسح وجه بتعب
اني اسف ..ماقصدتش نخوفك ..اني منعرفش شن لقاعد ندير فيه ..متخيلتش يوم انه نوصلوا لهكي ..
-بس وصلنا ..اقتنع انه ماعاد في شي بينا...
اسامه قعد يدور ويخبط ..صكرت وذني من عياطه وتخبيط شفت ايده نجرحت💔
-ماتصعبهش علي وعليك ...خلني نطلع
فتحلي باب وهو ساكت شفت دمعته في عينه وموعرها دمعة الراجل لما تنزل ...وما أقساني في وقتها ماااا أقساني ويلعن كبريائي وكرامتي وغروري طلعت وانا نجري ونبكي ...طلعت وانا خاطري ندفن روحي في حضنه نعلق ايديا برقبته نقوله نحبك نعشق كل مافيك وخلنا العمر كله مع بعض ....
وقتها عرفت روحي قوية صح كيف مايقولوا ...ماصحيتش روحي وانا نجري الا وانا حاضنه هشام ...وبصوت مخنوق من غصة البكا...
طلعني هشام نبي نمشي مش قااادره نقعد هناااا
هشام:: سرو كنك اهدي وقوليلي شن صار ...اذكرتي شي ولا خوفك حد
-نبي نمشي منبش نقعد خلااص
رانيا:: خوذها للحوش يمكن خنقها جو هنا ....
شفت لرانيا بعتب...هي لي قالتله اكيد اني هنا لأنه لعرفتا انه اسامه له فتره فايت شغله....
___________
وصلني لحوش ورد لشغله ...طلعت لداري عزقت روحي على سرير وانا حاضنه روحي وبين عيوني صورته ....
بعد وقت طق باب...وخش
سالم:: تِ كنك حابسه روحك انتي😑
كنت مغطيه وجي ونحكي من تحت رغان
اطلع منبش نشوف حد توا فوتوني
سالم شال رغان.
خلاص ياشيرين زف وانتي مقضيتا ديما دموع ... رايفت ساره وربي رايفت لبرادتك 😔
-يييييي منك شن تبي توا بعد زدت نكدت على امي 😒
سالم يضحك
ايوا هذي اختي جالطه😂😂
ضربته بمخده
ااااااه ياربي صبرني ...توا تنابش بعد تقول جالطه ...مش عندك شغل طير يلا من هنا
أنت تقرأ
#أجيال
Romanceهي عنيدة لا مبالية مستفزه لا تؤمن باالحب هو بارد عاشق مجنون متملك يريد ترويضها هل إختلاف شخصياتهم يصنع عِشقاً ❤ أعترف بأننى لستُ أنثى مسالمة و لا أشبه القطط الشرقية ، قلبي قلب أنثى مجنونه و عقلي عقل أشد الرجال لا أقف وراء شخصية مستعارة ، صوتي م...
