#أجيال
الكَاتِبة هَامِي
الحلقه (11)
.........................................
گل بنت تحلم بإن حبيبها يگون شّبه بوها في گل شّي وأنا نفس شّي…
في حياتي ماعمري دورت لا على حب ولا حد شّبه بابا نحبه ،،
لأن في نظري صعب لا مستحيل ان بابا حبيبي يگون له شَبه ..
على قد مانحب بابا على قد ماخنت ثقته في وخيبة امله بدون مايعلم گان واخد فگرره غير عني گان مفتخر في ومايشّوف في دلوعته بنته وحيدته شّن دير في روحه
انا نأذي في نفسي نقتل في روحي بتدريج ،، ياما اسامه قالي جمله هذي وانا نجاوبه وبگل غرور "هذي حياتي وروحي انا نأذيها نحرقها نقتلها ماحد له دخل…
ومافهمت ان لا هذي مشّ حياتي ولا روحي هذي امانه من ربي هذي روح بابا وماما وخوتي وگل حد يحبني ولما نأذي نفسي نأذيهم معي….
وفي نفس الليله لي گلها مطر ورعود وأعتراف اسامه لي بحبه ..
أنا جاوبته وجرحته بإني مننفعشّ لگ يااسامه انا بنت غير ..
عاقبت روحي علي جرحي لگ وقعدت نمشّي تحت مطر لي هي عشّقي وسم للمرضي ....
وصلت لشّقه وانا مقطوع عني نفس مشّ قادره نتنفس خاطري في نفس عمرگ جربة شّعور هذا¿¿!!
فگرت ان جاگه اسامه خنقتني سلحته ماقدرت نتنفس عيطت بي اعلى صوتي خبطت گسرت شّقه مانفع شّي قعدت نخفف في دبشّي علي امل بس نتنفس و يوقف صفير صدري دموعي نزلن لعجزي
علي اني مشّ قادره ناخذ نفس ولا قادره نوقف دهشّه
أصعب شّي يگون انسان مشّبع گبرياء وغرور ويگسره المرض يحس بعجز وبحاجة اي انسان عادي ينقذه بس انا مانبي انسان انا نبي ربي ينجيني ويسامحني مشّ عشّاني عشّان بابا منبشّ بابا ينقهر علي مانبي نموت ومانشّوفه ونملي عيوني منه…
طحت على أرض بعد گل محاولاتي فشّلن وما عاد صحيت شّي…
..........................................
في المستشفى
هشّام ورانيا في ممر مستشّفى جايين ل.....
هشّام بعصبيه;;
شّن صارلها وينها اختي
اسامه منهار ومقعمز على ارض
جتها نوبه
هشّام انصدم ;; انا سيبتها من امس مافيها شّي قبل مانمشّي اطمنت عليها
اسامه بصوت مخنوق;; حتى اني گنت معها بعدها جيت لشّقه دقيت باب نطمن عليها ماحد فتح قلقت عليها فتحت بنسخه لعندي لقيتها قدامي مرميه على ارض ياهشّام رفعتها متتنفسشّ
گلمت اسعاف رفعوها اهني من امس في ليل وهي في عنايه على اجهزه ماصحت
دگتور قال ليها مده فايته الادوايه متاعها وواخدا بردا قويه هادا لي سبب نوبه
أنت تقرأ
#أجيال
Romanceهي عنيدة لا مبالية مستفزه لا تؤمن باالحب هو بارد عاشق مجنون متملك يريد ترويضها هل إختلاف شخصياتهم يصنع عِشقاً ❤ أعترف بأننى لستُ أنثى مسالمة و لا أشبه القطط الشرقية ، قلبي قلب أنثى مجنونه و عقلي عقل أشد الرجال لا أقف وراء شخصية مستعارة ، صوتي م...
