#أجيال 4🔥
الكَاتِبة هَامِي
___________________
دنيا:: تعرفي سرو امس طلعتي بسرعه ونسيتي فونك معي هاكي خوذيه
انا بضحكه
اهاااا فوني يلي الليل كله إنتظار 🙂
دنيا ارتبكت
شنو لي إنتظار ياروحي هذي أكيد الشبكة تعبانه ههههه
أبتسمت -اكيد الشبكة املا شن يخلي فوني مشغول 🙃
رانيا بعدم فهم
يلا نستأذنكن بنات عندي مرضى خوذن راحتكن
طلعت رانيا
دنيا:: واووو تهبل عليك ذوق وسماحه نعلي من هل الغرب😍
شفت ايه سرحانه من اول ماجت محكتش
-أيوش فيك شي؟
دنيا:: الهبله متعاركه مع خوك مخوفها
فتتها ورديت سألت أيه
ايوش شن في ماكان جوكم تمام !
ايه بدت تبكي كأنها كانت ترجى نسألها عليهم💔
كنت مفكره انه بدا يحبني فكرت علاقتنا بدت تقوى وانه مفش سبب تافه يفرقنا،
تغاضيت عن كل شي لأني نحبه بجد ياسارة والله نحبه وماكان قصدي نجي من دون علمه
مقدرتش تكمل خشت في نوبة بكى مع خشت سالم علينا ،،شافها كيف منهاره قوه قلبه وفاتها💔💔
سالم :: شنو سرو شنو دايره توا
وجعني قلبي على ايه وزاد همي اخره
وأيه انجرحت بعدم إهتمامه بدموعها طلعت مكسوره الخاطر وأنهارت طاحت برا تبكي رفعتها دنيا
دنيا:: بلا هبال فوتي أمه التافه حتى لما شاف حالتك ماحنش قلبه لو كان يحبك كان حس بيك من الأول نبهتك يااأيه من الأول قتلك سالم مغرم صبايا لعوووب مايعرفش يحب وانتي منعميه بيه أشربي توا وجع قلب وقهرررر
"كل كلمه تقول فيها لها دنيا تزيد تغرس سكين في قلب أيه
د-ساري شافهم وسمع كل شي
انتي شني متحسش شوفي حالها البنت
يلا صبي اختي مش حلو منظرك هكي
دنيا:: وانت شن دخلك بينا صاحبتي واغلى من الأخت ونعارك فيها عشان مصلحتها انت ش...
قاطعها
لو سمحتي أحترمي نفسك وطي صوتك نحنا في مستشفى مش في شارع
سمعنا الهرجه طلع سالم شاف ساري يصبي في أيه ويعارك في دنيا
سالم زاد عصب
وفك ايد ايه من ساري ويكلم في دنيا
شنو انتي مش ح تريحي روحك اليوم
دنيا::ممكن نعرف شن درتلك نازل هزايب تقول قاتله بوك ولا أمك ومعذب المسكينه هذي وراك والله الا اخساره فيك
سالم خذا ايه وطلع بيها بدون ما يحكي
دنيا عصبت :: وااااقح ونذل وهي كيف الهبلة في جرته شن مايدير
أنت تقرأ
#أجيال
Romanceهي عنيدة لا مبالية مستفزه لا تؤمن باالحب هو بارد عاشق مجنون متملك يريد ترويضها هل إختلاف شخصياتهم يصنع عِشقاً ❤ أعترف بأننى لستُ أنثى مسالمة و لا أشبه القطط الشرقية ، قلبي قلب أنثى مجنونه و عقلي عقل أشد الرجال لا أقف وراء شخصية مستعارة ، صوتي م...
