الكَاتِبة هَامِي
#أجيال
الحلقه 2
… ...
رگبت قدام وايه لورا
-شّن في!! وليش مااتصلتش بي تقولي نجي ؟
سالم ;; قالتلي مجتمعين گلهم في شّقه ويمگن يحلو خلاف باتي وامي
انا بفرحه ..
باهي الحمدالله واخيرااااااً يرد گل شي گيف ماگان
وصلنا ايه لحوشّها وطلعنا على شّقه
................
عند دنيا ..
نادر ;;وينگ تأخرتي
دنيا تلفتت يمين ويسار ورگبت في سياره.
ماتأخرتشّ انت المستعجل
نادر :: مهم توا ،، قدرتي تجيبي لِ اتفقنا عليه ؟
دنيا بِإبتسامة خبث ..
افتح افتح واستقبل صور ست الحسن ههههه، وغير هگي شّوف معي موبايلها هههه الغبيه طلعت بسرعه و نساته معي
نادر ;; ايووووا ،، نعلي من صورها يقتلووووووو
دنيا ;; نعم ياروح امگ ! ، انا مش تاعبه فيهن ومضيعا روحي عشان تنغرم بيهن ،، اسمع هددها بيهن شردها عليهن جننها خلها تبرم في روحها وتعرف ان الله حق وهي رفعه خشمها تقول ربي ماخلق غير هي
نادر ;; ماتوصي يتيم على البگا ، نبي نشّوفها مگسوره مذلوله لي عشان تعرف گيف تهزا علي وتاخذ غيري ..
انتي شّن تبي ديري بفونها ؟
دنيا ;; من اول ماخذيته وعمرها گله مابطلش رن وتوا اگيد يضرب اخماس في اسداس
نادر ;; من عمرها گله! شن قصدگ ؟
دنيا تستفز في نادر
حبيبها دگتور اسامه مسميته على فون عمري گله شّفت ،، الليله فونها معي وخلها لاهيه في مشاگل هلها الي ان شاءالله يارب يطلقو بوها وامها وتتشرد وتذوق من نار لذقته
نادر عصب
الله يهد عمره وعمرها الحقيره الگذابه الخاينه هذا سي دگتور متعها بشن زايد علي هو عشان تختاره والله الا ماندمها علي ساعه لرفضتني فيها والله الا مانديرلها العار بت $%&@'🔞
… ...............................
في الشّقه
فتح سالم الباب وخشّينا
گانو لامين في صاله ماما وهشّام وسهام وجديدتي وجدي ..
اووو ربي يدوم اللمه ، گنتو تلمو في حوشّنا احسن هههه
وبديت نسلم
سالم ;; وين باتي مشّ قلتي قاعد هنا
سهام بإرتباگ ;; قال عندا شّغل ومشّا للمگتب
جدتي ;; يابنتي گنگ ناقصه وجهگ اصفر
;; الله غالب ياجديدتي هذي شهاده قرايه وتعب وارهاق ,, توا بعد نگمل نرد احسن من قبل
صبيت وقعدت جنب ماما ،، گنت حاسه بحاجه غريبه نظراتهم لي وارتباگهم في الحگي ، بس ماگنتش عارفه ان هذا هو الهدوء لي قبل العاصفه .
مسگت ايدين ماما وقعدت على رگبتي
ماميتي رايفت عليگ الحوش مظلم بلاگ ، ردي معانه توا ، ماتخلي سبب تافه هذا يفرقنا يگفي فتره لفاتت ..
ماما ساگته ودموعها ينزلو وخلاص ..
أنت تقرأ
#أجيال
Romanceهي عنيدة لا مبالية مستفزه لا تؤمن باالحب هو بارد عاشق مجنون متملك يريد ترويضها هل إختلاف شخصياتهم يصنع عِشقاً ❤ أعترف بأننى لستُ أنثى مسالمة و لا أشبه القطط الشرقية ، قلبي قلب أنثى مجنونه و عقلي عقل أشد الرجال لا أقف وراء شخصية مستعارة ، صوتي م...
