الجزء الثاني
#أجيال 10🔥
الكَاتِبة هَامِي
________________
الحقد الحسد الغيره شعور ً يدمرك أنت مفكر انك ح تهد حياة غيرك بس يصير العكس لأنه حسدك وطمعك عموا على عيونك من العواقب شي لدمرت بيه غيرك....
زي ماصار مع نجاح لما حقدت على وخبرت ام اسامه بِ كل شي نست عواقبه شنو عند بابا ... وبهكِ نهت مشوارها ومشوري💔
ولي صار مع دنيا غيرتها عمتها كانت تبيني نتعذب نحس بالفقد الحرمان النقص ... بس ماكنش في بالها انها ح تنهي كل شي كان بينا ماكنش في بالها انه غيرتها توصلها انها دمرني هكي.. مرات بدون قصد تحسد حد او تغار منه تبي يكون زيك مع انك تحبه بس جواتك غلبت عليك خانة شر ولما يذوق من نفس كأسك ويتعذب مايهونش عليك الحال لوصله ...تندم على كل شي ..بس وين ينفع ندمك توا وانت خسرت كل شي...
__________
فلاش باك...
نجاح خبرت كل شي لي ام اسامه وزي اي ام مستحيل ترضى ياخذ بنت مش معروفه من عيلتها طلعت نجاح وعلامات نصر على وجها بعد ماتأكدت انه ام اسامه ح تكلمني وتنهي كل شي لأنه مفهمتها اني عارفه مش من عيلتهم💔
فتحت باب استغربت جيتها وماجا في بالي ابدا لي صار ...
-اهلين انستينا تفضلي
ام اسامه:: مش جايه نتظيف.. هما كلمتين تحفظيهم وتلزمي حدك بيهن والا لي تصرف اخر معاك
تفاجأت من طريقه كلامها وماحاولتش نبين ضغطت على اعصابي... تفضلي عميمه قولي لعندك🙂
ام اسامه:: شوفي ياساره من غير لف ودوران انتي وانا عارفين كويس اني رافضه علاقتك مع اسامه ... بصراحه انا قتله لو تبي تسله بيها تمشي معها الوقت اوكي شاب ومن حقه وانتي عطيتي مجال لهك ...لكن نبهت عليه الوضع مايطورش
-شوفي انا محترمتك ومتحمله اهانتك لأنك قد ماما و ام شخص لنحبه ..لكن ارجوك لهنا يكفي اعتقد كلامك مفرووض مع ولدك مش معي
ام اسامه:: ماهو ياما فهمته بس ولا عبرني ماشي وراك زي مراهق لكن مستحيل من بعد لعرفته من سابع مستحيلات ياخذك ..
دموعي نزلوا مع اني حاولت نبين منكونش ضعيفه ماننهارش قدامها بس ماعمري انهنت هكي ومن لي أهاني ام حبيبي💔
يعني شنو لتغير وخلاك تجيني وانتي من الاول رافضه
ام اسامه ؛: اول شي والأهم انك بنت استغفر الله ياربي مش قادره نقولها .. غير هكي انتي وحده خفيفه تطلعي وتخشي امتا ماتبي .. تقدري تقوليلي ليش جيتي ماكملتش قرايتك برا
-اطلعي برا لهنا وبس ..انتي حتى مااحترمتش العلاقه لبينا ..
ام اسامه:: وانا اساساً طالعه لعندي قلته ولدي ماناخدلش وحده لقيطه لا ليها اصل ولا فصل وتعرفي لو قربتي منه اخره رانيا وهشام مستحيل يتجوزو ناخد اولادي ونسافر هو كبير عيلتي ومستحيل وحده زيك تاخذه
أنت تقرأ
#أجيال
Romanceهي عنيدة لا مبالية مستفزه لا تؤمن باالحب هو بارد عاشق مجنون متملك يريد ترويضها هل إختلاف شخصياتهم يصنع عِشقاً ❤ أعترف بأننى لستُ أنثى مسالمة و لا أشبه القطط الشرقية ، قلبي قلب أنثى مجنونه و عقلي عقل أشد الرجال لا أقف وراء شخصية مستعارة ، صوتي م...
