#رواية_أجيال
الحلقه (2)
الكَاتِبة هَامِي
.رواية شبابيه خفيفه
.
.
ماما;; هيييي شّن طلعگ انتي في صبح بدري وبرا صقع ،،
سالم;; تجري گل صبح خايفه من روحه ترد تسمن هههههه
ماما;; تعالي افطري
انا… ....
سالم;;،فوتيها ياامي بنتگ متخلفه بعد تنوض تقعد ساعه وماحگت مع حد
رگبت داري وطلعت ندوشّ
وگملت نشّفت شّعري وتخشّ علي ماما تبي تگمل عد هزيبته.. ...
ماما;; تعالي افطري
انا;; عارفتني منفطرشّ في صبح
ماما;; وگيف تأخذي دواگ توا
انا;; بعد غدا ناخذه
ماما;;ماهو على حسابگ امتاماتبي تاخذي
وبعدين گنگ تلوي في شّعرگ وهو ناعم تخربي فيه
انا خبطت ايدي على زيانه;; اووووف خلاص يا ما خليني براحتي مليت من دسگت گل صبح
ماما;; يقولو ماما مشّ ما
واووف هذي ياحيوانه معشّ،تقوليها ماعلموگش انها حرااام
انا:: جو مُديره عد تبي طبقي لي هنا
ماما:: وين نازله نا نحگي معاگ
انا وننزل من دروج;; وين يعني ماشّيه للمرسم
ماما; ; تعاليييييي هنا توا غير دوشّتي امشي ثقلي دبشّگ قبل انتي ناسيه انگ..
قاطعته
انا رديت وقفت قدامها;; لا مشّ ناسيه اني مريضه
خلاص درهتو گبدي بقصه مرض تقول معي سرطان
ماما;; بعيد سو وانتي متعرفشّ تختاري دوتگ بگل نا غلطانه اصلا لي وافقت على
سفرگ عطبگ عليگ مشيه ماجيتيني الا بعادات يهود وگله من بوگ مدلعگ لين مخربگ،،
انا;; توا شّن غلط لدرتا عشّان ديري جو هذا گله
ماما; بوگ لما وافق على مرسم قالگ في صيف ماقلگشّ وقت قرايتگ
انا;; تييي اي صيف شّن تشّوفو فيه بلاستيشّن هو ولا بشّگليطه عشّان مانطلعها الا في صيف
هذي حاجه نحبها ونبيها معي وقت مانبي نرسم وقرايتي انا مشّ مقصره فيها..
خذيت جگتي وطلعت وانا رقيتلي گلعاده هذي عادة گل يوم من شّهور من اول ماجيت من اميرگاوقتلهم شّهاده نبي نقراها هنا وما قتلهم شّن سبب ولا ليشّ فتت قرايتي غادي مع ان گان حلمي…
…
نزلت بدروم في حوشّنا قدرت نقنع بابا ان يخلي لي مرسم ووعدته ان ميشّغلنشّ عن قرايتي ،وخليت جميع لوحاتي من طفوله وانا نرسم فيهن ولوحات رسمتهن لما گنت في اميرگا مرسمي هو عالمي المگان لنفشّ فيه غلي هو انا بگل مافيه من ألوان
أنت تقرأ
#أجيال
Romansaهي عنيدة لا مبالية مستفزه لا تؤمن باالحب هو بارد عاشق مجنون متملك يريد ترويضها هل إختلاف شخصياتهم يصنع عِشقاً ❤ أعترف بأننى لستُ أنثى مسالمة و لا أشبه القطط الشرقية ، قلبي قلب أنثى مجنونه و عقلي عقل أشد الرجال لا أقف وراء شخصية مستعارة ، صوتي م...
