#أجيال
الكَاتِبة هَامِي
الحلقه 18
اسامه وبخيبة امل
واني يأست منگ بجد مره هذي
نعترف اني خسرة نروضگ وخسرت نقنعگ بي
من اليوم انتي حره في لي ديري واساسآ انتي ديما حره
انا ننسحب من حياتگ
انا بإبتسامه مزيفه
تمام هگ احسن يعني انا لي ربحت في الأخر
خذيت نتيجه تحاليل وصور و شّنطتي وفتحت باب وطلعت
حسيت في حاجه تنزل من عيني
دموع اهااا نبگي باهي ليشّ مشّ انا نبي هگ يصير خلاص انا ربحت معرگتي معه
رفعت ايدي مسحت بيها دموعي
ماقدرتشّ نمسگ روحي ولا نگابر اگثر من هگ
اول مگان لقيته وانا طالعه جنان عياده گان فيه گرسي قعدت عليه وقعدت نبگي بصوت عالي
مامنعت نفسي منهن يمگن لأن ماقدرتشّ نمسگ روحي اگثر من هگ
ياريتني ماعرفتگ ولا قربت مني هگ ياريتگ ماحبيتني..
ولا ياريتگ ماشّفتني في امريگا وشفت بعيونگ ماضيي وطيشّي ياريتگ ماشّفت عيوبي يااريتگ مشّ صاحب هشّام
انت اقرب وابعد شّخص لي في دنيا
اسامه مفگر توا اني فرحانه بفوزي اني رفضتگ
وانت لحزين انگ خسرتني
لا انا في الحقيقه خسرت
خسرتگ وخسرت روحي معاگ انت حتلقى انظف مني بس انا ما حنلقا حد متفاهم ويحب بصدق هذا انا لي ماحنلقا اسامه اخره خلاص
عارفه روحي خسرت توا بس بعد وقت انت حتنسا وتعرف غيري
وانا لي هنعيشّ ونذگر في گل وقت شّن خسرت في حياتي بسبب ماليشّي ذنب فيه
ليشّ حبيتني لو خليتگ في حياتي زي قبل ماتقولي نحبگ
گنت تريحت اگثر معاگ لأنگ ما گنت في مستقبل حتغيرني ولا تعايرني بي ماضي مراهقه تحب تطلع عن عاداتها وتقاليدها تحب تجرب گل شّي في الحياه
اه منگ يااسامه ومن نار لي شّعلته جواتي
بگيت عند ماوجعني راسي من البگا ويمگن اول مره نبگي بحرقه هذي لأن دموعي مشّ بساهل تنزل
لحد مارن علي…
بابا :: سرورتي شن صار معاگ
حاولت نبين صوتي طبيعي::
الحمدالله تمام توا گملت تجي تاخذني ولا عندگ شّغل
بابا :: لا خلاص في طريق توا نجيگ
…........ الكَاتِبة هَامِي............
بعد وقت جا بابا رن علي يبيني نطلع
صبيت طلعة شّيشّه ميه شّربت منها شّوي ومسحت وجي ولميت شّنطتي والاراق
ورسمت على وجي ابتسامه عشّان بابا ميحسشّ ولا عشّان نگذب گذبه ونصدقها !
...
وصلنا حوشّ لاقتنا ماما وسهام وسالم
انا وبابا
السلام عليگم
أنت تقرأ
#أجيال
Romanceهي عنيدة لا مبالية مستفزه لا تؤمن باالحب هو بارد عاشق مجنون متملك يريد ترويضها هل إختلاف شخصياتهم يصنع عِشقاً ❤ أعترف بأننى لستُ أنثى مسالمة و لا أشبه القطط الشرقية ، قلبي قلب أنثى مجنونه و عقلي عقل أشد الرجال لا أقف وراء شخصية مستعارة ، صوتي م...
