#أجيال

#أجيال 10

#أجيال

الكَاتِبة هَامِي

الحلقه العاشّره

"أنثى مثلي لا تنفعگ ياعزيزي"

سراج ;; تأخرتي

انا داهشّه
احمد ربگ لجيت

سراج ;; ههههه
تي گنگ تقول گنتي تجري

;; اها هاربه اصلآ
وقعدنا نضاحگو

سراج ولعيلي

ياسلام شّن رايگ ندخن معاگ

سراج حط سيجاره في فمه  ومدلي ولاعه ;; بسرعه هيا

ضحگت
ولعتله دخان

سااااره
سمعت اسمي  طاحت مني الولاعه لتفتت شّفتا
حي علي انا

سراج جا صاحبه قعد يحگي معه

حقيره طلعت وگذبه اخره حطيت روحي في موقف سخيف ،،واوو شّن جيبه هذا  بس

اسامه قعد واقف مگانه يبحت في وخلاص
وانا نفس شّي قعدت نبحت فيه بعدها قربت منا وقلت بإرتباگ..
انا اااا.....

اسامه.....

;; اگيد تقول طلعت حقيره و گذابه اگيد ليشّ ساگت ادوي قول اي شّي قولي انتي گذبه قووووولهااا

اسامه بهدوء;;
ماگنتي حابه سهره معي او ما حبيتي وجودي معاگ

نصدمت من برودا عيوني سلطتهن عليه مافهمته مافهمت شّن في نظرة عيونه ولا حتى شّن يقصد

;; لا لااااا انا ح..

قاطعني...

اسامه:ليلتگ سعيده

مسگت ايده

اسامه حول ايدي
استغليتيني  عشّان بس نسگت ومانقول شّي لي هشّام مستعده اديري اي وسيله بس عشّان توصلي لتبيه

نزلت راسي لوطه مشَ عارفه ليشّ ما قتله لا انا مشّ هگي  ليشّ ماقتله نگملو سهرتنا انا عجبتني حبيتها نبي نگملها مع…..

قعدت نبگي لأن حسسني بسگوته اني رخيصه بگل ..
ماگنت نبي حد يشّوفني منهاره هگي قعدت نتمشّه ونبگي مشّ فاهمه حتي ليشّ درت هگ لحد ماوصلت  للشّقه .

گانت شّقة اسامه مظلمه عارفته مازال
خشّيت لشّقه وانا نبگي ونذگر گيف گنا اول ما وصلنا گيف لاقانه اسامه في مطار ورانيا تساعد فينا هي لي تطيبلنا ولمه تظم شّقتهم تخصص يوم لشّقتنا تظمها ويساعدها هشّام وانا واسامه نلعبو بلاي ستيشّن ولما هشّام يهزبني على غلط يجي اسامه يدافع علي حتى لما نگون غلطانه ديما ندير اي شّي عشّان نبيه يگرهني ومع ذلگ ماگرهنشّ !!

ولا گرهني خلاص الليله گرهني…

قعدت يومين على حاله هذي ومنطلعشّ من شّقه حتى لما يرن باب منفتحشّ گل لندير فيه نوم وبگا ونرد على هشّام نطمن عليه وخلاص ....

في يوم گلمني هشّام واطمن علي بعدها سگرت منه.. ؛
وخشّيت حمام غسلت وجي وبحتت في مرايا
وفي عقلي ....