الجزء الثاني
#أجيال 7🔥
الكَاتِبة هَامِي
______________
ما أستوعبتش كلام سهام صبيت طلعت نجري وايدي على قلبي وبيني وبين نفسي ننكر في لصار
لا لا لا اسامه مايقتلش..هوا ما مات..اكيد في غلط اكيد في مستحيل اسامه يقتل
سهام ايه هبه طلعن وراي ينادوا في ... وانا في دوامه رفعت عيوني نشوف في شرطه سلاح نسمع في صوت ماما تقولهم مافي حد كيف تمشي معاكم
نهز في راسي ننفي في كل لصار ...قدمت لعندهم شفت ام اسامه جايه ...
الشرطي:: لو سمحتي هذن اوامر لازم ماتمشي معانه لتحقيق هذي قضية قتل مش حاجه ساهله وعائلتكم اول متهمين
حطيت ايدي على فمي من صدمه لسمعته جسمي قشعر ...يعني صح لصار !!!
لملمت روحي من شتات وضياع افكاري لأنه امي تعبت منهم وهم على نفس كلام
خلي يجي بابا ونجوكم ..نطقت بصوت كله تعب مخنوق مش مستوعب كل شي
الشرطي بابتسامة تهزي :: نحنا مش على حسابك ...تفضلي توا عطلتونا عندنا شغل
-شنو انت ماتفهمش ماتقدرش معندكش خوات بنات كيف تبيني نطلع معاكم بروحي ولمركز شرطه اخره
كأني قلت نكته انفجر ضحك
خواتي متقارنش روحك فيهم .. كيف ماطلعتي مع المرحوم اطلعي معانه اقلها نحنا شرطه في خدمه الشعب
لثواني مااستوعبتش كلامه وقاحته ..وطبعاً لأني ساره اكيد مش ح نسكت عصبت
.. اذا انتوا القيتوني معزوقه غارقه في دمي هك تقولوا املا الناس لمتعرفش شن لعشته منلومش عليها في شن تفكر ... الله يلعنكم كرهتكم كرهة البلاد لمتستشرف غير علي وانتوا كل واحد فيكم مداير العار وتحكوا بعار غيركم وتبلوا على الناس.. انت شن عرفك عشان تحكم علي من انت اصلاً
الشرطي:: هوا الحوش هذا مالش راجل ولا كيف مطلعينا صبياهم يلا ضيعتوا وقتنا
على شوي هجمت عليه مسكني حد معه
لما يبقى لقدامهم راجل يطلعوله ..ياتافه والله تشوف على كل حرف غلطت بيه علينا
شرطه يلا خذوها
قعدت نفك فيهم وانا نعيط نتذكرت لما كرني نادر والليله السوده كلها
ماوقفتش عياااط ونضرب بإيدي ورجلي"
قتلك لما يجي بابا توا نجيكم
الشرطى ثاني:: خلاص خليها عيب عليك تزابي بنت
خشي اختي ووقت ليجي بوك قوله تعالو لمركز ....
خششتني ماما وسهام وانا نرعش ومزلت مش مصدقه لوين وصلنا!؟
ام اسامه:: فهموني شن لقاعد يصير ..اسامه وهشام خذوهم من عياده يحققو معاهم علاش؟
سهام :: خذو حتى سالم كان في معرض ..قاعده نرن على باتك لتوا محصلتش منعرفش مشالهم ولا مزال ماعرف
أنت تقرأ
#أجيال
Romanceهي عنيدة لا مبالية مستفزه لا تؤمن باالحب هو بارد عاشق مجنون متملك يريد ترويضها هل إختلاف شخصياتهم يصنع عِشقاً ❤ أعترف بأننى لستُ أنثى مسالمة و لا أشبه القطط الشرقية ، قلبي قلب أنثى مجنونه و عقلي عقل أشد الرجال لا أقف وراء شخصية مستعارة ، صوتي م...
