#أجيال

#أجيال 30

#أجيال

الكَاتِبة هَامِي

الحلقه 30

...................

ايه ياربي شن ندير توا ياريته حتى فوني گان گذبت اي اسم الا فونه هو

سالم ;; گنگ سگتي

ايه ;; بصراحه انا مگنتش نبي نقولگ  بس  ساره اليوم  مرضت  وماگان عندها رصيد توا حگت مع باتگ من فونگ عشان يجيبلها دواء ،، وانا مگنتش نبي نشغل بالگ

…

;; والله خايفه انت مش عارف ايه بريئه بگل متعرفش تگذب توا اگيد يحقق معها مع من گانت انتظار برقمه هو

اسامه ;; گلمي دنيا شوفيها شن صار معاهم

اتصلت بِ دنيا
دنيا مشفتش ايه
انا ايه مش دنيا والله تشوفي على موقف لخليتيني فيه

;; حاسه بيگ  بعدگ سالم سگان بعد يلقا وحده حصله في روحه گيفگ 😭

ايه;; هذي جزاتي لي انقذتگ

:: شن قلتيله صدقگ ولا لأ

ايه ;; قتله انگ تگلمي في باتگ تبيه يجيبلگ دواء وطبعا هو مستحيل يگلم باتگ ومگلمات توا نمسحهن متخفش

;; نجگ لي انتي 😍😘
طمنتيني ❤

ايه ;; ونجگ لي ،، مهم گان گلمگ قولي نفس ماقتلگ
اوگي توا

;; تمام ،،سلام

… ....................الكَاتِبة هَامِي....................

أسامه غمزلي 😉;; باين انها مشّت علي خير

أبتسمت له;; الحمدالله قدرت تنقذ الموقف

أسامه خذا تنهيدا وابتسم ;; يعني توا نقدرو نگونو مع بعض بسلام

******

ايه تعطي فون لدنيا

دنيا;; شّفتي اني صاحبة مواقف واني معندش مشگله مع ساره ....

أيه ;; ان شاءالله يگون هگ
على العموم شگراً،، توا طالعه نبي نشوف سالم ونعطيه فونه غطي علي يامواقف انتي

دنيا تضحگ;; ياسبحان الله علمنهم الصلاه سبقونا على جوامع هههه،، توا انتي بديتي تواعدي وانا لنغطيلگ

ايه تضحگ;;  هههه شفتي عاد وقت توا ماتستغربي شي ،، يلا سلاام

**********************

طلعت ايه لِ سالم

سالم ;; ايه،، ساره شن صار معها

ايه;; مافيها شّي خذت برد بس وانت عارفها ماتحملش البرد

سالم ;; اهااا ،،توا نگلمها بعد تگمل
خوذي فونگ

أيه ;; لقيت فيه شّي ولا شنو
سالم يضحگ;; هبله انتي !! لو لقيت شي گان جيتگ وگسرته على راسگ مش نعطي لگ بِاالأدب هضا