جميلة : سامي انت عارف ان كل عمري خاطري في بنوته منك بنوته نديرها صاحبتي نشكيلها ونفضفضلها ليش انت مصر تكسر بخاطري ( قالت كلمتها الاميره ببكى)
سامي مسح وجها وتنهد عشان يحاول يخفف من عصبيته : حرام عليك شنو تحكي انتِ انا خايف عليك انتِ عارفه ان الدكتوره قالت الحمل خطير عليك انا خايف نخسرك حسي بيااا
جميلة : اييي عارفه بس شنوو عرفها هي هذا علم الغيب ولا دكتورة ولا غيرها يعلم بيه وخلاااص سكر الموضوع البيبي مش حنزله ومش حنقتل روحه بريئه وهذا آخر كلام لياا ( وطلعت)
سامي تنهد تنهيده تعبر عن همومه وعن الصراع يلي قاعد فيه بين زوجتة يلي يحبها والبيبي يلي قطعه منه ويلي نفسهم يكون خطر كبير على حياة حبيبته...
.
.
بعد مرور الوقت
__________
مشت شهووور وجميلة كل ماليها تتعب والحمل يزيد حمله على صحتها يلي معاش تتحمل ورغم التعب و الوهن إلا إنها فرحانه وخصوصي بعد عرفت جنس البيبي بنت وشكرت ربي عشان عطها بنت بعد 5 ولاد كانت تجهز لجيت الأميره يلي حتنور حياتها وطبعاً سامي رغم خوووفه يلي يزداد بقرب موعد الولادة بس كان فرحان لفرح حبيبته وكان يساعد فيها في كل شيء وشايلها على كفوف الراحة..
___________
وجاء موعد ولادة جميلة 1997/12/12...
..
كانت جميلة في المطبخ اطيب في غداء ولادها وكانت تعبانة بس ما بينت الشيء هذا لولادها يلي كانوا فرحانين اكثر من امهم و بوهم لان حيجيهم بيبي وزيادة بنوته وحيولي عندهم اخت 💜
..
سامي وهو ينحي في الجاكيت متاعه وينادي : جمييييلة وينك عندي ليك خبر تعااالي جمييييلة
جميلة من المطبخ : تعالي اني في المطبخ نحط في الغداء
سامي دخل عليها والفرحه في عيونه : جمولتي يا ام عيال يا احسن جميله شفتها في حياتي
جميلة بضحكة خجل : اشييي عاد ساد لعيال يسمعوا فيك وخيرك شنو صاير وشنو هو الخبر يلي خلاك تقول كلمات هالغزل يلي من اول حملي معاش سمعَته وكملت كلامها بضحكهه
سامي : حراام عليك يا ظالمه انا امتى بطلت غزل فيك المهم توا تعالي هنا ( مسك ايديها وحط الكاشيك يلي كانت ماسكته وجابها قمعزها ع الكرسي يلي كان جنب باب المطبخ) تعالي هنا اشوي وخلي الماكله عنك اليوم سمعت احلى خبر كنت مستني نسمعه
جميله : بااااااهيي سامي قول وانت تلعب بأعصابي من اول ما جيت قالتها بنرفزه
سامي : ماشي ماشي حنقول اليوم حصلت نقل لطرابلس يعني حنمشوا جنب العويله غادي وحتنتهي غربتي خلاااص الله فرحتي مش قادر نوصفها
جميلة زعلت من الخبر لأنها حتفارق بنغازي مدينتها واصلها وعيلتها بس في فرحه في قلبها عشان فرحت راجلها : صح سامي مبرووك عليك واخيرا
سامي : وفي شيء ثاني بكرا حنطلعوا من هنا لطرابلس عشان نكمل الإجراءات الباقيه غادي
جميلة بضيق : ان شاء الله خير يارب
سامي مسك وجها بين ايديه وكان يشوف لعيونها يلي كل ما يشوفهن يزيد يعشقها وكان اول مره يشوفهن: جمولتي عارف صعب عليك بس انتي حاسه وفاهمه شعوري صح
جميلة تمسح في الدموع يلي حاصله في طرف عيونها : ايي فاهمه واني فرحانه بالخبر بس عشان بنفارق بنغازي وحوشي هذا عليش اضايقت
سامي : ربي يخليك ليا انتِ وعيالي وحط ايديه على بطنها وكمل و بنوتي حبيبة بوها وتوا هيااا جموله انا جعان ولولاد جاعوا هيا خلي نساعدك نحطوا الغداء...
تغدوا ومشى اليوم في ضم الدبش في الساكوات لان طيارتهم الصبح وجاء الليل رقدوا لعيال و دارت جميلة عليهم دورة زيي العادة كانت أم حنونه اتحب ولادها و زوجها كانت انسانه رائعه و ربت بيت مثاليه، خشت جنب سامي يلي كان يضم في الأوراق وكل شيء يخص العمل وبعد كمل رقدوا الأثنين...
.
.
.
الساعه 3 ونص لما كانت الناس راقده كلها إلا جميله يلي كانت تتوجع وحاسهه بالتعب وحست روحها بتطلع وعرفت وقتها إن بنوتتها حتشرف ع الدنيا...
.
.
جميلة بأنين و وجع كان واضح في صوتها : سا.. ا.. امي نوووض خلااص معاش قااااادرة نتحمل آآآآآآه
سامي ناض مفجوع وخايف : خيرك شنو فيك شنو ندير ( كأنه اول مره يجيه بيبي)
جميلة بوووجع زياااادة : شنوو شن أدير سااامي شيييييييلني للعيادة معاش قادره بنجيييب آآآآآآه ياارربي
سامي ناض يجري ولع السيارة ورد يجري ويساعد في جميله عشان توصل للسيارة : سامي لعييييال كلم حد يقعد معاهم آآآآآه عيالي كلم حد يجيهم بسرررعهه
سامي بتوتر وخوف : حاضر حنكلم محمود خوك يجيهم بس هيااا
أتصل سامي بمحمود عشان يجي للعيال وما هي إلا دقايق
وكان محمود مع لعيال وسامي في العيادة
.
.
خذوا جميلة يلي كانت تعبانه وداهشه ومش قادره تتحمل اكثر و دخلوها لغرفة الولادة وكانت دكتورتها حاضره...
.......
ستووووووب 🧸😂
سلااام حبايب قلبي ❤️ هذي بداية روايتي ان شاء الله نكون عند حسن ظنكم سنوووو رايكم في البارت كبداية بليييييز وما تنسوا لايك + الكومنت + توقعاتكم واعطوني رايكم لان يهمني
.
.
شنوو رح يصير مع جميلة هل حتجيب نوارت دنيتها وتفرح بيها ولا؟!! وهل سامي حيقدر يتحمل فكرة فقد وحده من أميراتهه ترقبوا البارت الجاييي
دمتم على خير 💜 مونيا محمد
أنت تقرأ
ما َبعد الذبول 🥀
Mystery / Thrillerعندما تذبل الورد هل تعود مثل ما كانت؟!! هل تتفتح من جديد هل تصبح مثل ما كانت عليه قبل الذبول 🥀 بالتأكيد لا والأنثى هكذا أيضآ عندما تذبل ََ ينطفئ شغفها لا تعود مثل ما كانت، ولكن في روايتي سيحدث العكس تمامآ فالحب يرجع الأشياء مثل ما كانت.... ♥️ . ال...
