لااا ياربي شنووو يقصد خالي ان شاء الله كذبه يارب ان شاء الله مافي شيء من يلي في بالي نوخر ومش مصدقه ييلي سمعته وانا نوخر طحت في الممر وخبطتت في الباب خالي جاء يجري من الصاله بعد شافني انصدم..
.
.
خالي شنوو يلي سمعته توا انت شنو تحكي شنوو تقصد
نحكي ونحاول نصبي نحاول نشد حيلي الكلام يلي سمعته هد حيلي..
خالي : سيسيل هدي انتي كل شيء تمام وشنو سمعتي انتي
انا بعصيبه ونحاول نمسك اعصابي : عصااام خيييره عصام خووي شنووو صاير معاه شنوو تقصد بكلامك
خالي بحزن وآسف : ان شاء الله مافي شيء بس انتي هدي وتعالي تو نحكوا في الصاله بهدوء قرب مسك يدي
نفضت يدي منه : شنوووو نهدييي شنوو تبيني نسكت وكله تمام وانت تقول خوي مريض خوووي مريض شنوو فيه شنو صاير معاه شنو تقصد بأن عصام لازم يتعالج شنوو..، وانههررت مش قادره نتحمل فكرة المرض مرضي مسببلي عقده نخاف من حاجه اسمها دواء و مرض انا
خالي ضمني ليها وبعبره : اسسس حدودك مرقدين تعالي سيسيل تعالي حنحكوا جوو دخلنا للصاله وانا شهقاتي مش قادره نكتمهن مش قادره
خالي مدلي منديل : اسكتي عشان نعرف نحكي كلمتين اشششش
انا نمسح في دموع ومافيش فايده : احكي كل حاجه ما دس علياا يا خالي ارجوووك
خالي بتنهيدة مسح وجهها : القصه إنها عصام الايام يلي فاتن تعب وااجد وخش في غيبوبه ( شهقت ومش مصدقه)
وانا وين يا خالي ليش مش عارفه الموضوع ليش آخر من يعلم ليش ديمه انا ع الهامش في حياتكم ليييش وبكيت بكيت ومش عارفه شنو نفكر بزبط كل شيء جاء مره وحده صدمه وراء صدمه شنو مزال داس القدر لياا آآآه
خالي بصوت مخنوق : باتك طلب هكي ما يبي يخرب عليك انتي خاشه على امتحانات وسنه مهمه هكي طلب مني وما فيش حد عالم هنا انا بس
انا بعياااط : شنوووو تقول انت انتو طبيعين انتو عارفين شنوو تحكوا امتحانات شنوو وبلااا شنوو خوي في غيبوبه ومش عارفه خيره وشنو السبب وانتوا تحكوا ع الامتحانات والبلا الأحرف ونبكي ونحكي ع طول حسي
خالي مسك ايديه : اسكتي خلاص والله ما نحكيلك كان ما تسكتي اسكتي تفجعي جدك وجدتك خيرك انتي ليل رااه
حاولت نسيطر على روحي وبصوت مخنوق : عصام خيره مش شنو مريض احكي معاش عندي طاقه نتحمل
خالي : نحكي وما تقطعي عليا ( هزيت براسي بمعنى حاضر) عصام الايام يلي فاتن طاح في الورشه متاعه وسعفه جاركم غادي للعيادة وخش للغيبوبه ومن التحاليل والصور طلع عنده.... وسكت
خفت وقتها خفت يكون يلي في بالي صح خفت من فكرة فقد عصام صح خوي وما عنديش بيه خلطه بس كان قريب مني في صغري كان عايش معانا هنا في بنغازي بس بابا خذاه بعد فترة صعب عليا نفقده صعب
أنت تقرأ
ما َبعد الذبول 🥀
Mystery / Thrillerعندما تذبل الورد هل تعود مثل ما كانت؟!! هل تتفتح من جديد هل تصبح مثل ما كانت عليه قبل الذبول 🥀 بالتأكيد لا والأنثى هكذا أيضآ عندما تذبل ََ ينطفئ شغفها لا تعود مثل ما كانت، ولكن في روايتي سيحدث العكس تمامآ فالحب يرجع الأشياء مثل ما كانت.... ♥️ . ال...
