"اظن بأن حالي كان سيكون افضل مما أنا عليه الآن لو كانت أمي على قيد الحياة "
.
.
"أين انتي يا أمي صغيرتك أصبحت في مهب الريح أثناء غيابكِ"
.
.
سيسيل....
..
كتبت الخواطر هذوول في مذكرتي وسكرتها وطلعت مني تنهيده مليانه حزن ولوَم على قدري يلي كل مره يلعب معاي لعبه جديده وعلى خالي يلي متغير الفترة الاخيرة معانا زعمه شنو صاير معاه آآآآه ياربي هدي باله وأصلح حاله قطعت عليا مريم تفكيري :
انتي يابنت خيرك امبدري ما تبي تفتحي الباب تسحابي مشت عليا كذبتك متاعت انك راقده وما سمعتي راااه عارفه انك كنتي واعيه قولي الحق وحيييي عليك تكذبي عليااا مش امي ولا باتي انا ايوووه
آآآآآه قديش تفهم عليا البنت هذي حافظتني حفظ الحمدلله ياربي أعطيتني خاله واخت زيها ابتسمت ورديت عليها : انتي عارفه لأني كنت ما نبيش نواجه حد ونبي نرقد لان انتي عارفه قديش نرتاح لما نرقد وهكي ما نبيش نرد لان ما نبي نشوف خالي لان ما عندي عيين نشوف فيهه
مريم : انتي يا فرخة يا عبيطه خييرك راه الياس هو الغلطان مش انتي وبعدين شنو قتلك على حركة النوم هذي مش كويس ترقدي زعلانه ومضايقه راااه
لا مريم انا غلطتت وقت رديت عليه لان في الاخير خالي هذا وحقه يدير فيا يلي يبيه وحاضر مره ثانيه مش حنرقد 😂 حناخذ غفوه بس
مريم طلقت فيا المخدة : مبردك والله طيبتك الزايدة هذي حتودرك والله لو انا مكانك ما نرضى لحتى ناخد منه يلي نبيه 😂
ماهو انتي شوورك عاد بعدين ناخذ في يلي نبيه في اي وقت من خالي يعني عادي وانا اصلا مش زعلانه منه لان اكيد صاير معاه شيء
اجديده من لوطه : تعالن يا بنات تعشن تعالن
انا والله ماعندي خاطر عدي مريومه تعشي وطفي الضي على طريقكك
مريم : فييي عينك صبي قدامي حسني جعاانه ساد الغدا في جرتك انتي وC الياس ما تغديت نوووضي
باه انا شنو دخلني نوضي بروحك انتي جعانه ولا انا ياعليك حاله
جت مسكتني من يدي نوووضي حوووبي انتي ما تنزل النيه الا وانتي مقابلتني زيي مسمار جحا 😂😂😂 نوووضي هيااا
اوف اوف منك نضت نضت وانتي زقاابه درجه أولة
مريم بضحكه : طالعه لبنت اختي صبي صبي
.
.
نزلنا لقيت اجديده وجدي مقمعزين ع السفره وخالي مش باين شكله مش قاعد
جدي : تعالن هيا العشى صقع فييسع
اجديده تاكل : هيا تعالن
قمعزنا ع السفره ونبي نسأل على خالي بس نبي ندير جوو كرامه 😂
مريم تاكل والفم مليان : وين إلياس
جديده : كملي يلي في فمك وتكلمي بعدها إلياس في داره قال ما عنديش نيه والله العيل هذا حاله مش عاجبني من الصبح ما ضاق حاجه
أنت تقرأ
ما َبعد الذبول 🥀
غموض / إثارةعندما تذبل الورد هل تعود مثل ما كانت؟!! هل تتفتح من جديد هل تصبح مثل ما كانت عليه قبل الذبول 🥀 بالتأكيد لا والأنثى هكذا أيضآ عندما تذبل ََ ينطفئ شغفها لا تعود مثل ما كانت، ولكن في روايتي سيحدث العكس تمامآ فالحب يرجع الأشياء مثل ما كانت.... ♥️ . ال...
