ما َبعد الذبول 🥀

Part 2

.... دكتووورة دكتووورة ارجوك طمنيني على زوجتي في الداخل توا دخلوها ما ليهاش نص ساعه

الممرضه : معليش خوي بس حتطلع الدكتورة المسؤوله على حالتها وتخبرك بالتفاصيل وان شاء الله لا بأس عليها

سامي حس الدنيا ضاقت بيه يبي يعرف شنووو صار في الداخل ليش ما هناش صوت لا صراخ ولا شيء زيي المرات يلي فاتوا شنوو صار معاها قلبه مش مطمن من الاول كان ضد الحمل بس احترام لرغبتها وافق..
قمعز ع الكرسي ويدعي ربي يهوون عليها ويحفظها لهه شاف من بداية الممر عمته ناديه جايه والخوف باين عليها و وراها عمه علي

ناديه : قولي يا ولدي وين بنتي شنوو صار طمني الله يربحك وكملت كلامها بدموع خوف على بنتها.

علي سندها : استهدى بالرحمٰن وان شاء الله مافيها شيء قولي يا ولدي شنو صار

سامي : والله.. وقبل ما يكمل كلامه سمعوا صوت عياط بيبي صغيرر جاي من الغرفه والفرحه بانت على وجوهم بس ما دامت الفرحه
طلعت الدكتورة وكانت دكتورة هنديه مسلمه عايشه في ليبيا وهي يلي شارفه على حالة جميله

الدكتورة : السلام عليكم
سامي وبدون ما يرد السلام وبلهفه : ارجوك دكتورة طمنيني ع جميلة شنو صحتها.
الدكتورة بأسف : المريضه قلبها ضعيف وماقدرت تتحمل وللأسف المريضه توفت قبل الولادة بنص ساعه والحمدلله قدرنا ننقذوا البيبي والبقيه في حياتكم
.
.
وقف الزمان عند اللحظه هذي قديش صعب شعور الفقد والفراق يلي ما ليش ملقهه لفراق يلي سببه الموت يعني خلاااااااص معاش في جميلة معاش في وجود للإنسانه الرائعه يلي كانت أم حنونه وربت البيت المثاليه يلي كانت الحب الاول لسامي رضت وتحملت معاه كل الظروف،
كانت ليه الأخت والزوجه والصديقه في غربته كانت شيء جميل اسم على مسمى في حياته كيف حيقدر يعيش بدونها فكر في اللحظه هذي كل شي أولاده وبنته وعيلته يلي حتشتت بعد جميله آآآآآآه قديش شعور صعب ربي ما يذوقه لغالي...
.
.
لااااااااااءء ياربي بنتي ماتت ياربي شنووو تقولي انتي اكيد غالطه ولا تكذبي يا كذابه بنتي عايشه بنتي ما ماتت جميله عايشه الغاليه ما ماتت ( قالت ناديه كلامها ببكى وحيل مهدود)

علي و دموعه ينزلوا رغم ان كان متوقع الشيء هذا وعارف ممكن يصير بس أصعب شيء لما احساسك يكون صح :إن لله وإن إليه راجعون ياربي كيف حنصبروا صبرنا على فراقها

ناديه كان صوت بكاها وعياطها في كل مكان ولكل سخفهم حالها ممرضات و دكاترة ومرضه الناس كلها زعلوا على جميله بدون ما يعروفها
بس سامي شنو دار ليش ما دار ردت فعل ليش ساكت..

سامي ( المتحدث حاليآ)
لما سمعت الخبر كان فااجعه وصدمه لياااا كنت خايف من الاول من الشيء هذا يصير بس صار وجميله معاش موجوده في حياتي عيالنا و بنتنا يلي كانت مستنيه تحضنها وتشوفها ما قدرت حتى تشوفها ليش ياااااربي لييييش كيف حنعيش بدون جميله انا آآآآآآه الصبر يارب الصبر
.
.
كان كلامه بينه وبين نفسه كان هادي بشكل غريب ولا كأنه ما سمع خبر موت زوجته وأم عياله ورفيقة دربه وممكن هذا كان هدوء ما قبل العاصفه
..
ستووووووب سلاام عليكم
🖤 🖤
عارفه قصير بس عشان نختصر الأحداث ونبدوا في روايتنا طبعآ زيي نا شفتوا جميلة ماتت بدون ما تشوف اميرتها و نورات دنيتها ماتت وشوقها لشوفت بنت في حياتها مات معاها في قلبها ربي يرحمها ويغفر لها بس شنو حيصير في حياة سامي وعياله كيف حيعيش من غير جميله ترقبوا البارت الجاي

رايكم لان اكيد يهمني + لايك + كومنت
.
.
دمتم بخير 💜 مونيا محمد