سيسيل
..
..
مشى يوم وتوا ليا في براك الشاطي يومين اليوم جمعه وزيي ما عرفت من خالتي لازم يمشوا يقضوها عند حووش جدي ومش عارفه خايفه نمشي ما نبي يصير مشاكل بسببي
نضت الساعه 9 ونص غيرت وصليت ونزلت للمطبخ لقيت العيله كلها موجوده وحتى عصام لان امس الليل طلع من العياده وحالته مزالت زيي ما هيي
صباااح الخير
كلهم ما عاده عصام : صباح الخير
قمعزت جنب عصام وكان شارد : عصَومي وخيي صبااحك فل
بحت فيا بأبتسامه باهته : صباح الخير سيسيل
وجعني حاله ما يستاهل يصير معاه هكي فطرنا وطبعاً ما يخلوا الأمر من وردة يلي تلقح عليا لأنها مقمعزه في حضن بابا وهو يوكل فيهاا قديش نتمنى نعيش اللحظه هذي تمنيت روحي مكان وردة صغيره وماما موجوده وسعيده في حياتي كنت شاردة ومش حاسه بيلي يصير جنبي
المعتصم : انتي هييييي شنو طرشتي ولا شنوو خيرك ما ترد بوك ليه ساعه ينادي فيك
فتهه والتفتت على بابا : معليش كنت سارحه نعم باابا شنو كنت تقول
بابا وهو يشرب في وردة في الحليب متاعها : قتلك اليوم بنمشوا لحوش جدتك وما نبي مشاكل هذي جدتك ولازم تحترميها
حاضر
عصام : ما نبي نمشي انا
كلنا بحتنا فييه حاتم : بتقعد بروحك؟!!
عصام بعصبيه : مش صغير انا وصبا من ع السفره
بابا نبي نقعد مع عصام عاادي ارجوك
بابا بقلة حيلة : اوك ع راحتكم ديري بالك منه
حاضر وصبيت صحهه سفره دايمه وجيت بنمشي
معتصم : ويين يا انسه ساعدي خالتك وانتي من جيتك تأكلي وتصبي وكأنك ملكه مش خدامه خالتي لك
" صدمني كلامه يحكي معاي بحقد غرريب مش عارفه شنوو دايره عشان يعاملني هكي وكلامه احرجني"
اوك اسفه ورديت خذيت الصحون الفارغه وبديت نغسل وفي قلبي غصه
خالتي : لا ياروحي خلي تو نغسل انا واخذه عليه وبعدين مش واجد هما
بغصهه لا خويله كلام معتصم صحح معليش سامحني وكملت غسل واستغربت ليش بابا ما تكلم وسكت المعتصم ولا حاتم ياربي شنو مستنيه منهم انا
كملت وطلعت رقيت للدار وخليتهم يلبسوا وبيمشوا وكانت الساعه 10 ونص سمعت خالتي تقول مشينا نحن والباب اسكر بعدها مشيت لعصام في داره دقيت ع الباب مره اثنين مافي رد فتحت ولقيته ماسك المذكره متاعه ويكتب
احم عصوومي
رفع رأسه فياا : ما مشيتي معاهم
لا لا ما نبي نمشي ماهو تعااركت مع اجديده اول امس
أنت تقرأ
ما َبعد الذبول 🥀
Детектив / Триллерعندما تذبل الورد هل تعود مثل ما كانت؟!! هل تتفتح من جديد هل تصبح مثل ما كانت عليه قبل الذبول 🥀 بالتأكيد لا والأنثى هكذا أيضآ عندما تذبل ََ ينطفئ شغفها لا تعود مثل ما كانت، ولكن في روايتي سيحدث العكس تمامآ فالحب يرجع الأشياء مثل ما كانت.... ♥️ . ال...
